நாகை நவ.11––
நாகை மாவட்டத்தில் உள்ள அனைத்து நேரடி நெல் கொள்முதல் நிலையங்களிலும் 4.11.2025 அன்று வரை 1,07,764 மெ.டன் நெல் கொள் முதல் செய்யப்பட்டுள்ளது என மாவட்ட ஆட்சித் தலைவர் ப.ஆகாஷ் தகவல்.
கழகத் தலைவர் தமிழ்நாடு முதல்வர் தளபதி அவர்கள் இந்த ஆண்டு டெல்டா பகுதி குறுவை நெல் சாகுபடிக்காக ஜூன் 12ஆம் தேதி மேட்டூர் அணையை தனது பொற்கரங்களால் திறந்து வைக்கப்பட்டு அதன் பின் ஜூன் 15ஆம் தேதி கழகத் தலைவர் தளபதியே கல்லணையை திறந்து வைத்தார்.
இதையடுத்துடெல்டா மாவட்டங்களில் குறுவை நெல் சாகுபடி பணி முழு வீச்சில் தீவிரமாக நடைபெற்றது. குறுவை சாகுபடிக்கு தேவையான தண்ணீரை தட்டுப்பாடு இன்றி மேட்டூர் அணையில் இருந்து திறந்து விடப்
பட்டது. மேலும் விதைநெல் உரம் தட்டுப்பாடு இன்றி அனைத்து பகுதிகளும் அனைத்து விவசாயி களுக்கும் கிடைக்க தமிழ்நாடு அரசின் மேலாண்மை துறை சிறப்பாக பணியாற்றியது. இதனால் இந்த ஆண்டு குறுவை நெல் சாகுபடி சிறப்பாக நடைபெற்று அதிக மகசூல் கிடைத்தது. குறுவை நெல் அறுவடை பணி தொடங்கும் முன்பே திராவிட மாடல் அரசின் முதல்வர் தளபதி அவர்கள் விவசாயிகள் விளைவிக்கும் நெல்லை சேதாரம் இன்றி கொள்முதல் செய்ய அரசின் நேரடி நெல் கொள் முதல் நிலையங்களை திறக்க செய்ததோடு கொள்முதல் செய்ய தேவையான சணல் சாக்குகள் நெல் கொள்முதல் நிலையங்க ளில் தேவைக்கேற்ப முழுமையாக வழங்கப்பட்டது இதனால் தங்கு தடையின்றி விவசாயிகளிடம் இருந்து அரசு நேரடி நெல் கொள்முதல் நிலையங்கள் மூலம் தங்கு தடை இன்றி கொள்முதல் செய்யப்பட்டது.
மேலும் தமிழ்நாடு முதல்வர் தளபதி ஆணைக்கிணங்க உணவு துறை அமைச்சர் சக்கரபாணி நாகை மாவட்டத்திற்கு இரண்டு முறை வருகை தந்துவிவசாயிகள் கொண்டு வரும் நெல்களை தடை இன்றி அனைத்து நெல்லையும் நெல் கொள்முதல் செய்வதற்காக சம்பந்தப்பட்ட துறை அதிகாரிகள் ஆய்வுக் கூட்டத்தையும், மாடர்ன் ரைஸ் மில் உரிமையாளர்கள் கலந்துரையாடல் கூட்டத்தையும் நடத்தியதோடு நேரடி நெல் கொள்முதல் நிலையங்க ளுக்கு நேரடியாக சென்று நெல் கொள்முதல் குறித்து ஆய்வு மேற்கொண்டார். அத்துடன் கொள்முதல் நிலையத்திற்கு தேவையான அடிப்படை வசதிகளை விவசாயிகளிடம் கேட்டறிந்தார்.
கழகத் தலைவர் தமிழ்நாடு முதல்வர் தளபதி அவர்களின் சீரிய முயற்சியால் இந்த ஆண்டு நாகைமாவட்டத்தில்.குறுவை பருவத்தில் சுமார் 30,217 ஹெக்டர் பரப்பளவில் குறுவை சாகுபடி செய்யப்பட்டு, 04.11.2025 வரை சுமார் 27,543 ஹெக்டர் பரப்பளவில் குறுவை சாகுபடி அறுவடை செய்யப்பட்டுள்ளது. மீதமுள்ள 2,674 ஹெக்டர் அறுவடைப்பணி மற்றும் நெல் கொள்முதல் பணி நடைபெற்று வருகிறது. விவசாயிகளிடமிருந்து நெல் கொள்முதல் செய்யப்பட்ட 23,146 விவசாயி களுக்கு ரூ. 256.67 கோடி பணம் கொள்முதல் செய்யப்பட்ட இரண்டு நாட்களுக்குள் விவசாயிகளின் வங்கிக் கணக்கில் திராவிடம் மாடல் அரசு வரவு வைத்துள்ளது
இது குறித்து நாகை மாவட்ட ஆட்சித் தலைவர் ப.ஆகாஷ் வெளியிட்டுள்ள அறிக்கையில் கூறியிருப்பது
நாகை மாவட்டத்தில் குறுவை பருவத்தில் சுமார் 30,217.34 ஹெக்டர் பரப்பளவில் குறுவை சாகுபடி செய்யப்பட்டு, 04.11.2025 வரை சுமார் 27,543 ஹெக்டர் பரப்பளவில் குறுவை சாகுபடி அறுவடை செய்யப்பட்டுள்ளது. மீதமுள்ள 2,674.34 ஹெக்டர் அறுவடைப்பணி மற்றும் நெல் கொள்முதல் பணி நடைபெற்று வருகிறது.
நாகப்பட்டினம் மாவட்டத்தில் இந்த ஆண்டு 30, 217 ஹெக்டர் நிலப்
பரப்பில் குறுவை நெல் சாகுபடி செய்யப்பட்டது. இந்தக் குறுவை அறுவடைப்பணி தற்பொழுது முழு வீச்சில் நடைபெற்று முடியும் தருவாயில் உள்ளது. குறுவை மகசூலை பொருத்தவரை .அரசாட்சி காலத்தில்
தமிழ்நாடு நுகர்பொருள் வாணிபக் கழகத்தின் மூலம் காரீப் 2025–2026 ஆம் ஆண்டு குறுவை பருவத்தில் திறக்கப்பட்ட 123 நேரடி நெல் கொள்முதல் நிலையங்க ளில் 03.09.2025 முதல் 04.11.2025 வரை 1,07,764 மெ.டன் நெல் கொள்முதல் செய்யப்பட்டுள்ளது. இதில் 04.11.2025 ஒரே நாளில் 117 நேரடி நெல் கொள்முதல் நிலையங்க ளில் 3,010 மெ.டன் நெல் கொள்முதல் செய்யப்பட்டது. அவற்றில் இதுவரை சுமார் 91,218 மெ.டன் நேரடி நெல் கொள்முதல் நிலையங்களிலிருந்து தமிழ்நாடு நுகர்பொருள் வாணிபக் கழகத்தின் கிடங்கு, ஆலைகள் மற்றும் பிறமாவட்ட மண்டலங்களுக்கு இயக்கம் செய்யப்பட்டு, மீதமுள்ள 16,546 மெ.டன் நேரடி நெல் கொள்முதல் நிலையங்க ளில் பாதுகாப்பாக வைக்கப்பட்டு நகர்வு பணிகள் நடைபெற்றுவருகிறது. 04.11.2025 ஒரே நாளில் சுமார் 2,871 மெ.டன் பாதுகாப்பாக இயக்கம் செய்யப்பட்டுள்ளது.
நாகப்பட்டினம் மாவட்டத்தில் நேரடி நெல் கொள்முதல் நிலையங்கள் மூலம், 03.09.2025 முதல் 04.11.2025 வரை 23,146 விவசாயிகளிடமிருந்து நெல் கொள்முதல் செய்யப்பட்டு, இதுவரை ரூபாய் 256 கோடியே, 67 இலட்சத்து, 17 ஆயிரத்து 226 தொகை அவர்தம் வங்கிக் கணக்கில் வரவு வைக்கப்பட்டுள்ளது.
இவ்வாறு நாகைமாவட்ட ஆட்சித் தலைவர் ப. ஆகாஷ் தெரிவித்துள்ளார்.