சேலம்,ஜன.1–
கழக இளைஞர் அணி செயலாளரும், தமிழக துணை முதலமைச்சருமான உதயநிதி ஸ்டாலின் அவர்களின் பிறந்த நாளையொட்டி, சேலம் கிழக்கு மாவட்டம் அரியானூரில்மாரத்தான் போட்டி நடந்தது.
தமிழ்நாடு துணை முதல்வரும், திமுக இளைஞர் அணி செயலாளருமான உதயநிதி ஸ்டாலின் பிறந்தநாள் விழாவை முன்னிட்டு, சேலம் கிழக்கு மாவட்டம், வீரபாண்டி தெற்கு ஒன்றிய திமுக செயலாளர் வெண்ணிலா சேகர் ஏற்பாட்டில் , அரியனூரில் இளந்தலைவர் மாநில அளவில் மாரத்தான் போட்டி நடந்தது. இதில் 20, 8, 6, 2 கிலோ மீட்டர் என நான்கு பிரிவுகளின் கீழ்போட்டி நடந்தது. போட்டியை சேலம் கிருபானந்தவாரியார் மருத்துவக் கல்லூரி மருத்துவமனையின் டீன் எழில் வேந்தன், அசோக் டெக்ஸ்டைல்ஸ் உரிமையாளர் மாதவராஜ் ஆகியோர் தொடங்கி வைத்தனர்.
இந்த போட்டியில் சேலம் மாவட்டத்தின் பல்வேறு பகுதிகளில் இருந்து, பள்ளி கல்லூரி மாணவ-மாணவிகள், இளைஞர்கள், பெண்கள்,பொதுமக்கள் என 4,079 பேர் ஆர்வத்துடன் கலந்து
கொண்டனர். இதில் வெற்றி பெற்ற வீரர்களுக்கு, சேலம் கிழக்கு மாவட்ட செயலாளர் எஸ். ஆர்.சிவலிங்கம் எம்பி, மேற்கு மாவட்ட செயலாளர் டி.எம்.செல்வகணபதி எம்பி, மாநில இளைஞரணி துணைச் செயலாளர் ஆனந்த் ஆகியோர் கலந்து கொண்டு விருது மற்றும் சான்றிதழ் வழங்கி பாராட்டினர். இதில் வீரபாண்டி தொகுதி பார்வையாளர் கிருபாகரன், மாவட்ட அவைத் தலைவர் முரா. கருணாநிதி, மாவட்ட விளையாட்டு மேம்பாட்டு அணி அமைப்பாளர் ப்ரண்ட்ஸ் ரமேஷ், மாநில தகவல் தொழில் நுட்ப அணி துணை செயலாளர் டாக்டர் தருண், ஒன்றிய செயலாளர் உமாசங்கர், ஏ.ஏ.ஆறுமுகம், கே.பி.எஸ். அன்புமற்றும் விளையாட்டு மேம்பாட்டு அணி துணை அமைப்பாளர்கள், ஒன்றிய, சார்பு அணி நிர்வாகிகள் உள்ளிட்ட பலர் கலந்து கொண்டனர். போட்டிக்கான ஏற்பாடுகளை வீரபாண்டி ஒன்றிய செயலாளர் வெண்ணிலா சேகர் செய்திருந்தார்.
மேலும் இந்த மராத்தான் போட்டியில் சமூகநீதி மற்றும் பெண்ணியத்தை முன்னிறுத்தி நான்காயிரம் வீரர் வீராங்கனைகள் பங்கு பெற்ற மாரத்தான் என்ற அடிப்படையில் நோபல் வேர்ல்ட் ரெக்கார்டு அமைப்பு உலக சாதனைக்கான சான்றிதழை திருமதி. ஹேமா, மாவட்ட செயலாளர்கள் எஸ்.ஆர்.சிவலிங்கம் எம்.பி., டி.எம். செல்வகணபதி எம்.பி., ஆகியோர் முன்னிலையில் ஒன்றிய செயலாளர்வெண்ணிலா சேகர் அவர்களிடம் வழங்கினார்.