#Title

அமைச்சர் சிவ.வீ மெய்யநாதன் தலைமை! குத்தாலத்தில் ரூ.2.96 கோடியில் முத்தமிழறிஞர் டாக்டர் கலைஞர் மு.கருணாநிதி புதிய பேருந்து நிலையம் கட்டுமானப் பணி! அமைச்சர் கே.என்.நேரு அடிக்கல் நாட்டினார்! நிவேதா முருகன் எம்.எல்.ஏ. - எம். பன்னீர்செல்வம் எம்.எல்.ஏ. –குத்தாலம் பி.கல்யாணம் பங்கேற்பு!

மயிலாடுதுறை, டிச.12 -–

மயிலாடுதுறை மாவட்டம், குத்தாலம் பேரூராட்சியில், ரூ.2.96 கோடி மதிப்பீட்டில், முத்தமிழறிஞர் டாக்டர் கலைஞர் மு.கருணாநிதி புதிய பேருந்து நிலையம் கட்டுமானப் பணிகளுக்கு, நகராட்சி நிர்வாகம் மற்றும் குடிநீர் வழங்கல் துறை அமைச்சர் கே.என்.நேரு அடிக்கல் நாட்டினார்கள்.

மயிலாடுதுறை மாவட்டம், குத்தாலம் பேரூராட்சியில், கலைஞர் நகர்ப்புற மேம்பாட்டுத் திட்டத்தின் கீழ் ரூ.2.96 கோடி மதிப்பீட்டில் நவீன வசதிகளுடன் கூடிய, முத்தமிழறிஞர் டாக்டர் கலைஞர் மு.கருணாநிதி புதிய பேருந்து நிலையம் கட்டுமானப் பணிகளுக்கு, அடிக்கல் நாட்டு நிகழ்ச்சி நடைபெற்றது.நிகழ்ச்சிக்கு

பிற்படுத்தப்பட்டோர் நலத்துறை அமைச்சர் சிவ.வீ.மெய்யநாதன் தலைமை தாங்கினார்., மயிலாடுதுறை மாவட்ட கழக செயலாளரும், பூம்புகார் சட்டமன்ற உறுப்பினர் நிவேதா எம்.முருகன், சீர்காழி சட்டமன்ற உறுப்பினர் எம்.பன்னீர்செல்வம், மயிலாடுதுறை சட்டமன்ற உறுப்பினர் எஸ்.ராஜகுமார் மாவட்ட வருவாய் அலுவலர் ஆர்.பூங்கொடி ஆகியோர் முன்னிலைவகித்தனர்

நிகழ்ச்சியில்நகராட்சி நிர்வாகம் மற்றும் குடிநீர் வழங்கல் துறை அமைச்சர் .கே.என்.நேரு கலந்து கொண்டு குத்தாலம் பேரூராட்சியில், ரூ.2.96 கோடி மதிப்பீட்டில், முத்தமிழறி ஞர் டாக்டர் கலைஞர் மு.கருணாநிதி புதிய பேருந்து நிலையம் கட்டுமானப் பணிகளுக்கு, அடிக்கல் நாட்டி பணிகளை தொடங்கி வைத்துபேசுகையில்

தமிழ்நாடு முதலமைச்சர் அவர்களின் வழிகாட்டுதலின் பேரில், குத்தாலம் பேரூராட்சியில், ரூ.2.96 கோடி மதிப்பீட்டில் நவீன வசதிகளுடன் கூடிய புதிய பேருந்து நிலையம் கட்டுமானப் பணிகளுக்கு அடிக்கல் நாட்டப்பட்டுள்ளது. தமிழ்நாடு முதலமைச்சர் அவர்களின் வழிகாட்டுதலுடன், தமிழ்நாட்டில் உள்ள 479 பேரூராட்சிகளிலும், கூட்டுக்குடிநீர்திட்டம் செயல்படுத்தப்பட்டு வருகிறது. மேலும், 100-க்கும் மேற்பட்ட பேரூராட்சிகளில் தலா ரூ.20 கோடி மதிப்பீட்டில் அந்தந்தபேரூராட்சியிலும் ஆழ்குழாய்அமைத்து, நீர்த்தேக்கத் தொட்டி மூலம் பொதுமக்களுக்கு பாதுகாக்கப்பட்ட குடிநீர் தடையின்றி வழங்கும் திட்டத்தை செயல்படுத்தி வருகிறார்கள். தமிழ்நாட்டில் 20 -க்கும் மேற்பட்ட இடங்களில் புதிய பேருந்து நிலையம் கட்டுமானப் பணிகள் நடைபெற்று வருகிறது. மேலும், பழைய பேருந்து நிலையங்களை புதுப்பித் தல், புதிதாக மார்க்கெட்அமைத்தல், சாலை வசதிகள்ஏற்படுத்துதல், தெருவிளக்குகள் அமைத்தல் போன்ற பல்வேறு பணிகள் மேற்கொள்ளப்பட்டு வருகின்றன.

தமிழ்நாடு முதலமைச்சர் அவர்கள், தமிழ்நாட்டிலுள்ள 479 பேரூராட்சிகளுக்கும், இவ்வாண்டு ரூ.3800 கோடி நிதி ஒதுக்கீடு செய்துள்ளார்கள். தமிழ்நாட்டில் 158 நகராட்சிகளில் பேருந்து நிலையங்கள், மார்க்கெட்டுகள், கழிவறைகள் கட்டுமானப் பணிகள் ஆகியவை மேற்கொள்ளப்பட்டுள்ளன. நகராட்சி மற்றும் பேரூராட்சிகள் சேர்த்து சுமார் 17000 கி.மீ நீளத்திற்கு சாலைப் பணிகள் மேற்கொள்ளபட்டுள்ளன. முன்னாள் முதலமைச்சர் கலைஞர் அவர்களால் 1972 -இல் தமிழ்நாடு குடிநீர் வடிகால் வாரியம் தொடங்கப்பட்டு, கடந்த 50 ஆண்டுகளில் தமிழ்நாட்டில் 4.28 கோடி மக்களுக்கு பாதுகாக்கப்பட்ட குடிநீர் வழங்கப்பட்டு வந்தது. தற்போது முதலமைச்சர் அவர்கள் ஆட்சி காலத்தில், 1.30 கோடி மக்களுக்கு புதிதாக பாதுகாக்கப்பட்ட குடிநீர வழங்கப்பட்டுள்ளது மேலும் 78 இலட்சம் மக்களுக்கு பாதுகாக்கப்பட்ட குடிநீர் வழங்க பணிகள் நடைபெற்று வருகின்றன. அப்பணிகள் நிறைவு பெற்றவுடன் தமிழ்நாட்டில் 6 கோடி மக்களுக்கு பாதுகாக்கப்பட்ட குடிநீர் வழங்கப்பட்டிருக்கும்.

தமிழ்நாட்டில் மதுரை, கோவை, திருச்சி, சென்னை, இராமநாதபுரம், திண்டுக்கல், கன்னியாகுமரி ஆகிய மாவட்டங்களில் கூட்டுக்குடிநீர் திட்டம் செயலபடுத்தப்பட்டு வருகிறது. ஒகேனக்கல் பகுதி கூட்டு குடிநீர் திட்டம் ஆகியவற்றிற்கு திட்ட அறிக்கை பரிசீலனையில் உள்ளது அந்த திட்டங்களும் நிறைவேற்றப்பட்டால் தமிழ்நாட்டில் 100 சதவீதம் கூட்டு குடிநீர் திட்டம் செயல்படுத்தப் பட்டுவிடும்.

இத்துறையில் ஆண்டுக்கு ரூ.25,000 கோடி நிதி ஒதுக்கீடு செய்யப்பட்டு அதில் ரூ.17,000 கோடி வளர்ச்சி திட்டங்களுக்காக செயல்படுத்தப்படுகிறது. அதுபோக நபார்டு மற்றும் ஜப்பான் வங்கிகள் மூலம் கடன் பெற்று பல்வேறு வளர்ச்சி திட்டங்கள் செயல் படுத்தப்பட்டு வருகின்றன.

குத்தாலத்தில் புதிய பேருந்து நிலையம் கட்டுமான பணிகளுக்காக அடிக்கல் நாட்டுவதில் பெருமகிழ்ச்சி அடைகிறேன். குத்தாலம் பேருராட்சிக்குட்பட்ட பகுதிகளில் சாலை பணிகள், பள்ளி மேம்பாடு, நவீன எரிவாயு தகனமேடை, புதிய வணிகவளாகங்கள் கட்டுதல், புதிய பாலம் கட்டுதல், குளங்கள் பராமரிப்பு, நாய் கருத்தடை மையம் கட்டுதல் என ரூ.36 கோடியே 18 இலட்சத்து 85 ஆயிரம் மதிப்பீட்டில் வளர்ச்சி திட்ட பணிகள் மேற்கொள்ளப்பட்டுள்ளன.

தமிழ்நாட்டில் நகராட்சி மற்றும் பேரூராட்ச்சிகள் துறைகள் மூலம் ஆண்டுக்கு 1 இலட்சம் வீடுகள் கட்டப்படுகின்றன. ஒருங்கிணைந்த உள்ளாட்சி துறைக்கு ஆண்டுக்கு 51 ஆயிரம் கோடி நிதி ஒதுக்கீடு செய்வதுடன், சட்ட மன்ற உறுப்பினர்கள் மற்றும் அமைச்சர்களின் கோரிக்கைகளை உடனடியாக முதலமைச்சர் அவர்கள் நிறைவேற்றி தருகிறார்கள்.

அடிக்கல் நாட்டப்பட்டுள்ள குத்தாலம் பேருந்துநிலைய கட்டுமான பணிகள் விரைவில் முடிக்கப்பட்டு மக்கள் பயன்பாட்டிற்கு கொண்டுவரப்படும் இவ்வாறு நகராட்சி நிர்வாகம் மற்றும் குடிநீர் வழங்கல் துறை அமைச்சர் கே.என். நேரு பேசினார்.

இந்நிகழ்ச்சியில் கழக உயர்நிலை செயல் திட்ட குழு உறுப்பினர் குத்தாலம் பி.கல்யாணம், கழக விவசாய தொழிலாளர் அணி இணை செயலாளர் ஜெக.வீரபாண்டியன், கழக கொள்கை பரப்பு துணை செயலாளர் குத்தாலம் க.அன்பழகன், தகவல் தொழில்நுட்ப அணி மாநில துணை செயலாளர் பி.எம்.ஸ்ரீதர், மாவட்ட கழக துணை செயலாளர் மு.ஞானவேல், மாவட்ட கழக பொருளார் மகா. அலெக்சாண்டர், ஒன்றிய கழக செயலாளர் மூவலூர் எம். மூர்த்தி, என். இளையபெருமாள், மங்கை எம்.சங்கர், கு. வைத்தியநாதன், ப.முருகமணி, பொதுக்குழு உறுப்பினர்கள் பி.சிவதாஸ், குத்தாலம் பேரூர் கழக செயலாளர் எம். சம்சுதீன், மாவட்ட சார்பானிகளின் அமைப்பாளர்கள் இரா.மனோகரன், க.அறிவுச் செல்வன், அரசு வழக்கறிஞர் இராம. சேயோன், மாவட்ட ஊராட்சி குழு முன்னாள் தலைவர் உமா மகேஸ்வரி சங்கர், குத்தாலம் பேரூராட்சி மன்ற தலைவர் சங்கீதா மாரியப்பன், தலைமைக் கழக பேச்சாளர் கோமல் விஜய், மாவட்ட இளைஞர் அணி துணை அமைப்பாளர்கள் கோசி.மதி. திருமாவளவன், செள.சர்வோதயன், மாவட்ட இளைஞரணி முன்னாள் துணை அமைப்பாளர் க.சுரேஷ், பேரூராட்சிகள் உதவி இயக்குனர் மாஹீன்அபுக்கர், குத்தாலம் பேரூராட்சி செயல அலுவலர் இராஜா, குத்தாலம் பேரூராட்சி மன்ற உறுப்பினர்கள் உள்ளிட்டோர் கலந்து கொண்டனர்

தமிழ்நாடு துணை முதலமைச்சரும்,கழக இளைஞர் அணி செயலாளருமான உதயநிதி ஸ்டாலின் அவர்கள் பிறந்த நாளை முன்னிட்டு நாமக்கல் கிழக்கு மாவட்டக் கழக செயலாளரும், மாநிலங்களவை உறுப்பினரும், நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் ஆலோசனை யின்படி, நாமக்கல் கிழக்கு மாவட்ட இளைஞர் அணி அமைப்பாளர் சி.விஸ்வநாத் எற்பாட்டில் சேந்தமங்கலம் பேரூர் கழக நிர்வாகிகளுக்கு பேரூர் கழக செயலாளர் நா.தனபாலன், மாநில இளைஞர் அணி துணை செயலாளர் சி.ஆனந்தகுமார் கலந்து கொண்டு கழகத்தின் இருவண்ண கருப்பு சிவப்பு வேஷ்டி , சேலை, சட்டை ஆகியவற்றை வழங்கினர். இந்நிகழ்ச்சியில் மாவட்ட இளைஞர் அணி துணை அமைப்பாளர் மா.கார்த்திக், வார்டு கழக செயலாளர்கள் சரவணன், குமார் மற்றும் கழக நிர்வாகிகள் பலர் கலந்து கொண்டனர்.

சென்னை, தலைமைச் செயலகத்தில் இருந்து காணொளிகாட்சி வாயிலாக தமிழ்நாடு நுகர்பொருள் வாணிபக் கழகத்தின் சார்பில் நீலகிரி மாவட்டம் – பந்தலூர் வட்டத்தில் 2500 மெட்ரிக் டன் கொள்ளளவில் ரூ.450 இலட்சம் ரூபாய் செலவில் கட்டப்பட்டுள்ள புதிய வட்ட செயல்முறை கிடங்கு வளாகத்தை திறந்து வைத்ததனை தொடர்ந்து அரசு தலைமைக் கொறடா கா.ராமச்சந்திரன் குத்து விளக்கு ஏற்றிவைத்து பார்வையிட்டார்.