செங்கல்பட்டு மாவட்டம், மாமல்லபுரம் நகராட்சி கட்டிடக்கலை மற்றும் சிற்பக்கல்லூரியில் ரூ.13.8 கோடி மதிப்பீட்டில் வகுப்பறை கட்டிடங்கள், நிர்வாக அலுவலக கட்டிடங்கள், சுற்றுசுவர் ஆகியவை கட்டுவதற்கு குறு, சிறு மற்றும் நடுத்தர தொழில் நிறுவனங்கள் துறை அமைச்சர் தா.மோ.அன்பரசன் மற்றும் தமிழ்வளர்ச்சி மற்றும் செய்தி துறை அமைச்சர் மு.பெ.சாமிநாதன் ஆகியோர் அடிக்கல் நாட்டினார்கள். இதில், சட்டமன்ற உறுப்பினர் எஸ்.எஸ்.பாலாஜி, சுற்றுச்சூழல் (ம) கலை பண்பாட்டு துறை அரசு கூடுதல் தலைமை செயலாளர் மரு.க.மணிவாசகன், கலை பண்பாட்டு துறை அரசு கூடுதல் செயலாளர்/இயக்குநர் வளர்மதி, மாவட்ட வருவாய் அலுவலர் மா.கணேஷ் குமார், செங்கல்பட்டு சார் ஆட்சியர் எஸ்.மாலதி ஹெலன், கண்காணிப்பு பொறியாளர் முத்தமிழரசு, திருப்போரூர் ஒன்றிய குழுத்தலைவர் எஸ்.ஆர்.எல்.இதயவர்மன், கழக நிர்வாகிகள் வெ.விசுவநாதன், வீ.தமிழ்மணி, எம்.சேகர், மு.தேவராஜ், சி.பிரதீப், கல்லூரி முதல்வர், பேராசிரியர்கள், அரசு அலுவலர்கள் மற்றும் உள்ளாட்சி பிரதிநிதிகள் கலந்து கொண்டனர்.