சென்னை, நவ.11 –

தி.மு.க. உள்­ளிட்ட அனைத்­துக் கட்­சி­க­ளும் எதிர்ப்பு தெரி­வித்த போதி­லும் தமிழ்­நாட்­டில் சிறப்­புத் தீவிர வாக்­கா­ளர் பட்­டி­யல் சீராய்வு (S.I.R.) கொண்டு வந்­துள்ள இந்­தி­யத் தேர்­தல் ஆணை­யத்­தைக் கண்­டித்து மதச் சார்­பற்ற முற்­போக்கு கூட்­டணி சார்­பில் இன்று ( 11 ஆம் தேதி) அனைத்து மாவட்­டத் தலை­ந­க­ரங்­க­ளி­லும் “மாபெ­ரும் கண்­டன ஆர்ப்­பாட்­டம்” நடை­பெ­று­கி­றது.

‘‘நாட்­டில் உள்ள பெரும்­பான்­மை­யான அர­சி­யல் கட்­சி­கள் S.I.R–க்கு தொடக்­கம் முத­லில் இருந்தே எதிர்ப்பு தெரி­வித்­தும், ஒன்­றிய அர­சின் கைப்­பா­வை­யா­க­வும், எதேச்­சா­தி­கா­ரப் போக்­கு­ட­னும் தேர்­தல் ஆணை­யம் செயல்­பட்டு தமிழ்­நாட்­டில் சட்­டப்­பே­ரவை தேர்­தல் நடை­பெ­று­வ­தற்கு சில மாதங்­களே உள்ள நிலை­யில், தி.மு.க. உள்­ளிட்ட அனைத்­துக் கட்­சி­க­ளும் எதிர்ப்பு தெரி­வித்த போதி­லும் இந்­தி­யத் தேர்­தல் ஆணை­யம் சிறப்­புத் தீவிர வாக்­கா­ளர் பட்­டி­யல் சீராய்வு (S.I.R.) கொண்டு வந்­துள்­ளது.

சிறு­பான்­மை­யி­னர் வாக்­கு­கள், பா.ஜ.க.,வின் எதிர்ப்பு வாக்­கு­கள் ஆகி­ய­வற்­றைக் குறி­வைத்து நீக்­கும் நோக்­கோடு – தகு­தி­யுள்ள வாக்­கா­ளர்­களை நீக்கி, தகு­தி­யற்ற வாக்­கா­ளர்­க­ளைச் சேர்க்­கும் சதித் திட்­டத்­தோடு ஒன்­றிய பா.ஜ.க. அரசை தனக்­குப் பாது­கா­வ­லாக வைத்­துக் கொண்டு தேர்­தல் ஆணை­யம் இத­னைச் செய்­திட முயன்­றி­ருப்­ப­தோடு, பீகார் மாநி­லத்­தில் நடை­பெற்ற குள­று­ப­டி­கள் எதை­யும் களை­யா­மல் தமிழ்­நாடு உள்­ளிட்ட 12 மாநி­லங்­க­ளில் S.I.R திட்­டத்­தைச் செயல்­ப­டுத்­து­வது மக்­க­ளின் வாக்­கு­ரி­மை­யைப் பறிப்­ப­தா­க­வும், ஜன­நா­ய­கத்தை அடி­யோடு குழி தோண்டி புதைப்­ப­தாக­ வும் உள்­ளது. அத்­து­டன் தேர்­தல் ஆணை­யத்­தின் அவ­ச­ரமே அதிக சந்­தே­கத்தை எழுப்­பு­கி­றது.

சிறப்­புத் தீவிர வாக்­கா­ளர் பட்­டி­யல் சீராய்வு (S.I.R.)வின் மூலம் தமிழ்­நாட்­டில் உள்ள உண்­மை­யான வாக்­கா­ளர்­க­ளின் பெயர்­க­ளைப் பட்­டி­ய­லில் இருந்து நீக்கதேர்­தல் ஆணை­யம் திட்­ட­மி­டு­கி­றது.

வட­கி­ழக்கு பரு­வ­ம­ழை­யு­டன்

உச்ச காலத்­தில் கொண்­டு­வ­ரு­வதா?

தமிழ்­நாட்­டில் வட­கி­ழக்­குப் பரு­வ­ம­ழை­யின் உச்ச கால­மான, கன­மழை மற்­றும் மோச­மான வானிலை எதிர்­பார்க்­கப்­ப­டும் காலத்­தில் தமிழ்­நாடு வாக்­கா­ளர்­க­ளில் பெரும்­பா­லோர் கிரா­மப்­புற மக்­க­ளாக – விவ­சா­யி­க­ளாக இருப்­ப­தால், Enumeration Form–களைப் பெற்று நிரப்பி, திருப்பி அளிக்க நேரம் கிடைக்­காது. இந்த செயல்­மு­றை­யில் பெரும் எண்­ணிக்­கை­யில் வாக்­கா­ளர்­கள் நீக்­கப்­ப­டு­வர். அதோடு, வரு­வாய்த் துறை­யும் கன­ம­ழை­யால் எழும் சூழ்­நி­லை­க­ளைக் கையாள்­வ­தில் ஈடு­பட வேண்­டும். எனவே, இந்த காலம் Enumeration–க்கு உகந்த காலம் இல்லை என்று மதச்­சார்­பற்ற கூட்­ட­ணிக் கட்­சி­கள் தனித்­த­னியே அறிக்கை விடுத்­தும் – அனைத்­துக் கட்­சி­கள் கூட்­டத்­தில் இந்த S.I.R. ஏற்­றுக் கொள்­ளக்­கூ­டி­யது அல்ல.

• மதச்­சார்­பற்ற முற்­போக்­குக் கூட்­டணி கட்­சி­கள் எதிர்­பார்த்­த­வாறே 4.11.2025ஆம் தேதி­யி­லி­ருந்து இன்று வரை களத்­தில் S.I.R, பெரும்­பா­லான வாக்­கா­ளர்­கள் நீக்­கப்­ப­டும் அச்­சத்தை உறு­திப்­ப­டுத்­து­கி­றது. பெரும்­பா­லான இடங்­க­ளில் BLOக்கள் இன்று வரை கணக்­கீட்டு படி­வத்தை (Enumeration Form) தரத் துவங்­க­வில்லை.

• BLOக்களும் – BLA2க்களுக்­கும் இடையே சரி­யான தக­வல் தொடர்­பு­களை ஏற்­ப­டுத்­த­ப­ட­வில்லை. அவர்­கள் ஒருங்­கி­ணைக்­கப்­ப­ட­வில்லை.

• சில இடங்­க­ளில், குறிப்­பாக திருப்­பூர் மாவட்­டத்­தில் BLOக்கள் Enumeration Form–ஐ ஒரு நாளி­லேயே பூர்த்தி செய்து தர வலி­யு­றுத்­து­கி­றார்­கள்.

• தேர்­தல் ஆணை­யத்­தின் இணைய தளத்­தில் வெளி­யி­டப்­பட்­டுள்ள 2002/2005 வாக்­கா­ளர் பட்­டி­யல்­கள் முழு­மை­யற்­ற­தாக­ வும், குழப்­பம் விளை­விப்­ப­தா­க­வும் அமைந்­துள்­ளன.

எனவே, இந்த S.I.R சீராய்வை தேர்­தல் ஆணை­யம் உடனே கைவி­டும்­படி தேர்­தல் ஆணை­யத்­துக்கு வேண்­டு­கோள் விடுத்­தும் அதனை செவி­ம­டுக்­காத ஒன்­றிய பா.ஜ.க. அர­சின் கைப்­பா­வை­யாக மாறி, எதேச்­சா­தி­கா­ரப் போக்­கில் இந்­தி­யத் தேர்­தல் ஆணை­யம், தமிழ்­நாட்­டில் சிறப்­புத் தீவிர வாக்­கா­ளர் பட்­டி­யல் சீராய்வு (S.I.R.)கொண்டு வந்­துள்­ளதைகண்­டித்து ‘மதச்­சார்­பற்ற முற்­போக்கு கூட்­ட­ணி’­­­யின் சார்­பில் இன்று (11–11–2025 – செவ்­வாய்க் கிழமை) காலை 10.00 மணி­ய­ள­வில், அனைத்து மாவட்­டத் தலை­ந­க­ரங்­க­ளில் மாபெ­ரும் கண்­டன ஆர்ப்­பாட்­டம் நடை­பெ­று­கி­றது’’எனதி.மு.கழ­கப் பொரு­ளா­ளர் டி.ஆர்.பாலு எம்.பி., திரா­வி­டர் கழ­கத் தலை­வர் கி.வீர­மணி, தமிழ்­நாடு காங்­கி­ரஸ் கமிட்டி தலை­வர், கு.செல்­வ­பெ­ருந்­தகை, ம.தி.மு.க. பொதுச் செய­லா­ளர் வைகோ, மார்க்­சிஸ்ட் கம்­யூ­னிஸ்ட் கட்சி, தமிழ்­மா­நி­லக் குழு செய­லா­ளர் பெ.சண்­மு­கம், இந்­திய கம்­யூ­னிஸ்ட் கட்சி தமிழ்­மா­நி­லக் குழு செய­லா­ளர் மு.வீர­பாண்­டி­யன், இந்­திய யூனி­யன் முஸ்­லீம் லீக் தலை­வர் கே.எம்.காதர்­மொ­கி­தீன், விடு­த­லைச் சிறுத்­தை­கள் கட்சி தலை­வர் தொல். திரு­மா­வ­ள­வன், மக்­கள் நீதி மய்­யம் பொதுச் செய­லா­ளர் ஆ.அரு­ணாச்­ச­லம், மனி­த­நேய மக்­கள் கட்சி தலை­வர் எம்.எச்.ஜவா­ஹி­ருல்லா, கொங்­கு­நாடு மக்­கள் தேசி­யக் கட்சி பொதுச்­செ­ய­லா­ளர் ஈ.ஆர்.ஈஸ்­வ­ரன், தமி­ழக வாழ்­வு­ரி­மைக் கட்சி தலை­வர் தி.வேல்­மு­ரு­கன் ஆகி­யோர் கூட்­டாக வெளி­­­யிட்­டுள்ள அறிக்­கை­யில் தெரி­வித்­துள்­ள­தை­ய­டுத்து, ஒன்­றிய பா.ஜ.க. அரசு, தேர்­தல் ஆணை­யத்­தோடு கூட்­டணி சேர்ந்து செய்­யும் எஸ்.ஐ.ஆர்.க்கு எதி­ராக ‘இந்­தியா’ கூட்­ட­ணி­யின் ஆர்ப்­பாட்­டம் தமி­ழ­கம் முழு­வ­தும் மாவட்­டத் தலை­ந­க­ரங்­க­ளில் இன்று நடை­பெ­று­கி­றது.