புதுடெல்லி, டிச. 12–
திராவிட முன்னேற்றக் கழகத்தின் அரக்கோணம், நாடாளுமன்ற உறுப்பினர் டாக்டர் எஸ். ஜெகத்ரட்சகன் 09 டிசம்பர் 2025 அன்று மக்களவையில், தீன்தயாள் மாற்றுத் திறனாளிகளின் மறுவாழ்வு திட்டம் முறை யாக, ஒன்றிய அரசால் நடைமுறைப் படுத்தப்படுகிறதா? என்றும் கடந்த ஐந்தாண்டுகளில், எவ்வளவு திட்டங்கள் செயல்படுத்தப்பட்டுள்ளன? என்றும், தமிழ்நாட்டின் எந்தெந்த மாவட்டங்களில், எவ்வளவு திட்டங்களுக்காக நிதி ஒதுக்கப்பட்டுள்ளது? என்றும் ஒன்றிய அரசின் சமூக நீதி மற்றும் அதிகாரமளித்தல் துறையின் இணையமைச்சர் பி. எல். வர்மா அவர்களிடம் விரிவான கேள்வியை எழுப்பினார்.
ஒன்றிய அரசின் சமூக நீதி மற்றும் அதிகாரமளித்தல் துறையின் இணையமைச்சர் அளித்த பதில் பின்வருமாறு :–
தீன்தயாள் மாற்றுத் திறனாளிகளின் மறுவாழ்வு திட்டத்திற்கென, கடந்த மூன்று நிதியாண்டுகளில் ரூபாய் 384 கோடிகள் செலவிடப்பட்டுள்ளது என்றும், 25 மாநிலங்களில், கடந்த 2020–21 நிதி யாண்டில் 342 திட்டங்களுக்கென ரூபாய் 77 கோடிகள் செலவிடப்பட்டுள்ளது என்றும்இணையமைச்சர் மக்களவையில் தெரிவித்தார்.
மேலும் தமிழ்நாட்டில் சென்னை, காஞ்சிபுரம்,திருவள்ளுர், திருநெல்வேலி,ஈரோடு, மதுரை மற்றும் விருதுநகர் ஆகிய மாவட்டங்களில் 54 திட்டங்க ளுக்கென கடந்த ஐந்து நிதியாண்டுகளில், ரூபாய் 11 கோடிகள் தீன்தயாள் மாற்றுத் திறனாளிகளின் மறுவாழ்வு திட்டத்திற்கென செலவிடப்பட்டுள்ளது என்று ஒன்றிய அரசின் சமூக நீதி மற்றும் அதிகாரமளித்தல் துறையின் இணையமைச்சர் திரு. பி. எல். வர்மா அவர்கள், மக்களவையில் அரக்கோணம் நாடாளுமன்ற உறுப்பினர் டாக்டர் எஸ். ஜெகத்ரட்சகன் அவர்கள் எழுப்பிய கேள்விக்கு விரிவான பதிலை அளித்துள்ளார்.
சென்னை தென்மேற்கு மாவட்டம் மயிலை கிழக்குப் பகுதி 124 வது அ வட்டத்தில் பாகம் 79 ல் ‘என் வாக்குச்சாவடி வெற்றி வாக்குச்சாவடி’ வி.சி. கார்டன் சத்தியவாணி முத்து நகர், அப்துல் கலாம் சமுதாய நலக்கூடத்தில் நடைபெற்றது. சட்டமன்ற உறுப்பினர் மாவட்ட செயலாளர் மயிலை த.வேலு கலந்து கொண்டு பேசினார். இதில் பகுதி செயலாளர் எஸ். முரளி, 124 அ வட்டப் பொறுப்பாளர் மா.பா.அன்பு மற்றும் மாமன்ற உறுப்பினர் வட்டக் கழக நிர்வாகிகள், அணிகளின் மாவட்ட பகுதி வட்ட அமைப்பாளர்கள் மற்றும் துணை அமைப்பாளர்கள் BLA2, BDO அனைத்து அணிகளை சார்ந்தவர்கள் கலந்துகொண்டனர்.