திருப்பூர், பிப். 2 –
காங்கேயம் சட்டமன்ற தொகுதிக்குட்பட்ட முத்தூர், காங்கேயம், படியூர், நத்தக்காடையூர் உள்ளிட்ட அரசு பள்ளிகளில் 11-ம் வகுப்பு பயிலும் 571 மாணவ, மாணவியர்களுக்கு ரூ. 27.47 இலட்சம் மதிப்பீட்டிலான விலையில்லா மிதிவண்டி களை தமிழ்வளர்ச்சி மற்றும் செய்தித்துறை அமைச்சர், கழக துணைப் பொதுச் செயலாளர் மு.பெ.சாமிநாதன் வழங்கினார்.
திருப்பூர் மாவட்டம், காங்கேயம் சட்டமன்ற தொகுதிக்குட்பட்ட முத்தூர் அரசு மேல்நிலைப் பள்ளியில் பயிலும் மாணவ, மாணவியர்களுக்கும், காங்கேயம் அரசு மேல்நிலைப்பள்ளியில் 74 மாணவர்கள், 71 மாணவியர்கள் என 145 நபர்களுக்கும், படியூர் அரசு மேல்நிலைப்பள்ளியில் 88 மாணவர்கள், 88 மாணவியர்கள் என 176 நபர்களுக்கும், நத்தக்காடையூர் அரசு மேல்நிலைப்பள்ளியில் 52 மாணவர்கள், 41 மாணவியர்கள் என 93 நபர்களுக்கும், கார்மெல் பெண்கள் அரசு மேல்நிலைப்பள்ளியில் 157 மாணவியர்கள் என, மொத்தம் 571 மாணவ, மாணவியர்களுக்கு ரூ.27,47,920/- மதிப்பீட்டிலான விலையில்லா மிதிவண்டிகளை யும், பசுமைப்பள்ளி திட்டத்தின் கீழ் நடைபெற்ற பல்வேறு விழிப் புணர்வு போட்டிகளில் வெற்றி பெற்ற மாணவ, மாணவியர்களுக்கு பரிசு மற்றும் பாராட்டுச் சான்றிதழ்களை வழங்கி, முன்னதாக சின்ன முத்தூர் பகுதியில் தமிழ்நாடு நுகர்பொருள் வாணிப கழகம் சார்பில் அரசு நேரடி நெல் கொள்முதல் நிலையத்தில் நெல் கொள்முதல் செய்யும் பணிகளை துவக்கி வைத்து, ரூ.50.00 இலட்சம் மதிப்பீட்டில் துணை வேளாண் விரவாக்க மையத்தினை திறந்து வைத்து, காங்கேயம் அரசு மேல்நிலைப்பள்ளியில் சுற்றுச்சூழல் மற்றும் காலநிலை மாற்றத்துறையின் சார்பில் காலநிலை மாற்றம் சார்ந்து இளைய தலைமுறை மாணவர்களுக்கு விழிப்புணர்வு ஏற்படுத்தும் விதமாக பசுமைப்பள்ளி திட்டத்தை தமிழ்வளர்ச்சி மற்றும் செய்தித்துறை அமைச்சர், கழக துணைப் பொதுச் செயலாளர் மு.பெ.சாமிநாதன் துவக்கி வைத்தார்.
இந்நிகழ்ச்சியில் மாவட்ட துணை செயலாளர் ராசி கே.ஆர்.முத்துக்குமார், காங்கேயம் நகர கழக செயலாளர் வசந்தம் நா.சேமலையப்பன், நகர்மன்ற தலைவர், நகர இளைஞர் அணி அமைப்பாளர் சூரிய பிரகாஷ்,
வெள்ளகோவில் நகர கழக செயலாளர் சபரி எஸ்.முருகானந்தன், ஒன்றிய கழக செயலாளர்கள் கே.கே.சிவானந்தன், எஸ்.சந்திரசேகரன், சி.கருணை பிரகாஷ், பொதுக்குழு உறுப்பினர் கார்த்திகேயன், முத்தூர் பேரூராட்சி தலைவர் சுந்தராம்பாள், துணை தலைவர் மு.க.அப்பு, மண்டல மேலாளர் (தமிழ்நாடு நுகர்பொருள் வாணிப கழகம்) சிவக்குமாரி, மாவட்ட கல்வி அலுவலர் அருள்ஜோதி, துணை மேலாளர் (தமிழ்நாடு நுகர்பொருள் வாணிப கழகம்) ஜோக்லின் பாபு, உதவி இயக்குநர்கள் (தோட்டக் கலைத்துறை) சதீஷ்குமார், கவிப்பிரியா, காங்கேயம் அரசு மேல்நிலைப்பள்ளி தலைமை ஆசிரியர் க.சிவக்குமார், உதவி தலைமை ஆசிரியர் பொ.முருகேசன், மாவட்ட சுற்றுச்சூழல் ஒருங்கிணைப்பாளர் கணேசன், காங்கேயம் வட்டாட்சியர் தங்கவேல் உள்பட மாவட்ட, ஒன்றிய, நகர கழக நிர்வாகிகள்,
உள்ளாட்சி அமைப்புகளின் பிரதிநிதிகள், கழக துணை அமைப்புகளின் அமைப்பாளர்கள், துணை அமைப்பாளர்கள், பள்ளி ஆசிரியர் மற்றும் பள்ளி மாணவ, மாணவியர்கள் பலர் கலந்து கொண்டனர்.