புதுடெல்லி, டிச.12–
திராவிட முன்னேற்றக் கழக, அரக்கோணம் நாடாளுமன்ற உறுப்பினர், டாக்டர் எஸ். ஜெகத்ரட்சகன் அவர்கள் மக்களவையில், தென்பெண்ணையாற்றில், தொழிற்சாலை கழிவு நீர் கலப்பதை தடுக்க, ஒன்றிய அரசு ஏதேனும் முன்முயற்சி களை எடுத்துள்ளதா? என்றும், கிருஷ்ணகிரி, தர்மபுரி, திருவண்ணா மலை, விழுப்புரம் மற்றும் கடலுார் மாவட்டங்களில் கழிவு நீரால் ஏற்படும் பாதிப்புகளை அரசின் கவனத்தில் உள்ளதா? என்றும், தேசிய பசுமை தீர்ப்பாயத்தில் தீர்ப்புகை முறையாக செயல்படுத் தப்படுகிறதா? என்றும், தேசிய ஆறுகள் பாதுகாப்பு திட்டத்தின் கீழ் தமிழ்நாட்டில் ஏதேனும் நடவடிக்கைகள் எடுக்கப்படுமா? என்றும், ஒன்றிய அரசின் சுற்றுச்சூழல்துறை இணையமைச்சர் கீர்த்தி வரதன் சிங்அவர்களிடம் விரிவான கேள்வி எழுப்பினார்.
ஒன்றிய அரசின் சுற்றுச்சூழல்துறை இணையமைச்சர் அளித்த பதில் வருமாறு:-–
மத்திய மாசுக் கட்டுப்பாட்டு ஆணையம் மாநில மாசுக் கட்டுப்பாட்டு ஆணையங்களுடன் இணைந்து செயல்பட்டு, 4922 இடங் களில் ஆற்று நீரின் தரத்தை ஆய்வு செய்கிறது என்றும், தொழிற்சாலை கழிவுகள், ஆற்றில் கலப்பதற்கு முன், அந்தந்த உள்ளாட்சிஅமைப்புகளே கழிவு நீர் சுத்திகரிப்பை மேற் கொள்ள வேண்டும் என்றும், இதற்கான வழிகாட்டு நெறிமுறைகள் அந்தந்த மாநில மாசுக் கட்டுப்பாட்டு ஆணையங்களால் வழங்கப்படுகிறது என்று இணையமைச்சர் தெரிவித்தார்.
மேலும், தென் பெண்ணையாற்றின் இருபுறமும், ஒரு நாளைக்கு 13290 இலட்சம் லிட்டர்கள் கழிவு நீர் உருவாகின்றது என்றும், ஆனால் பெங்களூர் கழிவு நீர் வாரியத்தால், 8300 இலட்சம் லிட்டர்கள் அளவிற்கு மட்டுமே சுத்திகரிப்பு செய்யப்படுவதாகவும் ஒவ்வொரு மாதமும் முகலூர் பாலத்தில் மட்டுமே தென் பெண்ணை ஆற்று நீரின் தரம் ஆய்வு செய்யப்படுகிறது என்று தெரிவித்தார்.
தேசிய பசுமை ஆணையம், சென்னை அமர்ஷன் ஆணைப்படி, முகலூர் பாலத்தின் அருகில், தக்ஷினா பினாகினி என்றும் பகுதியில் ஆற்று நீரின் தரம் ஆய்வு செய்யப்பட்டதில், உயிரி ஆக்சிஜன் தேவை, ஒரு லிட்ட ருக்கு 111 மில்லி கிராம் என்ற அளவில் உள்ளதாக கண்டறியப்பட்டுள்ளது என்றும், கர்நாடகா மாசுக் கட்டுப்பாட்டு வாரியமும், தமிழக மாசுக் கட்டுப்பாட்டு வாரியமும் இணைந்து தென்பெண்ணையாற்றின் ஆறு இடங்களில் அதாவது, சென்னை சந்திரா பாலம், முகலுார் பாலம், சொக்கரசனாபள்ளி, கேலாரங்பள்ளி, மிட்டேசனபள்ளி பாலம் ஆகிய இடங்களில் ஆற்று நீரின் தரம் ஆய்வு செய்யப்பட்ட போது, உயிரி ஆக்சிஐன் தேவை, 52 மில்லி கிராம் என்ற அளவில் உள்ளது என்றும்,
கோள பாக்டீரியாவின் அளவு 100 ஆற்று நீரில் 79 இலட்சம் என்ற அளவில் உள்ளது என்று ஒன்றிய அரசின் சுற்றுச்சூழல் இணையமைச்சர் கீர்த்தி வரதன் சிங், மக்களவையில், தி.மு.க. அரக்கோ ணம் நாடாளுமன்ற உறுப்பினர், டாக்டர் எஸ்.ஜெகத்ரட்சகன் அவர்கள் எழுப்பிய கேள்விக்கு விரிவான பதில் அளித்துள்ளார்.
மயிலாடுதுறை மாவட்டம் குத்தாலம் பேருந்து நிலையத்தில் நகராட்சி நிர்வாகம் மற்றும் குடிநீர் வழங்கல் துறை சார்பில் ரூ.2 கோடியே 96 லட்சம் மதிப்பீட்டில் முத்தமிழறிஞர் டாக்டர் கலைஞர் மு.கருணாநிதி புதிய பேருந்து நிலையம் கட்டுவதற்கு நகராட்சி நிர்வாகத்துறை அமைச்சர் கே.என்.நேரு அடிக்கல் நாட்டி பணிகளை தொடங்கி வைத்தார். உடன் பிற்படுத்தப்பட்டோர் நலத்துறை அமைச்சர் சிவ.வீ.மெய்யநாதன், மயிலாடுதுறை மாவட்டக் கழக செயலாளரும், பூம்புகார் சட்டமன்ற உறுப்பினருமான நிவேதா எம்.முருகன், சீர்காழி சட்டமன்ற உறுப்பினர் எம்.பன்னீர்செல்வம், மயிலாடுதுறை சட்டமன்ற உறுப்பினர் எஸ்.ராஜகுமார், அபுபக்கர், கழக உயர்நிலை செயல் திட்டக் குழு உறுப்பினர் குத்தாலம் பி.கல்யாணம், கழக கொள்கை பரப்பு துணைச் செயலாளர் குத்தாலம் க.அன்பழகன், மாவட்டக் கழக பொருளாளர் மகா அலெக்சாண்டர். குத்தாலம் நகர கழக செயலாளர்
எம். சம்சுதீன், பேரூராட்சி தலைவர் சங்கீதா மாரியப்பன் மற்றும் பலர் உள்ளனர்.