நாமக்கல், நவ.11 -–
நாமக்கல்லில் கிழக்கு மாவட்ட தி.மு.க. செயற்குழு கூட்டம் மாவட்ட அவைத்தலைவர் சி.மணிமாறன் தலைமையில் நடைபெற்றது. ஆதிதிராவிடர் நலத்துறை அமைச்சர் மருத்துவர் மா.மதிவேந்தன், தொகுதி பொறுப்பாளர் நன்னியூர் ராஜேந்திரன், மாநகராட்சி மேயர் து.கலாநிதி ஆகியோர் முன்னிலை வகித்தனர்.
கூட்டத்தில் நாமக்கல் கிழக்கு மாவட்டக் கழகச் செயலாளரும், மாநிலங்களவை உறுப்பினரும் நாமக்கல் மாவட்டம் மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் எம்.பி. கலந்து கொண்டு பேசியதாவது:–
வாக்காளர் பட்டியல் தீவிர சிறப்பு திருத்தத்திற்கு (எஸ்ஐஆர்) தி.மு.க. தொடர்ந்து எதிர்த்து வருகிறது. சட்டமன்ற தேர்தலை அருகில் வைத்து கொண்டு இந்த திருத்தப் பணிகள் நடைபெறுவதை திமுக விரும்பவில்லை. கடந்த 2002 ஆம் ஆண்டு தமிழ்நாட்டில்எஸ்ஐஆர் பணிகள் நடைபெற்ற போது, அந்த ஆண்டு தேர்தல் எதுவும் நடைபெறவில்லை.
ஆனால் தற்போது அப்படி இல்லை. இன்னும் 5 மாதங்களில் சட்டமன்ற தேர்தல் வர உள்ளது.
திராவிட மாடல் ஆட்சி நடத்தி வரும் தமிழ்நாடு முதலமைச்சர் மு.க.ஸ்டா லின் அவர்களின் மக்கள் நலத்திட்டங்கள் மூலம் கிராமப்புறங்களில் உள்ள கடைக்கோடி மக்கள் வரை பயன் அடைந்துள்ளனர். அவர்களுக்கு எஸ்.ஐ.ஆர் குறித்த போதிய விழிப்பு ணர்வு ஏற்படவில்லை. இதனால் அவர்கள் கணக்கெடுப்பு படிவம் தரவில்லை எனக் கூறி தேர்தல் ஆணையம் அவர்களின் பெயர்களை வாக்காளர் பட்டியலில் இருந்து நீக்கம் செய்ய வாய்ப்பு உள்ளது.
பீகார்மாநிலத்தில் எஸ்.ஐ.ஆர் மூலம் சுமார் 60 லட்சம் வாக்காளர்கள் நீக்கப்பட்டுள்ளனர். எனவே எஸ்ஐஆர் சிறப்பு திருத்தப் பணிகளை கட்சியினர் தீவிரமாக கண்காணிக்க வேண்டும். தகுதியான அனைவரின் பெயரும் வாக்காளர் பட்டியலில் இடம் பெறுவதை உறுதி செய்யவேண்டும். இதற்காக நகர, ஒன்றிய, பேரூர் செயலாளர்கள் வாக்குசாவடிவாரியாக சென்று வாக்குசாவடி முகவர்கள் செய்யும் பணிகளை ஆய்வு செய்யவேண்டும்.
இவ்வாறு அவர் பேசினார்.
கூட்டத்தில், தமிழ்நாடு முதலமைச்சர் மு.க. ஸ்டாலின் அவர்களின் ஆணைக்கிணங்க தமிழ்நாட்டில் எஸ்.ஐ.ஆர் சீராய்வை தேர்தல் ஆணையம் உடனே கைவிட வேண்டும். ஒன்றிய பாஜக அரசின் கைப்பாவையாக மாறி தமிழ்நாட்டில் எஸ்.ஐ .ஆர் ஐ செயல்படுத்துவதை கண்டித்து மதச்சார்பற்ற முற்போக்கு கூட்டணி சார்பில் வரும் 11 ஆம் தேதி காலை 10 மணிக்கு நாமக்கல் மோகனூர் சாலையில் உள்ள தலைமை தொலைபேசி நிலையம் எதிரில் மாபெரும் கண்டன ஆர்ப்பாட்டம் நடைபெறுகிறது. இந்த ஆர்ப்பாட்டத்தில் நாமக்கல் கிழக்கு மாவட்டத்தில் உள்ள ஒன்றிய, நகர பேரூர் பகுதியில் திரளானவர்கள் கலந்து கொள்ள வேண்டும் உள்ளிட்ட பல்வேறு தீர்மானங்கள் நிறைவேற்றப்
பட்டது.
கூட்டத்தில், முன்னாள் மாவட்ட பொறுப்பாளர் பார்.இளங்கோவன், மாவட்ட நிர்வாகிகள் நலங்கிள்ளி, ராணி, டாக்டர் மாயவன், பூவராகவன், விமலா சிவக்குமார், ராணா ஆனந்த்சிவக்குமார், ஒன்றிய கழக செயலாளர்கள் கே.பி.ராமசுவாமி, அசோக்குமார், செந்தில்முருகன், நவலடி, ஜெகநாதன், ஆர்.எம்.துரைசாமி, எம்.பி.கௌதம், ஜெயபிரகாஷ், கே.பி.ஜெகநாதன், கே.பி.ராமசுவாமி, பாலசுப்பிரமணியம், நகர செயலாளர்கள் என்.ஆர்.சங்கர், பூபதி,ராணா ஆனந்த், சிவக்குமார்,பேரூர் கழக செயலாளர்கள் செல்லவேல் (எ)செல்லப்பன், பி.ஜெயக்குமார், என்.செல்வராஜ், கே.அன்பழ கன், பொன்.நல்லதம்பி, ஆர்.எஸ்.எஸ்.ராஜேஷ், கே.கண்ணன், பழனியாண்டி, முருகேசன் மற்றும் மாவட்ட, மாநில நிர்வாகிகள், மாவட்ட சார்பு அணி அமைப்பாளர்கள், மகளிர் அணி நிர்வாகிகள் என பலரும் கலந்து கொண்டனர்.