நாகை,பிப்.2–
நாகை மாவட்ட ஆட்சியரகத்தில் 2102 பயனாளிகளுக்கு ரூ.85.26 இலட்சம் மதிப்பீட்டில் இலவச வீட்டுமனைப் பட்டாக்களை பள்ளி கல்வித்துறை அமைச்சர் அன்பில் மகேஷ் பொய்யாமொழி வழங்கினார்.
நாகை மாவட்டம் திருமுருகல் ஒன்றியம் நரிமணம் ஊராட்சியில் சுள்ளங்கால் கிராமத்தில் நாகை சட்டமன்ற உறுப்பினர் தொகுதி மேம்பாட்டுத் திட்டம் மற்றும் மகாத்மா காந்தி தேசிய ஊரக வேலை உறுதித்திட்டத்தின் கீழ் ரூ.15.35 இலட்சம் மதிப்பீட்டில் புதிய அங்கன்வாடி கட்டிடம், நாகப்பட்டினம் சிக்கல் ஊராட்சியில் மகாத்மா காந்தி தேசிய ஊரக உறுதித்திட்டத்தின் கீழ் ரூ.15 இலட்சம் மதிப்பீட்டில் நியாயவிலைக்கடை கட்டிடம், சிக்கல் ஊராட்சி ஒன்றிய தொடக்கப் பள்ளியில் குழந்தைநேய பள்ளி உட்கட்டமைப்பு மேம்பாட்டுத்திட்டத்தின் கீழ் ரூ.34.50 இலட்சம் மதிப்பீட்டில் புதிதாக கட்டப்பட்டுள்ள இரண்டு வகுப்பறை கட்டிடம் திறப்பு விழா மற்றும் நாகை நகராட்சிக்குட்பட்ட தாமரைக்குளத்தில் பொழுது போக்கிற்கான படகு சவாரி தொடக்க விழா, கல்வி தன்முனைப்புத் திட்டத்தில் இசை, நடனம், நாடகம் மற்றும் இசை கருவிகள் பயிற்சி மைய திறப்பு விழா, நாகை, வெளிப்பாளையம் அரசு மருத்துவமனை வளாகத்தில் ஆதரவற்ற மனநலம் பாதிக்கப்பட்டோருக்கான அவசர சிகிச்சை மற்றும் மீள் மையம் திறப்பு விழா ஆகிய நிகழ்ச்சிகள் நடைபெற்றன.
நிகழ்ச்சிகளுக்கு நாகை மாவட்ட ஆட்சித் தலைவர் ப.ஆகாஷ் தலைமை தாங்கினார்.நாகை மாவட்டக் கழக செயலாளரும், தமிழ்நாடு மீன் வளர்ச்சிக் கழக தலைவருமான என். கௌதமன், நாகை சட்டமன்ற உறுப்பினர் ஜெ.முகம்மது ஷா நவாஸ் ஆகியோர் முன்னிலை வைத்தனர்.
நிகழ்ச்சியில் பள்ளி கல்வித்துறை அமைச்சர் அன்பில்மகேஷ்பொய்யாமொழி கலந்துகொண்டு நரிமணம் ஊராட்சியில் சுள்ளங்கால் கிராமத்தில் ரூ.15.35 இலட்சம் மதிப்பீட்டில் புதிய அங்கன்வாடி கட்டிடம், நாகை ஒன்றியம் சிக்கலில் கீழ் ரூ.15 இலட்சம் மதிப்பீட்டில் நியாய விலைக்கடை கட்டிடம், சிக்கல் ஊராட்சி ஒன்றிய தொடக்கப் பள்ளியில் ரூ.34.50 இலட்சம் மதிப்பீட்டில் புதிதாக கட்டப்பட்டுள்ள இரண்டு வகுப்பறை கட்டிடம் ஆகியவற்றை திறந்து வைத்தார்.
அதை தொடர்ந்து நாகை தாமரைக்குளத்தில் பொழுது போக்கிற்கான படகு சவாரியினை தொடங்கி வைத்து, நாகையில் கல்வி தன்முனைப்புத் திட்டத்தில் இசை, நடனம், நாடகம் மற்றும் இசை கருவிகள் பயிற்சி மையத்தை திறந்து வைத்தார். பின்னர் நாகை, வெளிப்பாளையம் அரசு மருத்துவமனை வளாகத்தில் ஆதரவற்ற மனநலம் பாதிக்கப்பட்டோருக்கான அவசர சிகிச்சை மற்றும் மீள் மையம் திறந்து வைத்தார்.
நாகை மாவட்ட ஆட்சியர் அலுவலகத்தில் நடைபெற்ற விழாவில் மாற்றுத்திறனாளிகள் நலத்துறை சார்பில் 37 மாற்றுத்திறனாளிகளுக்கு ரூ.37 இலட்சத்து 66 ஆயிரம் மதிப்பிலான இணைப்புச்சக்கரம் பொருத்தப்பட்ட பெட்ரோல் ஸ்கூட்டர்களையும், 8 மாற்றுத்திறனாளிகளுக்கு ரூ.1 இலட்சத்து 15ஆயிரம் 920 மதிப்பிலான இலவச திறன்பேசியினையும், 3 மாற்றுத்திறனாளி களுக்கு ரூ.3 இலட்சத்து 43 ஆயிரம் 200 மதிப்பிலான பேட்டரியால் இயங்கும் சக்கர நாற்காலியினையும், 3 மாற்றுத்திறனாளிகளுக்கு ரூ.19 ஆயிரம் மதிப்பிலான மோட்டார் பொருத்தப்பட்ட இலவச தையல் இயந்திரங்கள் என மொத்தம் 51 மாற்றுத்திறனாளிகளுக்கு ரூ.42 இலட்சத்து 44 ஆயிரம் 797 மதிப்பிலான நலத்திட்டங்களையும், அங்கு நடைபெற்ற விழாவில் 2102 பயனாளிகளுக்கு ரூ.85.26 இலட்சம் மதிப்பீட்டில் இலவச வீட்டுமனைப் பட்டாக்களை பள்ளிக்கல்வித்துறை அமைச்சர் அன்பில் மகேஷ் பொய்யாமொழி வழங்கி சிறப்புரை யாற்றினார்.
இந்நிகழ்ச்சியில் முன்னாள் அமைச்சர் உ. மதிவாணன், கீழ்வேளூர் சட்டமன்ற உறுப்பினர் நாகை மாலி, மாவட்ட வருவாய் அலுவலர் .வ.பவணந்தி, மாவட்ட ஊரக வளர்ச்சி முகமை திட்ட இயக்குநர் கே.ஸ்ருதி, கழகத் தீர்மானக் குழு உறுப்பினர் என்.வி.காமராஜ், தலைமைச் செயற்குழு உறுப்பினர்கள் க.ராஜேந்திரன், ப.கோவிந்தராஜன், க.மறைமலை, மாவட்ட கழக பொருளாளர் மு.லோகநாதன், துணை செயலாளர் ரவிச்சந்திரன் கழக மீனவர் அணி துணை செயலாளர் ஜி. மனோகரன், ஒன்றிய கழக செயலாளர்கள் ஆர்.டி.எஸ். சரவணன், செல்வ.செங்குட்டுவன், மகா குமார், சிக்கல் என். ஆனந்த், என்.சதாசிவம், உதயம் வே.முருகையன், நகர கழக செயலாளர்கள் இரா.மாரிமுத்து, எம். ஆர்.செந்தில்குமார், பொதுக்குழு உறுப்பினர் எல்.எஸ் ஈ. பழனியப்பன், திட்டச்சேரி பேரூர் செயலாளர் முகமது சுல்தான், சார்பு அணிகளின் அமைப்பாளர்கள் பி.என்.கார்த்தி, இளம்.சுந்தர், எஸ்.பால்ராஜ், ஆர்.ஆர். குலோத்துங்கன் ஆர்.ஏ.டி. அண்ணாதுரை, மாவட்ட சார்பு அணிகளின் துணை அமைப்பாளர்கள் ஷாஜகான், சார்பு அணிகளின் நிர்வாகிகள், ஒன்றிய, நகர நிர்வாகிகள், நகர் மன்ற உறுப்பினர்கள் கழகத்தினர் பலர் கலந்து கொண்டனர்.
கிருஷ்ணகிரி அரசு மருத்துவக்கல்லூரி கலையரங்கத்தில், தனியார் கல்லூரிகளில் இறுதியாண்டு பயிலும் 1,806 மாணவ மாணவிகள் , பர்கூர் அரசு பொறியியல் கல்லூரி கலையரங்கத்தில், பர்கூர் அரசு பொறியியல் கல்லூரி மற்றும் பையூர் அரசு தோட்டக்கலை மற்றும் ஆராய்ச்சி நிலையத்தில் இறுதியாண்டு பயிலும் 295 மாணவ மாணவியருக்கு “உலகம் உங்கள் கையில்” என்னும் திட்டத்தின் கீழ், மடிக்கணினிகளை பர்கூர் சட்டமன்ற உறுப்பினர் தே.மதியழகன் ,மாவட்ட ஆட்சித்தலைவர் தினேஷ் குமார் ஆகியோர் வழங்கினார்கள் இந்நிகழ்ச்சியில் மாவட்ட ஊரக வளர்ச்சி முகமை திட்ட இயக்குநர் கவிதா, கிருஷ்ணகிரி அரசு மருத்துவக் கல்லூரி முதல்வர் சத்யபாமா ,பேரூராட்சி தலைவர் சந்தோஷ் குமார் உள்ளிட்ட பலர் உள்ளனர்.