கடலூர், நவ.11-–
கடலூர் மேற்கு மாவட்ட,மதச்சார்பற்ற முற்போக்குக் கூட்டணிக் கட்சிகளின் கலந்தாலோசனைக் கூட்டம் நெய்வேலி வட்டம் 25 என்எல்சி தொ.மு.ச அலுவலகத்தில் நடைபெற்றது. கடலூர் மேற்கு மாவட்டக் கழக செயலாளரும், தொழிலாளர் நலன் மற்றும் திறன் மேம்பாட்டு துறை
அமைச்சர் சி.வெ.கணேசன் தலைமை தாங்கினார்.
மதச்சார்பற்ற கூட்டணிக் கட்சி நிர்வாகிகள் முன்னிலை வகித்தனர். நெய்வேலி சட்டமன்ற உறுப்பினர் சபா .இராஜேந்திரன் வரவேற்புரையாற்றினார்.
இக்கூட்டத்தில், நாட்டில் உள்ள பெரும்பான்மையான அரசியல் கட் சிகள், எஸ்.ஐ.ஆர். சிறப்புத்தீவிர வாக்காளர் பட்டியல் சீராய்வுக்கு தொடக்கத்தில் இருந்தே எதிர்ப்பு தெரிவித்து வருகின்றனர். எஸ்.ஐ. ஆர் மூலம் தமிழ்நாட்டில் உள்ள உண்மையான வாக்காளர்களின் பெயர்களை பட்டியலில் இருந்து நீக்கப்படுவார்கள்.
தமிழ்நாட்டில் சிறப்பு தீவிர வாக்காளர் பட்டியல் சீராய்வை கொண்டு வந்துள்ளதை கண்டித்து , கடலூர் மேற்கு மாவட்ட மதச்சார்பற்ற முற்போக்கு கூட்டணிக் கட்சிகளின் சார்பில்கடலூர் மஞ்ஞகுப்பம்,தலைமை தபால் நிலையம் அருகில் இன்று 10 மணி அளவில் மாபெரும் கண்டன ஆர்ப்பாட்டம் நடத்துவது எனவும். இதில் கடலூர் மேற்கு மாவட்ட முழுவதிலும் இருந்து கூட்டணி கட்சியினர் ஆயிரக்கணக்கில் திரண்டு வந்து, பங்கேற்ற வேண்டும் என கூட்டத்தில் தீர்மானம் நிறைவேற்றப்பட்டது. கூட்டத்தில் காங்கிரஸ் மாவட்ட தலைவர் எம்.ஆர்.ஆர்.இராதாகிருஷ்ணன் எம்.எல்.ஏ, விசிக மாவட்ட செயலாளர்கள் நீதி வள்ளல்,திராவிட மணி, மார்க்சிஸ்ட் கம்யூனிஸ்ட் கட்சி மாவட்ட செயலாளர் மாதவன், இந்திய கம்யூனிஸ்ட் கட்சி மாவட்ட செயலாளர் துரை, ம.தி.மு.க மாவட்ட செயலாளர் பிச்சை, மனிதநேய மக்கள் கட்சி மன்சூர், த.வா.க மாவட்ட செயலாளர் அறிவழகன், திராவிடர் கழகம் இளந்திரையன், மூவேந்தர் முன்னேற்ற கழகம் விப்ர நாராயணன் , இந்திய யூனியன் முஸ்லிம் லீக் சுக்கூர் பாய், மனிதநேய மக்கள் கட்சி ஷேக் தாவூது, எஸ்டிபிஐ முகமது இர்ஃபான், மக்கள் நீதி மையம் செந்தில்குமார், மனிதநேய ஜனநாயக கட்சி இப்ராஹிம், ஆம் ஆத்மி செந்தில், கழக இலக்கிய அணி துணை செயலாளர் கலைச்செல்வன், திமுக மாவட்ட பொருளாளர் தண்டபாணி, உள்ளிட்ட மதசார்பற்ற கூட்டணி கட்சி நிர்வாகிகள் மாவட்ட ஒன்றிய நகர பேரூர் கழக நிர்வாகி கள் சார்பு அணி நிர்வாகிகள் கலந்து கொண்டனர் .