நெல்லை, ஜன.1–
முதலமைச்சர் மு.க.ஸ்டாலின் அவர்களின் நல்வாழ்த்துக்களுடன், துணை முதலமைச்சர் உதயநிதி ஸ்டாலின் அவர்கள் ஈரோடு மாவட்டத்தில் (30.12.2025) அன்று நடைபெற்ற விழாவில் காணொலிக் காட்சி வாயிலாக மாநகராட்சி, நகராட்சி மற்றும் பேரூராட்சி பகுதிகளுக்கு கலைஞர் விளையாட்டு உபகரணங்கள் வழங்கும் பணியினை துவக்கி வைத்தார்.
அதனைத்தொடர்ந்து நெல்லை மாவட்டம் பாளையங்கோட்டை வ.உ.சி.உள்விளையாட்டரங்கில் நடைபெற்ற நிகழ்வில் சட்டமன்ற பேரவைத் தலைவர் மு.அப்பாவு பங்கேற்று மாவட்ட ஆட்சியர் மரு.இரா.சுகுமார் தலைமையில்,நெல்லை மத்திய மாவட்ட பொறுப்பாளர் பாளை சட்டமன்ற உறுப்பினர் மு.அப்துல் வஹாப் நெல்லை மாநகராட்சி மேயர் கோ.ராம கிருஷ்ணன், மாநகராட்சி ஆணையாளர் மரு.மோனிகா ராணா, துணை மேயர் கே.ஆர்.ராஜூ ஆகியோர் முன்னிலையில் திருநெல்
வேலி மாநகராட்சி,மூன்று நகராட்சிகள்,17 பேரூராட்சிகள் என மொத்தம் 397 வார்டுகளுக்கு 576 கலைஞர் விளையாட்டு உபகரணங் களை வழங்கினார்.
இந்நிகழ்வில் சட்டப் பேரவைத் தலைவர் மு.அப்பாவு தெரிவித்த தாவது.
உலகளவில் தலைசிறந்த விளையாட்டு வீரர்களை தமிழகத்திலிருந்து உருவாக்க வேண்டுமென்ற உயரிய எண்ணத்தில் துணை முதலமைச்சர் அவர்கள் பல்வேறு புதிய முன்னெடுப்பு களை மேற்கொண்டு வருகிறார்கள்.தமிழக வரலாற்றில் இல்லாத அளவில் இளைஞர் நலன் மற்றும் விளையாட்டு மேம்பாட்டுத் துறைக்கு தனி கவனம் செலுத்தி, அதிகளவில் நிதி ஒதுக்கீடு செய்து மாணவ, மாணவியர்களை ஊக்குவிப்பதற்காக பல்வேறு பணிகள் நடைபெற்று வருகிறது.
அதன் ஒரு பகுதியாக, கலைஞர் விளையாட்டு உபகரணங்கள் வழங்கும் திட்டத்தின் கீழ் கடந்த ஆண்டு திருநெல்வேலி மாவட்டத்திலுள்ள 204 ஊராட்சி களுக்கு கிரிக்கெட் பேட், ஸ்டெம்பு, பந்து,வாலிபால், கால்பந்து, எரிப்பந்து,டென்னிஸ்,கேரம்போர்டு, சிலம்பம், செஸ்,இறகுப்பந்து போன்ற 33 வகையிலான கலைஞர் விளையாட்டு உபகரணங்கள் வழங்கப்பட்டுள்ளது.
மேலும் 2024-–2025-ஆம் நிதியாண்டிற்கான இளைஞர் நலன் மற்றும் விளையாட்டு மேம்பாட்டுத்துறை யின் மானியக் கோரிக்கை யின் போது “டாக்டர் கலைஞர்” விளையாட்டு உபகரணங்கள் வழங்கும் திட்டத்தினை மேலும் விரிவுப் படுத்தி அனைத்து மாநகராட்சி,நகராட்சி மற்றும் பேரூராட்சி ஆகிய நகர்ப் புற உள்ளாட்சி அமைப்புகளுக்கு விளையாட்டு உப கரணங்கள் அடங்கிய தொகுப்பு வழங்கப்படும் என்று அறிவித்ததைத் தொடர்ந்து, தற்போது மாநகராட்சிகள், நகராட்சிகள்,பேரூராட்சிகளுக்கு கலைஞர் விளையாட்டு உபகரணங்கள் வழங்கும் பணியினை துணை முதலமைச்சர் அவர்களால் ஈரோடு மாவட்டத்தி லிருந்து காணொலிக் காட்சி வாயிலாக துவக்கி வைத்தார்கள்.
திருநெல்வேலி மாநகராட்சி யிலுள்ள 55 வார்டுகளுக்கு 165 விளையாட்டு உபகரணங்களும்,3 நகராட்சிகளிலுள்ள 69 வார்டு களுக்கு 138 விளையாட்டு உபகரணங்களும்,17 பேரூராட்சிகளிலுள்ள 273 வார்டுகளுக்கு 273 கலைஞர் விளையாட்டு உபகரணங்கள் என மொத்தம் 397 வார்டுகளுக்கு கிரிக்கெட் பேட், ஸ்டெம்பு,பந்து,வாலிபால், கால்பந்து, எரிப்பந்து,டென்னிஸ்,கேரம்போர்டு, சிலம்பம்,செஸ், இறகுப்பந்து போன்ற 576 விளையாட்டு உபகரணங்கள் வழங்கும் பணிகளை துவக்கி வைத்ததில் மிகவும் மகிழ்ச்சியாக உள்ளது.அனைத்து வீரர், வீராங்கனைகள், மாணவ, மாணவியர்கள் சிறப்பாக விளையாடி சர்வதேச தரத்தில் விளையாட்டில் சாதனைப்புரிய வேண்டுமென கேட்டுக்கொள்கிறேன்.
இவ்வாறு சட்டப் பேரவைத் தலைவர் மு.அப்பாவு தெரிவித்தார்.
நிகழ்வில் நகராட்சி மண்டல நிர்வாக இயக்குநர் விஜய லெட்சுமி மாவட்ட விளையாட்டு மற்றும் இளைஞர் நல அலுவலர் கிருஷ்ண சக்கரவர்த்தி, தலைமைச் செயற்குழு உறுப்பினர் பேச்சிபாண்டியன் நெல்லை கிழக்கு மாநகர பொறுப்பாளர் தினேஷ் உட்பட கழக நிர்வாகிகள், அரசு அலுவலர்கள், விளையாட்டு வீரர்,வீராங்கனை கள் பொதுமக்கள் பலர்கலந்து கொண்டனர்.