நாமக்கல், நவ. 11 –
இன்று (11 ஆம் தேதி) நாமக்கல்லில் தமிழ்நாட்டில் மத்திய ஆளும் பாஜக அரசால் கொண்டுவரப்பட்டுள்ள சிறப்பு தீவிர வாக்காளர் பட்டியல் சீராய்வைக் (S.I.R)கண்டித்து நடக்க உள்ள ஆர்ப்பாட்டம் குறித்து ஆலோசிக்க தி.மு.க. மற்றும் அதன் கூட்டணிக் கட்சிகளின் ஆலோசனைக் கூட்டம் மற்றும் மேற்கு மாவட்ட கழக செயற்குழு கூட்டம் நாமக்கல் மேற்கு மாவட்ட தி.மு.க. அலுவலகம் தளபதி அரங்கில் மாவட்ட அவைத் தலைவர் இரா.நடனசபாபதி தலைமையில் நடைபெற்றது.
நாமக்கல் மேற்கு மாவட்டக் கழகப் பொறுப்பாளரும், முன்னாள் சட்டமன்ற உறுப்பினருமான கே.எஸ்.மூர்த்தி கலந்து கொண்டு எஸ்.ஐ.ஆர். என்னும் சிறப்பு தீவிர வாக்காளர் பட்டியல் சீரானால் தமிழகத்தில் பீகாரில் நடந்தது போல் வாக்காளர்கள் பெரும்பான்மையான அளவில் நீக்கம் செய்து விட கூடாது. மற்ற மாநிலத்தில் இருந்து வேலை காரணமாக இங்கே வந்தவர்கள் வாக்காளர்களாக சேர்க்கப்பட்டு விடக்கூடாது என்பதில் எள்ளளவும் கவனக்குறைவாக இருந்து விடக் கூடாது. நாம் இதனை ஏற்றுக் கொள்ளவில்லை என்றாலும் கூட செய்கிற பணியில் எவ்வித தொய்வும் இருந்து விடக் கூடாது.
இன்று ( 11 ஆம் தேதி) நடக்க இருக்கிற ஆர்ப்பாட்டத்தில் பெரும் திரளாக கலந்து கொள்வதின் மூலம் மத்திய அரசிற்கும், தேர்தல் ஆணையத்திற்கும் நம்முடைய எதிர்ப்பை பதிவு செய்ய வேண்டும் என்பதால் அனைவரும் பெரும் திரளாக வந்து ஆர்பாட்டத்தில் கலந்து கொள்ள வேண்டும் என கேட்டுக் கொண்டார்.
இக்கூட்டத்தில் நாமக்கல் மேற்கு கொமதேக நாமக்கல் மேற்கு மாவட்ட செயலாளர் ராயல் செந்தில், ம.தி.மு.க. மாவட்ட செயலாளர் கே.கே.கணேசன், இந்திய கம்யூனிஸ்ட் கட்சி மாவட்ட செயலாளர் அன்புமணி, நகர செயலாளர் சுகுமார், ஆதித்தமிழர் பேரவை மாநில நிர்வாகி தமிழரசு, மாவட் டச் செயலாளர் சரவணகுமார், வி.சி.க. மாவட்ட செயலாளர் முருகன், தொகுதி பொறுப்பாளர்கள் சீனிவாசன் (திருச்செங்கோடு), செல்வன் (குமாரபாளையம்), உமா (பரமத்திவேலூர்), நகர செயலாளர்கள் ஆர்.நடேசன், தா.கார்த்திகேயன், குமார், ஞானசேகரன், ஒன்றிய செயலாளர்கள் தனராசு, வட்டூர் தங்கவேல், தாமரைச்செல்வன், பழனிவேல், தளபதி செல்வம், இளங்கோவன், நாச்சிமுத்து, செல்வராஜ், சாமிநாதன், தளபதி சுப்பிர மணியம், சரவணன் மற்றும் பேரூர் கழக செயலாளர்கள் திருமலை, ரமேஷ்பாபு, முருகன், கார்த்திக்ராஜ், ராமமூர்த்தி, பெருமாள், கருணாநிதி, ராமலிங்கம் சார்பு அணி நிர்வாகிகள் உள்ளிட்ட பலர் கலந்து கொண்டனர்.
கூட்டத்தில் சேந்தமங்கலம் சட்டமன்ற உறுப்பினர் கே.பொன்னுசாமி மறைவிற்கும், மாவட்ட இளைஞரணி துணை அமைப்பாளர் கதிரவனின் தாயார் மறைவிற்கும் இரங்கல் தெரிவித்து தீர்மானம் நிறை வேற்றப்பட்டது.
தமிழ்நாட்டில் மத்திய ஆளும் பாஜக அரசால் கொண்டு வரப்பட்ட சிறப்பு தீவிர வாக்காளர் பட்டியல் சீராய்வு எஸ்.ஐ.ஆர்.ஐ.யை எதிர்த்து இன்று ( 11 ஆம் தேதி) காலை 10 மணிக்கு நாமக்கல்லில் நடைபெறும் கண்டன ஆர்ப்பாட்டத்திற்கு ஒன்றிய, நகர, பேரூர் கழகங்களின் சார்பில் சிறப்பான முறையில் பெரும் திரளாக கலந்து கொள்வது,
நவம்பர் 27 ஆம் தேதி தமிழ்நாடு துணை முதலமைச்சரும், கழக இளைஞரணி செயலாளருமான உதயநிதி ஸ்டாலின் அவர்களது பிறந்தநாளை சிறப்பாகக் கொண்டாடும் விதமாக அன்று அரசு மருத்துவமனையில் பிறக்கும் குழந்தைகளுக்கு தங்க மோதிரம், இனிப்பு வழங்குவது மற்றும் பொதுக்கூட்டங்கள் நடத்துவது உள்ளிட்ட பல்வேறு தீர்மா னங்கள் நிறைவேற்றப் பட்டது.
சேலம் மாவட்டம் அயோத்தியாப் பட்டணம் வடக்கு ஒன்றியம் வீராணம் ஊராட்சியில் ரூ.3 கோடியே 50 லட்சம் மதிப்பில் உயர்மட்ட மேம்பாலம் அமைக்கும் பணியினை வடக்கு ஒன்றிய செயலாளர் க.ரத்தினவேல் தொடங்கி வைத்தார். இந்நிகழ்ச்சியில் அவைத் தலைவர் பா. கௌதமன் ,துணைச்செயலாளர் செந்தில் பொருளாளர் பழனிவேல், மாவட்ட பிரதிநிதி அகரம் ராஜேந்திரன், ராஜா மற்றும் கிளை செயலாளர்கள் உள்ளிட்டோர் கலந்து கொண்டனர்.
தருமபுரி கிழக்கு மாவட்டப் பொறுப்பாளர் வழக்கறிஞர்.ஆ.மணி எம்.பி. அவர்களின் அறிவுரைப்படி தருமபுரி மகளிர் அணி மாவட்ட அமைப்பாளர் கவிதா மோகன்தாஸ் அரூர் சட்டமன்றத் தொகுதி கம்பைநல்லூர் பகுதி பூத் 29ல் இல்லம்தோறும் சென்று SIR திருத்தம் குறித்து விளக்கி படிவங்களை வழங்கினார்.உடன் சுப்புராஜ்,ராஜசேகர், சுமதி உள்ளிட்ட தி.மு.க.வினர் பங்கேற்றனர்.