தமிழ்நாடு முதல்வர் மு.க.ஸ்டாலின் அவர்கள் அறிவுறுத்தலின்படி மதுரை கிழக்கு தொகுதி முழுவதும் கிராமம் கிராமமாகச் சென்று மக்களை நேரில் சந்தித்து அவர்களது குறைகளைக் கேட்டறிந்து அதற்கான நடவடிக்கைகளை மேற்கொண்டு வரும் வணிகவரி மற்றும் பதிவுத்துறை அமைச்சர் பி.மூர்த்தி சுற்றுப்பயணத்தின் ஒரு பகுதியாக மதுரை கிழக்கு தொகுதி மேற்கு ஒன்றியத்திற்கு உட்பட்ட கிராமப் பகுதிகளில் பொதுமக்களை சந்தித்தார். அமைச்சர் சுற்றுபயணத்தின் போது மாவட்ட ஊராட்சி செயலாளர் விசாலாட்சி, ஊரக வளர்ச்சித் துறை உதவி இயக்குனர் அரவிந்த் உள்ளிட்ட அனைத்துத் துறை அரசு அதிகாரிகள், ஒன்றிய செயலாளர் சிறைச்செல்வன், முன்னாள் ஒன்றிய சேர்மன் வீரராகவன் உள்ளிட்ட திரளான கழக நிர்வாகிகள், கழகத்தினர், பொதுமக்கள் பங்கேற்றனர்.