கன்னியாகுமரி, பிப். 2 – -
கன்னியாகுமரி கிழக்கு மாவட்டச் செயலாளர் மேயர் ரெ.மகேஷ் விடுத்துள்ள அறிக்கை வருமாறு:
காஞ்சி தந்த காவியத் தலைவர், தமிழ் மொழி உயர்வுக்காகவும், தமிழர்களின் மேம்பாட்டுக்காகவும், தமிழ்நாட்டின் சிறப்புக்காகவும், வாழ்நாளெல் லாம் ஓயாது பாடுபட்ட உத்தமர் கடமை, கண்ணியம், கட்டுப்பாடு எனும் தாரக மந்திரத்தை அரசியல் உலகத்திற்கு அறிமுகம் செய்து வைத்த ஆற்றலாளர், தென்னகத்தின் மிகப்பெரும் அரசியல் தலைவர், பேரறிஞர் அண்ணா அவர்களின் 57 வது நினைவு நாளை முன்னிட்டு கன்னியாகுமரி கிழக்கு மாவட்ட தி.மு.க. சார்பில் அமைதிப் பேரணி நாளை (03.02.2026 - செவ்வாய்க்கிழமை) காலை 9.00 மணிக்கு எனது தலைமையில் நாகர்கோவில், ஒழுகினசேரியில் அமைந்துள்ள மாவட்ட தலைமைக் கழக அலுவலகத்திலிருந்து ஊர்வலமாக புறப்பட்டு சென்று வடசேரியில் அமைந்துள்ள பேரறிஞர் அண்ணா அவர்களின் திருவுருவச் சிலைக்கு மாலை அணிவித்து மரியாதை செலுத்தப்படவுள்ளது.
ஆகவே கன்னியாகுமரி கிழக்கு மாவட்டத்திற்குட்பட்ட மாநில, மாவட்ட கழக நிர்வாகிகள், மாநகர, ஒன்றிய, நகர, பகுதி கழக செயலாளர்கள், நிர்வாகி கள், தலைமை செயற்குழு, பொதுக்குழு உறுப்பினர்கள், பேரூர், வட்ட, கிளை கழக செயலாளர்கள், நிர்வாகிகள், உள்ளாட்சி அமைப்புகளின் பிரதிநிதி கள், கழக அனைத்து சார்பு அணிகளின் அமைப்பாளர்கள், நிர்வாகிகள், கழக செயல்வீரர்கள், கழக முன்னோடிகள் மற்றும் கழக உறுப்பினர்கள், பொதுமக்கள் உள்ளிட்ட அனைவரும் பெருந்திரளாக பங்கேற்று சிறப்பிக்க வேண்டுமென அன்புடன் கேட்டுக்கொள்கிறேன்.
இவ்வாறு அவர் அறிக்கையில் தெரிவித்து உள்ளார்.
விருதுநகரில் பிப் 7 ல் தென் மண்டல தி.மு.க.இளைஞரணி நிர்வாகிகள் கூட்டத்தில் பங்கேற்பது தொடர்பாக பேட்டை மேற்கு பகுதி இளைஞரணி நிர்வாகிகள் கூட்டம் பேட்டை துர்கா மஹாலில் நெல்லை மத்திய மாவட்ட பொறுப்பாளர் மு.அப்துல்வஹாப் எம்.எல்.ஏ.தலைமையில் நடைபெற்ற நிகழ்வில் பங்கேற்று ஆலோசனைகளை வழங்கி பேசினார்.இந்நிகழ்வில் இளைஞர் அணி நெல்லை தொகுதி பார்வையாளர் ஆர்.கே.நகர் தொகுதி சட்டமன்ற உறுப்பினர் எபினேசர், நெல்லை மேற்கு மாநகர பொறுப்பாளர் சு.சுப்பிரமணியன், மேற்கு பகுதி பொறுப்பாளர் வழக்கறிஞர் சங்கர்,மாவட்ட இளைஞர் அணி அமைப்பாளர் வில்சன் மணித்துரை,பகுதி இளைஞரணி அமைப்பாளர் சாதிக் பாஷா மற்றும் பகுதி இளைஞரணி முகவர்கள் கலந்து கொண்டனர்.