புதுடெல்லி, டிச.12 –
எஸ்.ஐ.ஆர். குறித்து மக்களவை யில் சிறப்பு விவாதம் நடைபெற்றது. அப்போது வாக்குத் திருட்டு மிகப்பெரிய தேச விரோத செயல் என்று மக்களவையில் எதிர்க்கட்சித் தலைவர் ராகுல் காந்தி குற்றம் சாட்டினார்.
நாடாளுமன்ற மக்களவையில் வாக்காளர் பட்டியல் சிறப்பு திருத்தப் பணி (எஸ்ஐஆர்) தொடர்பான விவாதம் நடைபெற்றது.
இதில் மக்களவை எதிர்க்கட்சித்தலைவர் ராகுல்காந்தி பேசும்போது,
“பிரதமரும், மத்திய உள்துறை அமைச்சரும் இணைந்து தலைமைத் தேர்தல் ஆணையரை தேர்வு செய்கின்றனர். உலகில் வேறு எந்த பிரதமரும் இதுபோன்று செயல்படுவது கிடையாது. அனைத்து அரசு அமைப்பு களையும் ஆர்.எஸ்.எஸ். கைப்பற்றி வருகிறது’’ என்று குற்றம் சாட்டினார்.
இதையடுத்து, நாடாளுமன்ற விவகாரத் துறை அமைச்சர் கிரண் ரிஜிஜு கூறும்போது,
“எதிர்க்கட்சித் தலைவர் ராகுல் காந்தி, தேர்தல் சீர்திருத்தம் தொடர்பாக மட்டுமே பேச வேண்டும். எந்தவொரு அமைப்பையும் குற்றம் சாட்டக்கூடாது’’ என்றார்.
பா.ஜ.க. எம்.பி.க்கள் அனை வரும் ராகுல் காந்தியின் கருத்துக்கு ஆட்சேபம் தெரிவித்து கோஷமிட்டனர்.
இதற்கு நடுவே ராகுல் காந்தி பேசும்போது, ‘‘தலைமைத் தேர்தல் ஆணையரை நியமிக்கும் குழுவில் இருந்து உச்ச நீதிமன்ற தலைமை நீதிபதியை நீக்கியது ஏன்? தற்போது தலைமைத் தேர்தல் ஆணையரை நியமிக்கும் குழுவில் பிரதமர், மத்திய உள்துறை அமைச்சர், மக்களவை எதிர்க்கட்சித் தலைவர் ஆகியோர் மட்டுமே உள்ளனர்.
பிரதமரும் மத்திய உள்துறை அமைச்சரும் இணைந்து தலைமைத் தேர்தல் ஆணையரை தேர்வு செய்கின்றனர். மக்களவை எதிர்க்கட்சித் தலைவரின் கருத்துக்கு மதிப்புகிடையாது. தலைமைத் தேர்தல் ஆணையரை மத்திய அரசு இயக்குவது எந்த வகையில் நியாயம் ஆகும்? தேர்தல் நிறைவடைந்த உடன் 45 நாட்களுக்கு பிறகு சிசிடிவி
பதிவுகள் அழிக்கப்படுகிறது.
இதற்கு காரணம் என்ன? எனது கேள்விகளுக்கு மத்திய அரசு பதில் அளிக்க வேண்டும். தேர்தலின்போது வாக்கு திருட்டு நடைபெறு கிறது. இது மிகப்பெரிய தேச விரோத செயல். தேர்தல் ஆணையத்தை சீர்குலைத்து இந்திய ஜனநாயகத்தை பா.ஜ.க. அரசு கேள்விக்குறியாக்கி வருகிறது.
இவ்வாறு ராகுல் பேசினார்.