மயிலாடுதுறை, ஜன. 1–
துணை முதலமைச்சர் அவர்கள் காணொலி காட்சி வாயிலாக நகர்ப்புற உள்ளாட்சிகளுக்கு டாக்டர் கலைஞர் விளையாட்டு உபகரணங்கள் வழங்கும் திட்டத்தை தொடங்கி வைத்ததை தொடர்ந்து மயிலாடுதுறை மாவட்ட ஆட்சியர் அலுவலக கூட்ட ரங்கில் இளைஞர் நலன் மற்றும் விளையாட்டு மேம்பாட்டுத்துறை சார்பில் நகர்ப்புற உள்ளாட்சிகளுக்கு டாக்டர் கலைஞர் விளையாட்டு உபகரணங்களை பிற்படுத் தப்பட்டோர் நலத்துறை அமைச்சர் சிவ.வீ.மெய்யநாதன் வழங்கினார்கள்.
மயிலாடுதுறை மாவட்ட ஆட்சியர் அலுவலக கூட்டரங்கில் இளைஞர் நலன் மற்றும் விளையாட்டு மேம்பாட்டுத்துறை சார்பில் மயிலாடுதுறை நகராட்சி, சீர்காழி நகராட்சி, குத்தாலம் பேரூராட்சி, மணல்மேடு பேரூராட்சி, வைத்தீஸ்வரன் கோவில் பேரூராட்சி, தரங்கம்பாடி பேரூராட்சி ஆகிய நகர்ப்புற உள்ளாட்சிகளுக்கு டாக்டர் கலைஞர் விளையாட்டு உபகரணங்கள் வழங்கும் நிகழ்ச்சி நடைபெற்றது நிகழ்ச்சிக்கு மயிலாடுதுறை மாவட்ட ஆட்சித் தலைவர் எஸ்.ஸ்ரீகாந்த் தலைமை தாங்கினார். மயிலாடுதுறை மாவட்ட கழக செயலாளர், - பூம்புகார் சட்டமன்ற உறுப்பினர் நிவேதா எம்.முருகன், சீர்காழி சட்டமன்ற உறுப்பினர் எம்.பன்னீர்செல்வம், மயிலாடுதுறை சட்டமன்ற உறுப்பினர் எஸ்.ராஜ்குமார் ஆகியோர் முன்னிலை வகித்தனர்.நிகழ்ச்சியில் மயிலாடுதுறை, சீர்காழி நகராட்சிகளுக்கும், குத்தாலம், தரங்கம்பாடி, வைத்தீஸ்வரன் கோயில், மணல்மேடு ஆகிய பேரூராட்சிகளுக்கும் டாக்டர் கலைஞர் விளையாட்டு உபகரணங்களை பிற்படுத்தப்ப ட் ட்டோர் நலத்துறை அமைச்சர் சிவ.வீ.மெய்யநாதன் வழங்கி பேசுகையில்
தமிழ்நாடு முதலமைச்சர் அவர்களின் வழிகாட்டுதலின் பேரில், நமது தமிழ்நாடு துணை முதலமைச்சர் அவர்கள் நகர்ப்புறங்களில் இத்திட்டம் செயல்பட வேண்டும் என்பதற்காக நமது இளைஞர் நலன் மற்றும் விளையாட்டு மேம்பாட்டுத் துறை அமைச்சர் உதயநிதி ஸ்டாலின் அவர்கள் முதற்கட்டமாக ஈரோட்டில் இன்று 13 மாவட்டங்களுக்கு நகர்ப்புற உள்ளாட்சிகளுக்கான டாக்டர் கலைஞர் விளையாட்டு உபகரணங்கள் வழங்கும் திட்டத்தை தொடங்கி வைத்துள்ளார்.
மயிலாடுதுறைக்கு எந்த மாவட்டத்திற்கு இல்லாத அளவிற்கு இங்கே சாய் விளையாட்டு மைதானம் இருக்கின்ற மாவட்டம் நமது மயிலாடுதுறை மாவட்டமாக உள்ளது. இங்கு இரண்டு மத்திய, மாநில அரசு விளையாட்டு வீரர்கள் மற்றும் வீராங்கனைகள் இங்கே இருக்கிறீர்கள். மற்றவர்களை விட விளையாட்டுக்கள் நம்மை வேறுபடுத்தி காட்டுகிறது. எல்லோரையும் பெயர் சொல்லி கூப்பிடுவோம் எல்லோரையும் மனிதர்களாக பார்ப்போம் உங்களை மட்டும் தான் வீரர்கள், வீராங்கனைகளாக அழைக்கக் கூடிய பெருமை விளையாட்டில் உள்ளவர்களுக்கு இருக்கிறது. துணை முதலமைச்சர் அவர்கள் 2024-–2025 நிதியாண்டிற்
கான இளைஞர் நலன் மற்றும் விளையாட்டு மேம்பாட்டுத் துறையின் மானியக் கோரிக்கையின் போது டாக்டர் கலைஞர் விளையாட்டு உபகரணங்கள் வழங்கும் திட்டம் விரிவுபடுத்தப்பட்டு மாநகராட்சி, நகராட்சி மற்றும் பேரூராட்சி ஆகிய உள்ளாட்சி அமைப்புகளுக்கு விளையாட்டு உபகரணங்கள் வழங்கப்படும் என அறிவித்தார்கள்.
அதன்படி, இன்று இத்திட்டமானது தொடங்கி வைக்கப்பட்டுள்ளது. மயிலாடுதுறை மாவட்டத்தில் சீர்காழி நகராட்சி, மயிலாடுதுறை நகராட்சி, குத்தாலம் பேரூராட்சி, மணல்மேடு பேரூராட்சி, தரங்கம் பாடி பேரூராட்சி, வைத்தீஸ்வரன்கோவில் பேரூராட்சி ஆகியவைகளுக்கு உட்பட்ட 123 வார்டுகளுக்கு 30 விளையாட்டு உபகரணங்கள் அடங்கிய விளையாட்டு உபகரணங்கள் அடங்கிய தொகுப்பு வழங்கப்படுகிறது. இதனை, விளையாட்டு வீரர்கள் பயன்படுத்தி தங்களது விளையாட்டுத் திறனை மென்மேலும் மேம்படுத்திக் கொள்ள வேண்டும் இவ்வாறு பிற்படுத்தப்பட்டோர் நலத்துறை அமைச்சர்சிவ.வீ.மெய்யநாதன் பேசினார்.
நிகழ்ச்சியில் மாவட்ட காவல் கண்கணிப்பாளர் தகோ.ஸ்டாலின், கூடுதல் ஆட்சியர்(வளர்ச்சி) கோகுல். மாவட்டவருவாய் அலுவலர் ஆர்.பூங்கொடி,கழக கொள்கை பரப்புத் துணைச் செயலாளர் குத்தாலம் க.அன்பழகன், தகவல் தொழில் நுட்ப அணி மாநில துணை செயலாளர் பி.எம்.ஸ்ரீதர், தலைமை செயற்குழு உறுப்பினர் ஜி.என்.ரவி, மாவட்ட துணை செயலாளர்கள் மு.ஞானவேலன், எஸ்.செல்வமணி, ஒன்றிய கழக செயலாளர் செல்லசேது.ரவிக்குமார், மங்கை எம்.சங்கர், ப. முருகமணி, அமிர்த.விஜயகுமார், பஞ்சு.குமார், மயிலாடுதுறை நகர்மன்ற தலைவரும், மயிலாடுதுறை நகரக் கழக செயலாளர் குண்டாமணி (எ) என் .செல்வராஜ், பொதுக்குழு உறுப்பினர் நத்தம் ஏ.வின்சென்ட், ஹர்ஷத், அ.காந்தி,பேரூர் கழக செயலாளர் எஸ்.கே முத்துராஜா,
எம்.அன்புச்செழியன், அண்ணாதுரை, எம்.சம்சுதீன், குத்தாலம் பேரூராட்சித் தலைவர் சங்கீதாமாரியப்பன், தரங்கம்பாடி பேரூராட்சித் தலைவர் சுகுண சங்கரிகுமரவேல், மணல்மேடு பேரூராட்சித் தலைவர் கண்மணிஅறிவழகன், மயிலாடுதுறை நகர்மன்ற துணைத் தலைவர் சிவக்குமார், மயிலாடுதுறை நகர கழக நிர்வாகிகள் மலைக்கோயில் பிரபாகர், தெய்வநாயகம், மாரியப்பன், மற்றும் அர்ஜுன். கருணாகரன், மற்றும் அரசு அலுவலர்கள், உள்ளாட்சி அமைப்பின் பிரதிநிதிகள், விளையாட்டு வீரர்கள் மற்றும் வீராங்கனைகள் கலந்து கொண்டனர். முடிவில் மாவட்ட விளையாட்டு அலுவலர் உமாசங்கர் நன்றி கூறினார்.