சென்னை, பிப். 2–

‘‘விடுதலைப் போராட்டத்தில் முழு மூச்சாக ஈடுபட்ட ஐயா ஓமந்தூர் ராமசாமி அவர்கள் தலைசிறந்த காந்தியவாதி’’ என்று அவரது பிறந்த நாளையொட்டி முதல்வர் மு.க. ஸ்டாலின் அவர்கள் விடுத்துள்ள செய்தியில் புகழாரம் சூட்டி யுள்ளார்.

விடுதலைப் போராட்ட வீரரும் முன்னாள் முதலமைச்சருமான ஓமந்தூராருக்குத் திருவுருவச் சிலை அமைக்கப்படும் என அறிவித்து தமிழ்நாடு முதலமைச்சர் மு.க.ஸ்டாலின் அவர்கள் சமூக வலை தளங்களில் வெளியிட்டுள்ள பதிவு வருமாறு:–

எளிமையின் உருவம் – விடுதலைப் போராட்ட வீரர் – முன்னாள் முதலமைச்சர்ஓமந்தூராருக்குத் திருவுருவச் சிலை

உப்புச் சத்தியாகிரகம், சட்டமறுப்பு இயக்கம், தனிநபர் சத்தியாகிரகம், வெள்ளையனே வெளியேறு என இந்திய விடுதலைப் போராட்டத்தில் முழுமூச்சாக ஈடுபட்ட தலைசிறந்த காந்தியவாதியும், இந்தியா விடுதலை யடைந்தபோது நம் மாநில முதலமைச்சராக இருந்த பெருமைக்குரியவருமான ஓமந்தூர் ராமசாமி ஐயா அவர்களின் பிறந்தநாள்.

சமூகநீதிச் சாதனையாளராகத் தந்தை பெரியாராலும் பேரறிஞர் அண்ணாவா லும் போற்றப்பட்ட அவருக்குச் சென்னை ஓமந்தூரார் மருத்துவக் கல்வி வளாகத்தில் திருவுருவச் சிலை அமைக்கப்படும் என அறிவிப்பதில் மகிழ்ச்சி கொள்கிறேன்!

இவ்வாறு முதல்வர் மு.க.ஸ்டாலின் அவர்கள் தமது சமூக வலைதளத்தில் பதிவிட்டுள் ளார்.