முதலமைச்சர் மு.க.ஸ்டாலின் அவர்களை நேற்று முன்தினம் (30.12.2025) தலைமைச் செயலகத்தில், மூக்கையூர் தேவாலயத்தின் பாரீஷ் பாதிரியார் பங்குத் தந்தை அருள் ஜீவா ஆசிர்வாதம், பாரீஷ் தேவாலயம் தலைவர் ஜேசு ராஜா, இராமேஸ்வரம் அனைத்து இயந்திரமாக்கப்பட்ட படகு உரிமையாளர்கள் சங்க ஆலோசகர் தேவதாஜ் நாகசாமி, தங்கச்சிமடம் -– இராமநாதபுரம் மாவட்ட ஆழ்கடல் மீனவர் சங்கத் தலைவர் ஆனந்த் பைவா, செயல் உறுப்பினர் செல்வராஜ் ஃபெர்னான்டோ, இராமேஸ்வரம் பாரம்பரிய இந்திய மீனவர்கள் நலச் சங்க உதவி செயலாளர் ஆல்வின் ஃபெர்னான்டோ, மூக்கையூர் துறைமுகம் மீனவர்கள் தலைமைக் குழு தலைவர் ஜோசெப், மூக்கையூர் புனித ஜேம்ஸ் பாரம்பரிய மீனவர் நலச் சங்க தலைவர் அந்தோணி அடிமை, மூக்கையூர் ஜேம்ஸ், பாரம்பரிய மீனவர் நலச் சங்க உறுப்பினர் மரிய ஹென்ரி, செயல் உறுப்பினர் ராஜிலு, தமிழ்நாடு மீனவர்கள் மேம்பாட்டுக் கழகத்தின் முன்னாள் தலைவர் ஏ. அடைக்கலம், ஏ. தஸ்னாவிஸ் ஃபெர்னான்டோ ஆகியோர் சந்தித்து, இராமநாதபுரம் மாவட்டம், கடலாடி வட்டம், மூக்கையூர் கிராமத்தில் இருக்கின்ற தொன்மை வாய்ந்த புனித யாக்கோபு தேவாலயம், 1 கோடியே 42 இலட்சம் ரூபாய் மதிப்பீட்டில் புனரமைக்கப்படும் என்று அறிவித்தமைக்காக நன்றி தெரிவித்துக் கொண்டனர். உடன் முனைவர் இனிகோ இருதயராஜ் எம்.எல்.ஏ., தலைமைச் செயலாளர் நா.முருகானந்தம் ஆகியோர் உள்ளனர்.