• மாநி­லங்­க­ளவை உறுப்­பி­ன­ரும் -ஒன்­றி­யத்­தின் முன்­னாள் நிதி அமைச்­ச­ரு­மான ப. சிதம்­ப­ரம் அவர்­க­ளின் கோரிக்­கையை ஏற்று, செட்­டி­நாடு வேளாண்­மைக் கல்­லூரி மற்­றும் ஆராய்ச்சி நிலை­யத்­தில் அமைந்­தி­ருக்­கின்ற கலை அரங்­கத்­திற்கு, பசு­மைப் புரட்­சிக்கு வித்­திட்ட, ஒன்­றி­யத்­தின் முன்­னாள் வேளாண்­மைத்­துறை அமைச்­சர் பாரத ரத்னா விருது பெற்ற டாக்­டர் சி.சுப்­பி­ர­ம­ணி­யம் அவர்­க­ளின் பெயர் சூட்டி, திறந்து வைத்­த­தில் நான் மிகுந்த மகிழ்ச்சி அடை­கி­றேன்.

• அடுத்து, இங்கு காரைக்­குடி வட்­டம் கழ­னி­வா­சல் பகு­தி­யில், 100 கோடி ரூபாய் மதிப்­பீட்­டில் உரு­வாக்­கப்­பட்­டி­ருக்­கின்ற சட்­டக்­கல்­லூ­ரியை திறந்து வைத்­தி­ருக்­கி­றேன். 19 ஏக்­கர் பரப்­பில் இது அமைந்­தி­ருக்­கி­றது. ஆயி­ரத்து 300 மாண­வர்­கள் படிக்­கும் வச­தி­யு­டன் இது அமைக்­கப்­பட்­டி­ருக்­கி­றது.

• நம்­மு­டைய அண்­ணன் சிதம்­ப­ரம் அவர்­க­ளும், அமைச்­சர் பெரி­ய­க­ருப்­பன் அவர்­க­ளும், நாடா­ளு­மன்ற உறுப்­பி­னர் கார்த்தி சிதம்­ப­ரம் அவர்­க­ளும், சட்­ட­மன்ற உறுப்­பி­னர் மாங்­குடி அவர்­க­ளும், இவர்­க­ளின் கோரிக்­கையை ஏற்று இந்த இரண்டு கல்­லூ­ரி­க­ளை­யும் உரிய நேரத்­தில் திறந்து செயல்­பாட்­டிற்கு கொண்டு வந்­தி­ருக்­கி­றோம்.

உங்­கள் தக­வ­லுக்­காக, மற்­றொரு செய்­தியை நான் சொல்­லிக்­கொள்ள விரும்­பு­கி­றேன். ஒன்­றிய அர­சால், மதுரை எய்ம்ஸ் அறி­வித்து, அது தொடங்கி 11 ஆண்­டு­கள் ஆகி­றது – இது உங்­கள் தக­வ­லுக்­காக தான்.

அடுத்த நிகழ்ச்சி -

 • 32 கோடி ரூபாய் மதிப்­பீட்­டில் உரு­வாக்­கப்­பட்ட மினி டைடல் பூங்­கா­வை­யும் திறந்து வைக்க இருக்­கி­றேன்.

இப்­படி பல்­வேறு நிகழ்ச்­சி­கள் ஒருங்­கி­ணைந்­தது தான் என்­னு­டைய சிவ­கங்­கைப் பய­ணம்.

சிவ­கங்­கைக்­காக கூடு­தல் அக்­க­றை­யோடு

சிந்­திக்­கும் அண்­ணன் சிதம்­ப­ரம்!

முன்­னாள் ஒன்­றி­யத்­தின் அமைச்­சர் மூத்த காங்­கி­ரஸ் தலை­வ­ரு­மான அண்­ணன் சிதம்­ப­ரம் அவர்­கள் இங்கே பேசி­னார்­கள். திரா­விட மாடல் அரசு அமைந்த பிறகு எண்­ணற்ற திட்­டங்­களை நிறை­வேற்றி வரு­கி­றோம். அப்­போது அண்­ணன் சிதம்­ப­ரம் அவர்­கள் என்ன கருத்து சொல்­கி­றார் என்­பதை நான் கூர்ந்து கவ­னிப்­பேன். கார­ணம், பல்­லாண்டு கால அனு­ப­வம் வாய்ந்த அவ­ரது பாராட்டை நான் முக்­கி­ய­மாக கரு­து­வேன். அண்­ணன் சிதம்­ப­ரம் அவர்­கள் ஒட்­டு­மொத்­த­மாக நாட்­டிற்­காக சிந்­தித்­தா­லும், என்­ன­தான் இருந்­தா­லும், சிவ­கங்­கைக்­காக கூடு­த­லாக, அக்­க­றை­யோடு சிந்­திப்­பார்; செயல்­ப­டு­வார் என்­ப­தற்கு இன்று திறந்து வைத்­தி­ருக்­கக்­கூ­டிய இரண்டு கல்­லூ­ரி­கள் தான் உதா­ர­ணம். அண்­ணன் சிதம்­ப­ரம் அவர்­க­ளுக்கு எனது மன­மார்ந்த பாராட்­டை­யும், நன்­றி­யை­யும் நான் தமி­ழக அர­சின் சார்­பில், தமி­ழக மக்­க­ளின் சார்­பில் இந்த நேரத்­தில் தெரி­வித்­துக் கொள்ள விரும்­பு­கி­றேன்.

திட்­டங்­க­ளின் பட்­டி­ய­லைப் பார்த்து

மலைப்­பாக இருந்­தது!

இந்த நிகழ்ச்­சிக்கு வந்­த­வு­டன் முக்­கி­ய­மான ஒரு திட்­டத்தை தொடங்கி வைக்க இருக்­கி­றேன்.

சிவ­கங்கை மாவட்­டத்­தில் இருக்­கக்­கூ­டிய 8 பேரூ­ராட்­சி­கள், 11 ஊராட்சி ஒன்­றி­யங்­க­ளில் இருக்­கக்­கூ­டிய 2 ஆயி­ரத்து 452 ஊரக குடி­யி­ருப்­பு­கள் மற்­றும் 3 நக­ராட்­சி­க­ளில், 2 ஆயி­ரத்து 119 கோடியே 7 இலட்­சம் ரூபாய் செல­வில், மொத்த கூட்­டுக் குடி­நீர் திட்­டப் பணி­களை திறந்து வைத்­தி­ருக்­கி­றேன்.

அது­மட்­டு­மல்ல, இந்த மாபெ­ரும் விழா மூல­மாக, 2 ஆயி­ரத்து 560 கோடி ரூபாய் மதிப்­பி­லான 49 பணி­களை திறந்து வைத்­தி­ருக்­கி­றேன். 13 கோடியே 36 இலட்­சம் ரூபாய் மதிப்­பி­லான 28 புதிய திட்­டங்­க­ளுக்­கும் அடிக்­கல் நாட்டி இருக்­கி­றேன். 205 கோடி ரூபாய் மதிப்­பில், 15 ஆயி­ரத்து 453 பய­னா­ளி­க­ளுக்கு நலத்­திட்ட உத­வி­க­ளும் வழங்கி இருக்­கி­றேன்.

நேற்று நான் இந்த மாவட்­டத்­திற்கு வந்­த­தும், சிவ­கங்கை மாவட்­டத்­தில், நம்­மு­டைய திரா­விட மாடல் ஆட்­சி­யில், முத்­திரை திட்­டங்­க­ளாக கடந்த 5 ஆண்டு காலத்­தில் பய­ன­டைந்­தி­ருக்­கக்­கூ­டிய பட்­டி­யலை கேட்­டேன். வழங்­கி­னார்­கள்; எனக்கு மலைப்­பாக இருந்­தது. அந்­தப் பட்­டி­யலை நான்உங்­க­ளி­டத்­தில் நினை­வு­ப­டுத்­து­கி­றேன்.

• மாதந்­தோ­றும் ஆயி­ரம் ரூபாய் கலை­ஞர் மக­ளிர் உரி­மைத் தொகை சிவ­கங்கை மாவட்­டத்­தில், 2 இலட்­சத்து 38 ஆயி­ரத்து 428 பெண்­க­ளுக்கு வழங்­கப்­ப­டு­கி­றது.

• கல்­லூ­ரிக்­குச் செல்­கின்ற 8 ஆயி­ரத்து 469 மாண­வி­க­ளுக்கு புது­மைப்­பெண் திட்­டத்­தின் மூல­மாக மாதம் ஆயி­ரம் ரூபாய் வழங்­கப்­ப­டு­கி­றது.

 • அதே­போல, 6 ஆயி­ரத்து 76 மாண­வர்­க­ளுக்­கும், தமிழ்ப்­பு­தல்­வன் திட்­டத்­தில் மாதந்­தோ­றும் ஆயி­ரம் ரூபாய் தரப்­பட்டு வரு­கி­றது.

 • மக­ளிர் சுய உத­விக் குழுக்­க­ளுக்கு 855 கோடி ரூபாய் கட­னு­தவி தரப்­பட்­டி­ருக்­கி­றது.

 • மக்­க­ளைத் தேடி மருத்­து­வம் திட்­டத்­தில், 12 இலட்­சம் நபர்­கள் பய­ன­டைந்­தி­ருக்­கி­றார்­கள்.

 • முத­ல­மைச்­ச­ரின் விரி­வான மருத்­து­வக் காப்­பீட்­டுத் திட்­டத்­தில், 1 இலட்­சத்து 34 ஆயி­ரம் நபர்­கள் பய­ன­டைந்­தி­ருக்­கி­றார்­கள்.

 • 37 ஆயி­ரம் பள்­ளிக் குழந்­தை­க­ளுக்கு காலை உண­வுத் திட்­டத்­தில், சத்­தான, சுவை­யான உணவு தின­மும் வழங்­கப்­ப­டு­கி­றது.

 • 62 ஆயி­ரம் நபர்­கள் முதி­யோர் ஓய்­வூ­தி­யம் பெற்று வரு­கி­றார்­கள்.

 • நான்கு வரு­டங்­க­ளில், 50 ஆயி­ரம் நபர்­க­ளுக்கு பட்­டாக்­கள் வழங்­கப்­பட்­டி­ருக்­கி­றது.

 • 24 ஆயி­ரத்து 969 விவ­சா­யி­க­ளுக்கு பயிர்­க­டன் வழங்­கப்­பட்­டி­ருக்­கி­றது.

 • 3 ஆயி­ரத்து 822 உழ­வர்­க­ளுக்கு புதிய இல­வச மின் இணைப்­பு­கள் தரப்­பட்­டி­ருக்­கி­றது.

 • 65 திருக்­கோ­யில்­க­ளில், குட­மு­ழுக்கு நடத்­தி­யி­ருக்­கி­றோம்.

 • காரைக்­குடி கழ­னி­வா­சல் கிரா­மத்­தில், சிப்­காட் வளா­கம் அமைக்க நிலம் கைய­கப்­ப­டுத்­தும் பணி­கள் நடை­பெற்று வரு­கி­றது.

அடிக்­கல் நாட்­டிய பணி­களை

நானே மீண்­டும் வந்து திறப்­பேன்!

அடுத்­தும், நம்­மு­டைய திரா­விட மாடல் ஆட்­சி­தான்! அண்­ணன் சொன்­னாரே, 2021-ல் ஆட்சி பொறுப்­பேற்­ற­வு­டன் ஒரு வாரத்­தில் வந்­தோம்; கோரிக்கை வைத்­தோம் – அதற்­கென்ன செய்­து­வி­ட­லாம் என்று சொல்லி, அதை நிறை­வேற்­றி­யி­ருக்­கி­றார் என்று பெரு­மை­யோடு சொன்­னார். அடுத்து வரு­வேன் என்று சொன்­னார் – வரத்­தான் போகி­றீர்­கள். அதில் என்ன சந்­தே­கம்!

ஆட்சி அமைந்­த­தும், வரி­சை­யாக திறப்­பு­விழா காண இருக்­கின்ற பல பணி­க­ளுக்­கும் நான் இப்­போதே அடிக்­கல் நாட்­டி­யி­ருக்­கி­றேன்! மீண்­டும் சிவ­கங்­கைக்கு வந்து நிச்­ச­யம் அதை­யெல்­லாம் திறந்து வைப்­பேன்.

தேர்­த­லுக்­காக ஆதா­ர­மற்ற

குற்­றச்­சாட்­டு­களை பிர­த­மர் கூறு­கி­றார்!

நம்­மு­டைய அர­சின் திட்­ட­மிட்ட செயல்­பா­டு­க­ளால், தமிழ்­நாடு வளர்ந்­தி­ருக்­கி­றது என்று சொன்­னால், அது நான் சொல்­லு­கின்ற கற்­பனை புள்­ளி­வி­வ­ரங்­கள் இல்லை. அவை அனைத்­தும் ஒன்­றிய அரசு சொல்­லு­கின்ற புள்­ளி­விவ­ ரங்­கள்­தான். அவர்­கள் அறிக்­கையை மேற்­கோள் காட்­டித்­தான் சொல்­கி­றேன். தமிழ்­நாட்­டின் வளர்ச்­சியை விமர்­சிக்­கின்ற ஆளு­நர் அவர்­கள் ஒன்­றிய அர­சைத்­தான் கேள்வி கேட்­க­வேண்­டும். அது­தான் இன்­றைக்கு இருக்­கக்­கூ­டிய நிலை. தமிழ்­நாட்­டிற்கு வந்த பிர­த­மர் அவர்­க­ளும் தமிழ்­நாடு வள­ர­வேண்­டும் என்று பேசி இருக்­கி­றார். தேர்­த­லுக்­காக பல்­வேறு ஆதா­ர­மற்ற குற்­றச்­சாட்­டுக்­களை எல்­லாம் பேசி­விட்டு சென்­றி­ருக்­கி­றார்.

இரண்டு நாட்­க­ளுக்கு முன்பு, ஒன்­றிய அர­சின் பொரு­ளா­தார அறிக்கை வெளி­யாகி இருக்­கி­றது. ஒன்­றிய அர­சின் பட்­ஜெட்­டுக்கு முன்­பாக இந்த அறிக்கை வந்­தி­ருக்­கி­றது. அதி­லும், தமிழ்­நாட்டை மனம் திறந்து பாராட்டி இருக்­கி­றார்­கள். புதி­தாக தொழில் தொடங்­கு­வதை ஊக்­கு­விக்­கும் நட­வ­டிக்­கையை தமிழ்­நாடு அரசு மேம்­ப­டுத்தி இருப்­ப­தாக ஒன்­றிய அரசு பாராட்டி இருக்­கி­றது. உற்­பத்­தித் துறை வேலை வாய்ப்­பில், தமிழ்­நாடு முத­லி­டம் என்று ஒன்­றிய அர­சின் பொரு­ளா­தார அறிக்கை பாராட்­டு­கி­றது.

“பெண்­க­ளுக்­கான வேலை வாய்ப்­பைப் பெருக்­கும் திட்­டங்­களை தமிழ்­நாடு தீட்­டி­யி­ருக்­கி­றது, இது மற்ற மாநி­லங்­க­ளுக்கு முன்­னோடி” என்று பெரு­மை­யாக சொல்­லி­யி­ருக்­கி­றார்­கள். இந்த அறிக்­கையை மாண்­பு­மிகு பிர­த­மர் அவர்­க­ளும், மாண்­பு­மிகு ஆளு­நர் அவர்­க­ளும் படிக்­க­வேண்­டும் என்று நான் கேட்­டுக் கொள்­கி­றேன். படிக்­கா­மல் எந்த நிகழ்ச்­சிக்­கும் போய்­விட வேண்­டாம். நீங்­கள் வழங்­கு­கின்ற அறிக்கை தான். உங்­கள் ஒன்­றிய அரசு தந்­தி­ருக்­கக்­கூ­டிய அறிக்கை. “தமிழ்­நாட்­டிற்­கான தொழில் முத­லீ­டு­கள் வேறு மாநி­லத்­திற்கு சென்­று­விட்­டது” என்று ஆளு­நர் அவர்­கள் குற்­றம் சாட்டி வரு­கின்ற நிலை­யில்­தான் ஒன்­றிய அர­சின் அறிக்கை, தமிழ்­நாட்டை இன்­றைக்கு பாராட்­டி­யி­ருக்­கி­றது.

சிவ­கங்கை கிரா­மங்­கள் நிறைந்த மாவட்­டம்! உங்­க­ளி­டம் ஒரு முக்­கி­ய­மான விச­யத்­தைப் பற்றி சொல்ல விரும்­பு­கி­றேன். கிரா­மப்­பு­றப் பொரு­ளா­தா­ரத்­தின் முது­கெ­லும்­பாக இருந்து வந்த மகாத்மா காந்தி பெய­ரி­லான 100 நாள் வேலை திட்­டத்தை ஒன்­றிய பா.ஜ.க. அரசு காலி செய்­து­விட்டு வேறு பெய­ரில் புது திட்­டத்­தைக் கொண்டு வந்­தி­ருக்­கி­றார்­கள். நீங்­கள் எல்­லோ­ருமே கேள்­விப்­பட்­டி­ருப்­பீர்­கள். அவர்­க­ளுக்கு மகாத்மா காந்­தி­யை­யும் பிடிக்­காது! மக்­கள் நன்­றாக இருந்­தா­லும் பிடிக்­காது! அத­னால்­தான் இப்­படி செய்­கி­றார்­கள். இதை எதிர்த்து தி.மு.க. சார்­பில், காங்­கி­ரஸ் கட்­சி­யின் சார்­பில், ஏன் பல்­வேறு கட்­சி­க­ளின் சார்­பில், தமிழ்­நாடு முழு­வ­தும் ஆர்ப்­பாட்­டங்­களை நடத்­தி­யி­ருக்­கி­றோம். நாடா­ளு­மன்­றத்­தில் நம்­மு­டைய கூட்­டணி எம்.பி.க்கள் தீவி­ர­மாக எதிர்த்­தார்­கள்.

அண்­ணன் சிதம்­ப­ரம் எழுப்­பிய

நகைச்­சு­வை­யு­டன் கூடிய ஆழ­மான கேள்­வி­கள்!

இப்­போது கொண்டு வந்­தி­ருக்­கின்ற புதிய திட்­டத்­தைப் பற்றி, குடி­ய­ர­சுத் தலை­வர் உரையை முன்­வைத்து, முன்­னாள் நிதி­ய­மைச்­சர் அண்­ணன் சிதம்­ப­ரம் அவர்­கள் சில முக்­கி­ய­மான கேள்­வி­களை எழுப்­பி­யி­ருந்­தார். குடி­ய­ர­சுத் தலை­வர் உரை என்­றால், அது ஆளும் பா.ஜ.க. அர­சின் உரை­தான்! அவர்­களை நோக்­கித்­தான் இந்த கேள்­வி­கள். “ஏற்­க­னவே நடை­மு­றை­யில் இருக்­கின்ற 100 நாள் திட்­டத்­தி­லேயே 50 நாள் கூட ஒன்­றிய பா.ஜ.க. அரசு - ஒழுங்­காக வேலை வழங்­கு­வது இல்லை. ஏனென்­றால், அதற்­கான நிதியை ஒழுங்­காக விடு­விப்­பது இல்லை. இந்த நிலை­யில், 50 நாள் எப்­படி மேஜிக் போன்று 125 நாட்­க­ளாக உய­ரும்? ஒன்­றிய அரசு இந்­தத் திட்­டத்­திற்கு இரண்­டரை மடங்கு கூடு­தல் நிதியை அளிக்க தயா­ராக இருக்­கி­றார்­களா? 125 நாள் அப்­படி என்று ஒன்­றிய பா.ஜ.க அரசு சொல்­வ­தற்கு எந்த கேரண்­டி­யும் கொடுக்­க­வில்லை! அது வெறும் மாயை­தான். சொல்­வ­து­தான் சொல்­கி­றீர்­கள். அதை எதற்கு வெறும் 125 நாளோடு நிறுத்­தி­விட்­டீர்­கள்? 125 நாளுக்கு பதி­லாக 365 நாளும் வேலை என்று கூட புரூடா விட­லாமே!” என்று அவ­ருக்கே உரிய நகைச்­சுவை உணர்­வு­டன் ஆழ­மான கேள்­வி­களை எழுப்­பி ­யி­ருக்­கி­றார்.

100 நாள் வேலை திட்­டம் என்று சொல்­லு­கின்ற மகாத்மா காந்தி தேசிய வேலை உறு­தித் திட்­டத்­தில், தமிழ்­நாட்­டில் கடந்த ஆண்டு வரை நாம் கணக்­கிட்­டுப் பார்த்­தால், 65 இலட்­சம் குடும்­பங்­கள் பய­ன­டைந்­தி­ருக்­கி­றார்­கள். ஆண்­டுக்கு 10 ஆயி­ரம் கோடி­யி­லி­ருந்து 12 ஆயி­ரம் கோடி ரூபாய் வரை கிரா­மப்­புற மக்­க­ளுக்கு ஊதி­யம் வழங்­கப்­பட்­டி­ருக்­கி­றது. ஆனால், இப்­போது அவர்­கள் கொண்டு வந்­தி­ருக்­கின்ற புதிய திட்­டத்­தில் இதில் பாதி வரு­வதே சந்­தே­கம்­தான். வேலை நாட்­க­ளை­யும் நாம் முடிவு செய்ய முடி­யாது. மேலே இருந்து அவர்­கள் தான் முடிவு செய்­வார்­க­ளாம். போதாக்­கு­றைக்கு, இனி மாநி­லங்­கள் 40 விழுக்­காடு நிதியை வழங்க வேண்­டும் என்று வேறு புது திட்­டத்­தில் நம் மீது பெரிய தாக்­கு­தலை தொடுத்­தி­ருக்­கி­றார்­கள்.

ஒன்­றிய பா.ஜ.க அரசு தன்­னு­டைய கட­மை­யி­லி­ருந்து நழுவி ஓடு­கி­றது; கிரா­மப்­புற மக்­களை மொத்­த­மாக கைக­ழுவி விடு­கி­றது. இந்த குறை­பா­டு­களை எல்­லாம் சுட்­டிக்­காட்டி, இந்­தத் திட்­டத்தை உட­ன­டி­யாக திரும்ப பெற­வேண்­டும். மறு­ப­டி­யும், பழைய திட்­டத்தை மகாத்மா காந்தி பெய­ரி­லேயே தொட­ர­வேண்­டும் என்று சட்­ட­மன்­றத்­தில் நாம் தீர்­மா­னம் நிறை­வேற்றி அனுப்­பி­யி­ருக்­கி­றோம்.

மக்­க­ளின் குர­லுக்கு ஒன்­றிய பா.ஜ.க அரசு கட்­டா­யம் செவி­சாய்க்க வேண்­டும்! இல்­லை­யென்­றால், மூன்று வேளாண் சட்­டங்­கள், சாதி­வாரி மக்­கள்­தொகை கணக்­கெ­டுப்பு போலவே, இதி­லும், மக்­கள் துணை­யு­டன் உங்­கள் முடிவை வாபஸ் பெற வைப்­போம்!

நம்­மு­டைய அர­சின் திட்­டங்­களை

காப்­பி­ய­டிக்­கும் பத்­துத் தோல்வி பழ­னி­சாமி!

தமிழ்­நாட்­டிற்­காக குரல் கொடுக்க முடி­யாத பத்­துத் தோல்வி பழ­னி­சாமி, நம்­மு­டைய அரசு இப்­போது செய்து கொண்­டி­ருக்­கின்ற திட்­டங்­களை காப்பி அடித்தே புதிய வாக்­கு­று­தி­கள் என்று அள்ளி வீசிக் கொண்­டி­ருக்­கி­றார். அவர் ஆட்­சிக்கு வரப் போவ­தில்லை! அது வேறு விச­யம். அப்­பு­றம் ஏன் நேரத்தை வீண­டித்­துக் கொண்­டி­ருக்­கி­றார் என்று தெரி­ய­வில்லை. ஏற்­க­னவே அ.தி.மு.க. தேர்­தல் அறிக்­கை­யில் சொன்ன எந்த வாக்­கு­று­தி­யை­யும் தன்­னு­டைய ஆட்­சிக் காலத்­தில் அவர் நிறை­வேற்­ற­வில்லை.

2011 அ.தி.மு.க. தேர்­தல் அறிக்­கை­யில் என்ன சொன்­னார்­கள் தெரி­யுமா?

சென்னை முதல் கன்­னி­யா­கு­மரி வரை கட­லோர சாலைத் திட்­டம் என்று சொன்­னார்­கள். செய்­தார்­களா?

தென் தமிழ்­நாட்­டில் ‘ஏரோ பார்க்’ என்று சொன்­னார்­களே… செய்­தார்­களா?

58 வய­துக்கு மேற்­பட்­ட­வர்­க­ளுக்கு இல­வச பஸ் பாஸ் என்று சொன்­னார்­கள். அதைப் பற்றி வாயே திறக்­கா­த­வர்­கள்­தான் இப்­போது அடுத்த செட் பொய் வாக்­கு­று­தி­க­ளு­டன் வந்­தி­ருக்­கி­றார்­கள்.

2016 அ.தி.மு.க. தேர்­தல் அறிக்­கை­யில் சொன்­ன­தை­யா­வது பழ­னி­சாமி அவர்­க­ளுக்கு நினை­வில் இருக்­கி­றதா?

அனைத்து ரேஷன் அட்­டை­தா­ரர்­க­ளுக்­கும் செல்ஃ­போன் வழங்­கப்­ப­டும் என்று சொன்­னீர்­களே. எங்கே அந்த ஃபோன்?

பெரிய பேருந்து நிலை­யங்­கள், வணிக வளா­கங்­கள், பூங்­காக்­கள் போன்ற பொது இடங்­க­ளில் இல­வச ‘வை-ஃபை’ என்று சொன்­னார்­கள். பிறகு, அதைப் பற்றி பேச்சு மூச்சே இல்லை.

அனைத்து ஊராட்சி ஒன்­றி­யங்­க­ளி­லும் ‘அம்மா இரு சக்­கர வாகன பழுது பார்க்­கும் பயிற்சி மையம் உரு­வாக்­கப்­ப­டும்’ என்று சொன்­னார்­கள். சொன்ன அவர்­க­ளுக்கே அது இப்­போது மறந்­து­போய்­விட்­டது.

இது­தான் தி.மு.க.!

அ.தி.­மு.க. ஆட்­சியோ, பழ­னி­சாமி அவர்­களோ எப்­போ­துமே சொன்­னதை செய்ய மாட்­டார்­கள் என்று மக்­க­ளுக்கு நன்­றாக தெரி­யும். ஆனால், தி.மு.க. சொன்­ன­தைச் செய்­யும், செய்­வ­தைத் தான் சொல்­லும் என்று மக்­க­ளுக்­குத் தெரி­யும்.

•  மக­ளி­ருக்கு ஆயி­ரம் ரூபாய் உரி­மைத் தொகை வழங்­கு­வோம் என்று சொன்­னோம். சொன்­ன­ப­டியே ஒரு கோடியே 16 இலட்­சம் நபர்­க­ளுக்கு முதல் கட்­ட­மாக வழங்­கி­னோம். இப்­போது மேலும் 17 இலட்­சம் நபர்­களை கூடு­த­லா­க­வும் சேர்த்­தி­ருக்­கி­றோம். இது­தான் திமுக.

 • கட்­ட­ண­மில்லா பேருந்து பய­ணம் கொடுத்­தால், போக்­கு­வ­ரத்து துறையை நடத்­தவே முடி­யாது என்று சொன்­னார்­கள். ஆனால், ஆட்­சிக்கு வந்­த­தும் நான் போட்ட முதல் கையெ­ழுத்தே விடி­யல் பய­ணம் திட்­டத்­திற்­கு­தான். இத­னால், மாதந்­தோ­றும் ஆயி­ரம் ரூபாய் பெண்­க­ளுக்கு மிச்­ச­மா­கி­றது. அதே நேரத்­தில், போக்­கு­வ­ரத்து துறை­யை­யும் புதிய பேருந்­து­கள், நவீன வச­தி­க­ளு­டன் மேம்­ப­டுத்­தி­யி­ருக்­கி­றோம். இந்த ஐந்­தாண்டு காலத்­தில், 7250 பேருந்­து­கள் புதி­தாக வாங்கி இன்­றைக்கு ஓடிக் கொண்­டி­ருக்­கி­றது.

• அரசு ஊழி­யர்­க­ளின் 22 ஆண்­டு­கால கோரிக்­கை­யான உறு­தி­ய­ளிக்­கப்­பட்ட ஓய்­வூ­தி­யத் திட்­டத்தை செயல்­ப­டுத்­திக் காட்­டி­யி­ருக்­கி­றோம். யாரா­லும் செய்­யவே முடி­யாது என்று சொன்­னார்­கள். அதை­யும், 5 ஆண்­டு­க­ளுக்­குள்ளே செய்து, மன­மி­ருந்­தால் மார்க்­க­முண்டு என்று நிரூ­பித்­தி­ருக்­கி­றது நம்­மு­டைய திரா­விட மாடல் ஆட்சி! நாம் ஆட்­சிக்கு வந்­த­போது, அரசு ஊழி­யர்­க­ளுக்கு 17 விழுக்­கா­டாக இருந்த அக­வி­லைப்­ப­டியை இப்­போது 58 விழுக்­காடு என்­கின்ற அள­விற்கு உயர்த்தி வழங்­கி­யி­ருக்­கி­றோம். இது­தான் திரா­விட மாடல் ஆட்சி.

நாம் சொல்­லி­விட்டு செய்த திட்­டங்­க­ளுக்கு இணை­யாக, சொல்­லா­மயே பல முத்­தி­ரைத் திட்­டங்­களை நிறை­வேற்­றி­யி­ருக்­கி­றோம்! அது­தான் பெரிய சாதனை!

இன்­னும் பல கன­வுத் திட்­டங்­கள் இருக்­கி­றது. அவற்றை நிறை­வேற்­றும் வாய்ப்பை திரா­விட மாடல் 2.0-ல் தமிழ்­நாட்டு மக்­க­ளான நீங்­கள் எனக்கு வழங்­கு­வீர்­கள் என்று எனக்கு முழு நம்­பிக்கை இருக்­கி­றது. அந்தநம்­பிக்­கையை தான் ஒவ்­வொரு மாவட்­டத்­திற்­கும் செல்­லும்­போது உங்­கள் முகங்­களை நான் பார்க்­கி­றேன்!

மக்­கள் மகிழ்ச்­சியே என் மகிழ்ச்சி! தமிழ்­நாட்­டின் வளர்ச்­சியே என் மகிழ்ச்சி! வெல்­வோம் ஒன்­றாக!

இவ்­வாறு முதல்­வர் மு.க.ஸ்டாலின் அவர்­கள் உரை­யாற்­றி­னார்.