சென்னை தரமணி, தமிழ்நாடு அரசு எம்.ஜி.ஆர். திரைப்படக் கல்லூரி மற்றும் தொலைக்காட்சி பயிற்சி நிறுவன கூட்டரங்கில், நேற்று (31.12.2025) அமைச்சர் மு.பெ. சாமிநாதன் தலைமையில் செய்தி மக்கள் தொடர்புத் துறையின் சென்னை மண்டலத்திற்கான பணி ஆய்வுக் கூட்டம் நடைபெற்றது. இக்கூட்டத்தில் தமிழ் வளர்ச்சி மற்றும் செய்தித் துறை செயலாளர் வே.ராஜாராமன், செய்தி மக்கள் தொடர்புத் துறை இயக்குநர் மரு.இரா.வைத்திநாதன், செய்தி மக்கள் தொடர்புத் துறை கூடுதல் இயக்குநர்கள் ச.செல்வராஜ். முனைவர் இரா.பாஸ்கரன் மற்றும் அரசு உயர் அலுவலர்கள் கலந்து கொண்டனர்.