சென்னை, பிப்.2–

ஒன்­றிய அர­சின் நிதி­நிலை அறிக்­கை­யில் கோவை, மதுரை மெட்ரோ ரயில் திட்­டங்­கள், மதுரை எய்ம்ஸ் மருத்­து­வமனை, கல்வி நிதி உள்­ளிட்ட எந்­தத் திட்­டங்­க­ளை­யும் அறி­விக்காமல் தமிழ்­நாட்டை மோடி அரசு தொடர்ந்து வஞ்­சித்து வரு­கி­றது. மேலும் முதல்­வர் மு.க. ஸ்டாலின் அவர்­கள் வைத்த கோரிக்கை கள் எது­வும் பரி­சீ­லிக்­கப்­ப­டவே இல்லை.

இது­கு­றித்த விவ­ரம் வரு­மாறு:–

மக்­க­ள­வை­யில், ஒன்­றிய நிதி­ய­மைச்­சர் நிர்­மலாசீதா­ரா­மன் நேற்று நிதி­நிலை அறிக்கைதாக்­கல் செய்த நிலை­யில், மதுரை, கோவை மெட்ரோ ரயில் உள்­பட தமிழ்­நாட்­டுக்கு எதிர்ப்­பார்க்­கப்­பட்ட திட்­டங்­கள் அறி­விக்­கப்­ப­டா­தது ஏமாற்­றத்தை ஏற்­ப­டுத்­தி­யுள்­ளது.

ஒன்­றிய நிதி நிலை அறிக்­கை­யில், நிறுத்தி வைக்­கப்­பட்ட தமிழ்­நாட்­டுக்­கான கல்வி நிதிரூ.3 ஆயி­ரத்து 548 கோடி விடு­விப்பு, மதுரை, கோவை மெட்ரோ ரயில் திட்­டங்­க­ளுக்கு அனு­மதி, ஒன்­றிய அர­சின் வரி வரு­வா­யில் மாநி­லங்­க­ளுக்கு ரூ.50 சத­வீத நிதிப் பகிர்வு, ஜல் ஜீவன் திட்­டத்­துக்­கான நிதி ரூ.3 ஆயி­ரத்து 112கோடி விடு­விப்பு உள்­ளிட்ட அறி­விப்­பு­கள் இடம்­பெ­றும் என எதிர்­பார்க்­கப்­பட்­டது. ஆனால், நிறுத்தி வைக்­கப்­பட்ட தமிழ்­நாட்­டுக்­கான கல்வி நிதி குறித்த அறி­விப்பு பட்­ஜெட்­டில் இடம்­பெ­ற­வில்லை.

இதே­போல,தமிழ்­நாட்­டுக்கு எந்த புதிய ரயில்வே திட்­ட­மும் அறி­விக்­கப்­ப­ட­வில்லை. கோவை, மதுரை நக­ரங் களில் மெட்ரோ ரயில் திட்­டத்­திற்­கான அறி­விப்­பும்இடம்­பெ­ற­வில்லை. மேலும், சென்னை மெட்ரோ 2-ம் கட்டதிட்­டத்­திற்கு நிதி அறி­விக்­கப்­ப­ட­வில்லை.தேர்­தலை மன­தில் வைத்­தா­வது தமிழ்­நாட்­டுக்குதிட்­டங்­கள் அறி­விக்­கப்­ப­டுமா என முத­ல­மைச்­சர் மு.க. ஸ்டாலின் கேள்வி எழுப்­பி­யி­ருந்த நிலை­யில், தமிழ்­நாட்­டுக்கு புதிய அறி­விப்­பு­கள் இல்­லா­தது பெரும் ஏமாற்­றத்தை ஏற்­ப­டுத்­தி­யுள்­ளது.

இந்நிலையில் ஒன்­றிய அர­சின் நிதி­நிலை அறிக்கை தாக்­கல் செய்­யப்­ப­ட­வுள்­ள­தை­யொட்டி, முத­ல­மைச்­சர் மு.க.ஸ்டாலின்அவர்­கள் வெளி­யிட்­டுள்ள சமூக வலை­த­ளப் பதிவு வருமாறு:–

Union Budget2026: வழக்­க­மா­கச் சொல்­லும் திருக்­கு­ற­ளோடு சேர்த்து, தேர்­தலை மன­தில்வைத்­தே­னும் தமிழ்­நாட்­டுக்­கானபின்­வ­ரும் அறி­விப்­பு­கள் இடம்­பெ­றுமா?

• விடு­விக்­கப்­ப­டா­மல் நிறுத்தி வைக்­கப்­பட்­டுள்ள மாண­வர்­க­ளின் படிப்­புக்­கான 3,548 கோடி ரூபாய் கல்வி நிதி

• கோவை, மதுரை மெட்ரோ இர­யில்,

• தமிழ்­நாடு சிறப்­பா­கச் செயல்­ப­டுத்தி வரும்ஜல் ஜீவன் திட்­டத்­துக்­கான 3,112 கோடி ரூபாய் நிதி,

• புதிய இர­யில்வே திட்­டங்­கள்,

• நிதி ஆணை­யம் பரிந்­து­ரைத்­த­படி ஒன்­றிய அர­சின் வரி வரு­வா­யில் மாநி­லங்­க­ளுக்கு 50% நிதிப் பகிர்வு.

இன்­னும் பட்­டி­யல் இருக்­கி­றது. தேர்­தலை மன­தில்வைத்­தா­வது இம்­முறை தமிழ்­நாட்­டுக்­கான அறி­விப்­பு­க­ளைத் தவ­றா­மல் வெளி­யி­டு­வீர்­கள் என எதிர்­பார்க்­கி­றோம். அவை மதுரை எய்ம்ஸ் போல அறி­விப்­போடு நின்­று­போ­கா­மல், முறை­யான நிதி ஒதுக்­கீட்­டு­டன் குறித்த காலத்­தில் நிறை­வேற்­றப்­பட வேண்­டும் என்­றும் கோரு­கி­றோம்.

இவ்­வாறு முதல்­வர் மு.க.ஸ்டாலின் அவர்­கள் தமது சமூக வலை­த­ளத்­தில் பதி­விட்­டுள்­ளார்.