#Title

தி.மு.க. கலை இலக்கியப் பகுத்தறிவுப் பேரவை நடத்தும் – துணை முதல்வர் உதயநிதி ஸ்டாலின் பிறந்த நாள் விழா கருத்தரங்கம்! தி.மு.க. கலை இலக்கியப் பகுத்தறிவுப் பேரவைத் தலைவர் வாகை சந்திரசேகர் அறிக்கை! முரசொலி முதுநிலை பிழைதிருத்துநர் ஜெ.டி.அரசு மறைவு! கழகத்தினர் அஞ்சலி!

சென்னை, டிச. 12–

தி.மு.க. கலை – இலக்கிய பகுத்தறிவுப் பேரவைத் தலைவர் வாகை சந்திரசேகர் விடுத்துள்ள அறிக்கை வருமாறு:-–

தி.மு.க. கலை இலக்கியப் பகுத்தறிவுப் பேரவையின் சார்பில் திராவிட இளந்தென்றல் தமிழ்நாடு துணை முதலமைச்சர் உதயநிதி ஸ்டாலின் அவர்களின் பிறந்த நாள் விழா கருத்தரங்கம் நாளை (13.12.2025 – சனிக்கிழமை) காலை 9 மணி அளவில் கோவை, சிங்கா நல்லூர் ஸ்ரீ சாய் (விவாகா) திருமண மண்டபத்தில் நடைபெற உள்ளது.

காலை 9 மணிக்கு பறை இசை முழக்கமும், கலைமாமணி இறையன்பன் குத்தூஸ் அவர்களின் இயக்கப் பாடல்களும், புதுகை பூபாலம் குழுவினரின் கலை நிகழ்ச்சியும் நடைபெறும்.

அதனைத் தொடர்ந்து பேரவை மாநில துணைச் செயலாளர் திருமதி மீனா ஜெயக்குமார் தலைமையில் பேரவை தலைவர் வாகை சந்திரசேகர் தொடக்க உரையாற்றுவார்கள். கழகத் துணைப் பொதுச் செயலாளர் தமிழ் வளர்ச்சி மற்றும் செய்தித் துறை அமைச்சர் மு. பெ. சாமிநாதன் அவர்கள் வாழ்த்துரை வழங்குவார்கள். கழக மேற்கு மண்டல பொறுப்பாளர் மேனாள் அமைச்சர் வி. செந்தில் பாலாஜி நலத்திட்ட உதவிகள் வழங்கிச் சிறப்புரை ஆற்றுவார்கள்.

தொடர்ந்து மாவட்ட திமுக பொறுப்பாளர்கள் துரை செந்தமிழ்ச் செல்வன், தொண்டாமுத்தூர் ரவி, தளபதி முருகேசன், பாராளுமன்ற உறுப்பினர்கள் கணபதி ப. ராஜ் குமார், கே. ஈஸ்வரசாமி, பேரவை மாநில நிர்வாகிகள் எம்.ஆர்.ஆர். வாசுவிக்ரம் வண்ணை அரங்கநாதன், தில்லைசெல்வம் ஆகியோர் முன்னிலையில் நடைபெறும் கருத்தரங்கில் திரைப்பட இயக்குநர் கரு. பழனியப்பன் அவர்கள் “யாரால்! யாரால்!! யாரால்!!!” என்ற தலைப்பிலும், மூத்த ஊடகவியலாளர் “தமிழ்க்கேள்வி செந்தில்வேல்” திராவிடம் 2.0 ஏன்? எதற்கு? என்ற தலைப்பிலும், பேரவை துணைத் தலைவர் போஸ்வெங்கட் “ஒரு கல் ஒரு தலைமை” என்ற தலைப்பிலும், பேரவைச் செயலாளர் பொள்ளாச்சி மா. உமாபதி “சனாதனச் சத்ரு” என்ற தலைப்பிலும் கருத்துரை நிகழ்த்த உள்ளார்கள்.

பேரவை மாவட்ட அமைப்பாளர் துரை கதிரவன் வரவேற்புரையாற்றுவார், எஸ்.எம்.எஸ். சுதாகரன் நன்றியுரை ஆற்றுவார்.

பிற்பகல் 2 மணி அளவில் கலை இலக்கியப் பகுத்தறிவுப் பேரவையின் மாநில நிர்வாகிகள், மாவட்ட அமைப்பாளர்கள், துணை அமைப்பாளர்கள் ஆலோசனைக் (எனது) கூட்டம் பேரவைத் தலைவர் வாகை சந்திரசேகர்) தலைமையில் நடை பெறுகிறது.

பேரவைத் துணைச் செயலாளர்கள் கவிஞர் நன்மாறன், எழில்மாறன், செல்வேந்திரன், கே. வி. குப்பம், சி. கோபி, கலைமாமணி ஜாகிர் உசேன், எம் எஸ். ஹரிபாபு, என். எஸ். மாதேஸ்வரன் ஆகியோர் மாநில நிர்வாகிகளுடன் இணைந்து கருத்தரங்கப் பணிகளைச் செய்து வருகிறார்கள்.

கழக உடன்பிறப்புகள் அனைவரும் கருத்தரங்கில் கலந்துகொண்டு சிறப்பிக்க வேண்டுமென பேரவைத் தலைவர் வாகை சந்திரசேகர் அறிக்கை வாயிலாகத் தெரிவித்துள்ளார்.

சென்னை, டிச.12–

முரசொலி நாளிதழில் ஆசிரியர் பிரிவில் முதுநிலை பிழைதிருத்துநராக பணி புரிந்து வந்த ஜெ.டி. அரசு அவர்கள்உடல்நலக் குறைவால் நேற்று முன்தினம் (10. 12.2025) இரவு 10.30 மணியளவில் இயற்கையெய்தினார் என்பதை அறிவிக்க வருந்துகிறோம்.

அன்னாரது இல்லம்பெருங்களத்தூரில் 7/12, ராமதாஸ் தெருவில் உள்ளது.

முரசொலி நாளிதழில் 01.04.1980 ஆம் ஆண்டு முதல் பிழைதிருத்துநர் பிரிவில் 40 வருடங்களுக்கு மேலாக பணிபுரிந்து ஓய்வு பெற்ற பிறகும் தொடர்ந்து ஆசிரியர் பிரிவில் முதுநிலை பிழைதிருத்துநராக பணியாற்றி வந்தார். 21.12.2021 அன்று திடீரென மூளையில் ஏற்பட்ட ரத்தக் கசிவால் உடல்நலக் குறைவு ஏற்பட்டு கைகால் செயலிழந்து சிகிச்சை பெற்று வந்தார் ஜெ.டி.அரசு அவர்கள்.

இவருடைய தந்தை சி.என்.ஜெயவேல் அவர்கள் முரசொலி நாளிதழில் 15 வருடங்களுக்கு மேலாக பணியாற்றி வந்தார் என்பது குறிப்பிடத் தக்கது.

அன்னாரது மறைவு செய்தி அறிந்து கழகத்தினர், முரசொலி அலுவலர்கள் அஞ்சலி செலுத்தினர்.

கரூரில் கடந்த மாதம் பள்ளி கல்வித்துறை சார்பில் பசுமையும் பாரம்பரியமும் என்ற மையக்கருத்தில் 3-ம் வகுப்பு முதல் 5-ம் வகுப்பு வரை பயிலும் மாணவ - மாணவிகளுக்கான கலைத் திருவிழாவில் நாட்டுப்புற நடனம் என்ற பிரிவில் தூத்துக்குடி மாவட்டம், விளாத்திகுளம் வட்டம் - மந்திக்குளம் ஊராட்சி, மீனாட்சிபுரம் ஊராட்சி ஒன்றிய தொடக்கப் பள்ளியைச் சேர்ந்த மாணவ-–மாணவிகள் தூத்துக்குடி மாவட்ட அளவில் முதலிடமும், மாநில அளவில் இரண்டாவது இடமும் அடைந்ததைத் தொடர்ந்து விளாத்திகுளம் சட்டமன்ற உறுப்பினர்,ஜீ.வி.மார்க்கண்டேயனிடம் வாழ்த்துப் பெற்றார்கள்.உடன் பள்ளி தலைமை ஆசிரியை கிருஷ்ணகுமாரி, உதவி தலைமையாசிரியை மலர்விழி விளாத்திகுளம் கிழக்கு ஒன்றிய செயலாளர் சின்னமாரிமுத்து, பாக முகவர் முத்துப்பாண்டி உள்ளிட்ட கிராம பொதுமக்கள் கலந்து கொண்டனர்.