புது­டெல்லி, டிச. 12–

10 ஆண்­டு­க­ளுக்­கும் மேலாக நிலு­வை­யில் உள்ள கோவை – உதகை – மைசூர் – பெங்­க­ளூரு பகு­தி­யில் அமை­ய­வுள்ள தேசிய நெடுஞ்­சா­லைத் திட்­டத்திற்கு உடனே ஒப்­பு­தல் வழங்­கக் கோரி ஒன்­றிய அமைச்­ச­ரி­டம் மக்­க­ளவை கழ­கக் கொறடா ஆ.ராசா வலி­யு­றுத்­தி­னார்.

ஒன்­றிய சாலை போக்­கு­வ­ரத்து மற்­றும் நெடுஞ்­சா­லைத்­துறை அமைச்­சர் நிதின் கட்­கா­ரியை, தி.மு.க. மக்­க­ளவை கொறடா ஆ.ராசா நேரில் சந்­தித்துவழங்­கிய கடி­தம் வரு­மாறு:–

கோவை மண்­ட­லத்­தில் 10 ஆண்­டு­க­ளுக்­கும் மேலாக நிலு­வை­யில் உள்ள சாலைத் திட்­டங்­கள் தொடர்­பாக நான் ஏற்­க­னவே தங்­க­ளுக்கு எழு­திய கடி­தத்­தின் (2019 ஏப்.4) தொடர்ச்­சி­தான் இந்­தக் கடி­தம்.

தேசியநெடுஞ்­சாலை எண்.181 (கோவை – உதகை – குண்­டல் பட்டு சாலை) தொடர்­பாக சேலம் தேசிய நெடுஞ்­சாலை பிரிவு ரூ.8698.88 லட்­சத்­தில் மதிப்­பீடு செய்­துள்­ளது.(தனது 2025 – 26 ஆண்டு திட்­டத்­தில்) அது இந்­திய தேசிய நெடுஞ்­சாலை குழு­ம­மும் தனது திட்­டத்­தில் இணைத்­துள்­ளது என்­பதை உங்­கள் கவ­னத்­திற்கு கொண்டு வரு­கி­றேன்.

தேசிய நெடுஞ்­சாலை 181 என்­பது கோவை பைபாஸ் இடத்­தில் புறப்­பட்டு முக்­கிய சுற்­றுலா தலங்­களான மேட்­டுப்­பா­ளை­யம், குன்­னூர், உதகை, கூட­லூர் வழி­யாக கர்­நா­ட­கா­வில் உள்ள குண்­டல்­பட்டு வரை இருப்­ப­தா­கும்.

மைசூர், பெங்­க­ளூ­ருக்கு உத­கை­யி­லி­ருந்து செல்­வ­தற்கு இது­தான் குறைந்த தூர வழிப் பாதை­யா­கும். மொத்­த­முள்ள 108.4 கிலோ மீட்­டர் தூரத்­தில் 28.4 கி.மீ. சாலை பார்­லை­யார் முதல் மரப்­பா­லம் வரை­யி­லும், மீத­முள்ள தூரம் குன்­னூ­ரி­லி­ருந்து ஃபிங்­கர் போஸ்ட் வரை­யி­லு­மா­கும். இது அந்த திட்ட அறிக்­கை­யில் சேர்க்­கப்­பட்­டுள்­ளது.

இந்­தச் சாலை­யின் முக்­கி­யத்­து­வம் குறித்து நீங்­க­ளும் நன்கு அறி­வீர்­கள். சுற்­றுலா ஈர்ப்பு கார­ண­மாக இப்­ப­கு­தி­யில் போக்­கு­வ­ரத்து நெரி­சல் கடு­மை­யாக இருக்­கும்.

அது­மட்­டு­மின்றி இந்த மலைப் பகு­தி­யில் தரைப் பகு­தி­க­ளில் பெய்­வதை விட மழை மிக­வும் அதி­க­மா­கவே பெய்­யும். அதன் கார­ண­மாக சாலை­க­ளில் குண்­டும் குழி­யும் மிக­வும் அதிக அள­வில் இருந்து, அப்­ப­கு­தி­யில் பய­ணம் மேற்­கொள்­வது என்­பதேமிக­வும் சிர­ம­மாக இருக்­கும்.

இது தொடர்­பாக சென்­னை­யில் உள்ள தேசிய நெடுஞ்­சா­லைத் துறை முதன்மை பொறி­யா­ளர் ஒன்­றிய சாலை போக்­கு­வ­ரத்து மற்­றும் நெடுஞ்­சா­லைத் துறை அமைச்­ச ­கத்­துக்கு எழு­தி­யுள்ள கடித நக­லை­யும் இத்­து­டன் தங்­கள் பார்­வைக்கு இணைத்­துள்­ளேன்.

எனவே அந்த சாலை­யின் அவ­சி­யத்­தை­யும் முக்­கி­யத்­து­வத்­தை­யும் கருத்­தில் கொண்டு தேவை­யான தொழில் நுட்ப மற்­றும் நிர்­வாக ஒப்­பு­தலை வழங்கி, அத்­திட்­டத்­திற்­கான ரூ.8698.88 லட்­சம் தொகையை ஒதுக்­கீடு செய்ய தேவை­யான நடவடிக்கைகளை விரைந்து மேற்­கொள்ள வேண்­டும்.

இவ்­வாறு ஆ.ராசா ஒன்­றிய அமைச்­ச­ரி­டம் வலி­யு­றுத்தி கடி­தம் அளித்­தார்.