சேலம்,பிப்.–
சேலம் கிழக்கு மாவட்டச் செயலாளர் எஸ்.ஆர்.சிவலிங்கம் விடுத்துள்ள அறிக்கை வருமாறு:–
அறிவுலக மாமேதை திராவிட இயக்க ஆசான் தி.மு.கழக நிறுவனர் பேரறிஞர் அண்ணா அவர்களின் 57–வது நினைவு நாள் பிப்ரவரி 3–ம் தேதி அனுசரிக்கப்படு கிறது. சமூக நீதி, மாநில உரிமை, மொழி உரிமை தொடர்பான சிந்தனையாளர், அந்த சிந்தனையை வெற்றிகரமாக அரசியல் படுத்தியவர். அப்படி அரசியல் படுத்துவதற்காக மேடை பத்திரிகை, நாடகம், சினிமா, நூல்கள் என்று எல்லா ஊடகங்களையும், கையில் எடுத்து அதற்குப் புதிய தோற்றமும், உள்ளடக்கமும் தந்தவர். கடமை – கண்ணியம் கட்டுப்பாடு எனும் தாரகமந்திரத்தை அரசியல் உலகத்திற்கு அறிமுகம் செய்து வைத்த ஆற்றலாளர் ‘இப்படை தோற்கின் எப்படை வெல்லும்’ என்ற தம்பிமார் பெரும்படையைக் கண்டு நெஞ்சுயர்த்தி பெருமிதம் கொண்ட பெருமகன் பேரறிஞர் அண்ணா அவர்கள் வழி நின்று அண்ணாவின் கொள்கைக் கோட்பாடுகளை துளியும் பிசகின்றி காத்து அவர் உருவாக்கிய திராவிட முன்னேற்றக் கழகப் பேரியக்கத்தை கோடிக்ககணக்கான தொண்டர்களையும் அனுதாபி களையும் கொண்டு தலைவர் கலைஞர் அவர்கள் வழிநடத்தி வந்தார்கள். முத்தமிழ் அறிஞர் தலைவர் கலைஞர் அவர்கள் வழிநின்று செயல்படும் கழகத் தலைவரும் தமிழ் நாடு முதலமைச்சர் தளபதியார் அவர்களின் அறிவுரைப்படி பேரறிஞர் அண்ணா அவர்களின் 56 வது நினைவு நாளை ஒவ்வொரு கழக தொண்டனும் அனுசரித்திட வேண்டும்.
சேலம் கிழக்கு மாவட்டத்தில் 03–02–2026 திங்கள்கிழமை அன்று எஸ்.ஆர்.சிவலிங்கம் ஆகிய எனது தலைமையில் வாழப்பாடியில் உள்ள மாவட்டக் கழக அலுவலகம் தளபதி மு.க.ஸ்டாலின் அறிவாலயத்தில் காலை 9 மணிக்கு அண்ணாவின் திருவுருவப் படத்திற்கு மாலை அணிவித்து மரியாதை செலுத்தப்படுகிறது.
இதில் மாவட்ட கழக நிர்வாகிகள், மாநில நிர்வாகிகள், முன்னாள், இந்நாள் நாடாளுமன்ற, சட்டமன்ற உறுப்பினர்கள், பொதுக்குழு, செயற்குழு உறுப்பினர்கள், ஒன்றிய, நகர, பேரூர் கழக செயலாளர்கள், முன்னாள் ஒன்றிய குழு மற்றும் ஊராட்சி மன்ற தலைவர்கள், நகர மன்ற தலைவர்கள், கவுன்சிலர்கள், உள்ளாட்சி பிரதிநிதிகள், கிளைக் கழக செயலாளர்கள், வார்டு செயலாளர்கள், அனைத்து சார்பு அணிகளின் அமைப்பாளர்கள், துணை அமைப்பாளர்கள், கழக நிர்வாகி கள், கழக முன்னோடிகள் மற்றும் பொதுமக்கள் என அனைவரும் பெரும் திரளாக பங்கு பெற வேண்டுமென கேட்டுக்கொள்கிறேன்.
இவ்வாறு அவர் அறிக்கையில் தெரி வித்துள்ளார்.