பெரம்பலூர், ஜன.1-–
போக்குவரத்து மற்றும் மின்சாரத்துறை அமைச்சர் சா.சி.சிவசங்கர்,பெரம்ப லூர்புதிய பேருந்து நிலையத்தில் நடைபெற்ற நிகழ்ச்சியில் மாவட்ட ஆட்சித்தலைவர் ந.மிருணாளினி தலைமையில் BS6 ரக 4 புதிய பேருந்துகளை கொடியசைத்து தொடங்கி வைத்தார்.
இந்நிகழ்ச்சிக்கு பெரம்பலூர் சட்டமன்ற உறுப்பினர் ம.பிரபாகரன் முன்னிலை வகித்தார். முதலமைச்சர் அவர்கள் அனைத்துத் தரப்பு மக்களின் நலனையும் கருத்தில் கொண்டு தமிழ்நாட்டின் அனைத்துப் பகுதிகளுக்குமான பேருந்து சேவையினை உறுதிப்படுத்திடும் வகையில் புதிய வழித்தடங்களையும், புதிய பேருந்துகளையும் தொடர்ந்து வழங்கி வருகின்றார்கள்.
போக்குவரத்துத்துறையில் ஒரு புரட்சியை ஏற்படுத்திடும் வகையில் மின்சார பேருந்துகள், சி.என்.ஜி பேருந்துகள், தாழ்தள பேருந்துகள், மாற்றுத்திறனாளிகள் எளிதில் பேருந்தில் ஏறி இறங்க சாய்தள வசதிகளுடன் கூடிய பேருந்துகள், BS6 ரக பேருந்துகள் என பல்வேறு வகையான பேருந்துகள் தமிழ்நாட்டில் மக்களின்பயன்பாட்டுக்கு கொண்டுவரப்பட்டுள்ளது,
அந்தவகையில், பெரம்பலூரில் இருந்து நாரணமங்கலம், ஆலத்தூர் கேட், பாடாலூர் வழியாக திருப்பட்டூருக்கும், வேலூர் - செட்டிகுளம் வழியாக நக்கசேலத்திற்கும், அம்மா பாளையம், லாடபுரம் வழியாக மேலப்புலியூருக்கும், அரசலூர் வழியாக பிள்ளையார்பாளையத்திற்கும் என 4 புதிய பேருந்துகளை போக்குவரத்து மற்றும் மின்சாரத்துறை அமைச்சர் சா.சி.சிவசங்கர் கொடியசைத்துதொடங்கி வைத்தார். இந்நகிழ்ச்சியில் மாவட்ட கழக பொறுப்பாளர் வீ.ஜெகநீசன், போக்குவரத்துக்கழக திருச்சி மண்டல பொது மேலாளர் டி.சதீஸ்குமார், நகர்மன்றத் தலைவர் திருமதி அம்பிகா ராஜேந்திரன், அட்மா தவைவர் சி.ராஜேந்திரன், கோட்ட மேலாளர் ராம்குமார், முன்னாள் சட்டமன்றஉறுப்பினர்கள் பா.துரைசாமி, எம்.இராஜ்குமார், பெரம்பலூர் கோட்ட துணை மேலாளர் (தொழில்நுட்பம்) எம்.எஸ்.ஜி.புகழேந்தி ராஜ், பெரம்பலூர்கிளை மேலாளர் தண்டாயுதபாணி உள்ளிட்ட பலர் கலந்துகொண்டனர்.