முதலமைச்சர், கழகத் தலைவர் மு.க.ஸ்டாலின் அவர்களின் 73வது பிறந்தநாளை முன்னிட்டு, கரூர் மாவட்ட கழகத்தின் சார்பில், மாவட்ட அளவிலான பள்ளி, கல்லூரி மாணவ மாணவியருக்கான தடகள விளையாட்டு போட்டிகள் திருவள்ளுவர் மைதானத்தில் நடைபெற்று வருகின்றன. தடகளப் போட்டிகளை கரூர் மாவட்ட கழக செயலாளர் வி.செந்தில்பாலாஜி எம்.எல்.ஏ பார்வையிட்டார். கபடி போட்டிகளில், 776 மாணவர்களுடன் 97 அணிகள், கோ-கோ போட்டிகளில், 250 மாணவர்களுடன் 25 அணிகள், கைப்பந்து போட்டிகளில், 385 மாணவர்களுடன் 55 அணிகள், எறிபந்து போட்டிகளில், 350 மாணவர்களுடன் 35 அணிகள், கூடைப்பந்து போட்டிகளில், 144 மாணவர்களுடன் 24 அணிகள் என மொத்தமாக 236 அணிகளுடன், 1905 பள்ளி மற்றும் கல்லூரி மாணவர்கள் பங்கேற்க மிக பிரமாண்டமாக நடைபெற்றது. அனைத்து மாணவச் செல்வங்களுக்கும், ஆசிரியப் பெருமக்களுக்கும், மதிய உணவும், குடிநீரும் வழங்கப்பட்டது.