நாமக்கல் மேற்கு மாவட்ட தி.மு.க. மற்றும் திருச்செங்கோடு கிழக்கு, மேற்கு நகர தி.மு.க. சார்பில், திராவிட மாடல் அரசின் 5 ஆண்டுகால சாதனைகளை பொதுமக்களிடம் எடுத்துரைக்கும் வகையில் மாபெரும் சாதனை விளக்கப் பொதுக்கூட்டத்தில் கழக அமைப்புச் செயலாளர் ஆர்.எஸ்.பாரதி சிறப்புரையாற்றினார். இக்கூட்டத்தில் ஆதிதிராவிடர் மற்றும் பழங்குடியினர் நலத்துறை அமைச்சர் மருத்துவர் மா.மதிவேந்தன், நாமக்கல் மேற்கு மாவட்ட கழகப் பொறுப்பாளரும் முன்னாள் சட்டமன்ற உறுப்பினருமான கே.எஸ்.மூர்த்தி, திருச்செங்கோடு மேற்கு நகர கழகப் பொறுப்பாளர் ஆர்.நடேசன்,, கிழக்கு நகர கழகப் பொறுப்பாளர் தா.கார்த்திகேயன் மற்றும் மாநில, மாவட்ட, நிர்வாகிகள், சட்டமன்றத் தொகுதி பொறுப்பாளர்கள், ஒன்றிய நகர பேரூர் கழக செயலாளர்கள், கழக நிர்வாகிகள் கழகத் தொண்டர்கள் உள்ளிட்ட பலர் கலந்து கொண்டனர்.