மயிலாடுதுறை. ஜன.1–-
மயிலாடுதுறை மாவட்டம்மயிலாடுதுறை மாவட்ட ஆட்சியர்
அலுவலக கூட்டரங்கில் அனைத்துத்துறை வளர்ச்சி திட்டப்பணிகள் தொடர்பான ஆய்வுக்கூட்டம் பிற்படுத்தப்பட்டோர் நலத்துறை அமைச்சர்; சிவ.வீ.மெய்யநாதன் தலைமையில் நடைபெற்றது.
மயிலாடுதுறை மாவட்டஆட்சியர் அலுவலக கூட்டரங்கில் வளர்ச்சி திட்டப்பணிகள் தொடர்பான ஆய்வுக்கூட்டம் நடைபெற்றது. மாவட்ட ஆட்சியர் எஸ்.ஸ்ரீகாந்த், மயிலாடுதுறை மாவட்ட கழக செயலாளரும், பூம்புகார் சட்டமன்ற உறுப்பினருமான நிவேதா எம்.முருகன், சீர்காழி சட்டமன்ற உறுப்பினர் எம்.பன்னீர்செல்வம் மயிலாடுதுறை சட்டமன்ற உறுப்பினர் எஸ்.ராஜ
குமார் மாவட்ட காவல் கண்காணிப்பாளர் கோ. ஸ்டாலின்., ஆகியோர் முன்னிலை வகித்தனர்.
கூட்டத்திற்கு பிற்படுத்தப்பட்டோர் நலத்துறை அமைச்சர் .சிவ.வீ.மெய்யநாதன் தலைமை தாங்கி அனைத்துத் துறை அலுவலர் குறித்து அதிகாரியிடம் கேட்டறிந்தார்.பின்னர் பிற்படுத்தப்பட்டோர் நலத்துறை அமைச்சர் சிவ.வீ.மெய்யநாதன் செய்தியாளர்களுக்கு அளித்த பேட்டியில்,
தமிழ்நாடு முதலமைச்சர் அவர்களின் வழிகாட்டுதலின்படி மயிலாடுதுறை மாவட்டத்தில் அனைத்துத் துறையின் சார்பில் நடைபெற்று வரும் வளர்ச்சித் திட்டப்பணிகள் தொடர்பான ஆய்வுக் கூட்டம் நடத்தப்பட்டது. இக்கூட்டத்தில் வருவாய்த்துறை, ஊரக வளர்ச்சித்துறை, நெடுஞ்சாலைத்துறை, சுகாதாரத்துறை, வேளாண்மைத்துறை, நீர்வள ஆதாரத்துறை, பொதுப்பணித் துறை, மீன்வளத்துறை உள்ளிட்டத்துறைகளின் மூலம் மேற்கொள்ளப்பட்டுவரும் திட்டப்பணிகள் மற்றும் சட்டமன்ற உறுப்பினர் தொகுதி மேம்பாட்டு நிதி, நாடாளுமன்ற உறுப்பினர் தொகுதி மேம்பாட்டு நிதி ஆகியவற்றின் கீழ் மேற்கொள்ளப்பட்டுவரும் பணிகளின் தற்போதைய நிலை குறித்து விரிவாக ஆய்வு மேற்கொள்ளப் பட்டது. அதன் அடிப்படையில் மயிலாடுதுறை மாவட்டத்தில் அனைத்து துறை சார்ந்த வளர்ச்சித்திட்டப் பணிகளும் சிறப்பாக நடைபெற்று வருகிறது.
2004 -ல் ஏற்பட்ட கோர நிகழ்வான சுனாமியை முன்னிட்டு, மயிலாடுதுறை மாவட்டத்திலுள்ள கடற்கரை கிராமங்களில் ஒன்றான பூம்புகாரில் சுனாமி நினைவு தினத்தையொட்டி இன்றையதினம் நினைவேந்தல் நிகழ்ச்சி நடைபெற்றது. 2025 ஜனவரியில் பருவம் தவறி பெய்த மழை மற்றும் 2024-ல் ஜனவரியில் பெய்த வடகிழக்கு பருவமழையினால் பாதிக்கப்பட்ட விவசாயிகளுக்கு முதலமைச்சர் அவர்களின் உத்தரவின்படி நிவாரணத் தொகையாக ரூ.71 கோடியே 30 இலட்சத்து 91 ஆயிரத்து 741 விடுவித்து ஆணையிடப்பட்டுள்ளது.
மயிலாடுதுறை மாவட்டத்திற்கு பெருமை சேர்க்கும் கலைஞர் காலத்தில் 50 ஆண்டுகளுக்கு முன் கட்டப்பட்ட சாரங்கபாணி மேம்பாலத்தில் ரூ.6 கோடி மதிப்பீட்டில் கடந்த 3 மாதங்களாக நடைபெற்று வரும் பாலத்தின் சீரமைப்பு பணிகள் நிறைவு பெறும் தருவாயில் உள்ளது. அந்த பணிகள் நிறைவு பெற்று வரும் விரைவில்; மக்கள் பயன்பாட்டிற்காக திறந்து வைக்கப்படும். மயிலாடுதுறை புதிய பேருந்து நிலையம் கட்டுமானப் பணிகள் நிறைவு பெற்று விரைவில் திறக்கப்படும். மயிலாடுதுறை மாவட்டத்தில் மக்களுக்கு தேவையான அனைத்து வளர்ச்சித் திட்டப் பணிகளையும் தமிழ்நாடு முதலமைச்சர் அவர்களின் தலைமையிலான அரசு தொடர்ந்து மேற்கொள்ளும் என பிற்படுத்தப் பட்டோர் நலத்துறை அமைச்சர் சிவ.வீ.மெய்யநாதன் செய்தியாளருக்கு அளித்தபேட்டியில் தெரிவித்தார்.