சென்னை அண்ணா அறிவாலயம் திராவிட முன்னேற்ற கழக தலைமை அலுவலகத்தில் நேற்று (2.3.2026) கழக முதன்மைச் செயலாளரும் நகராட்சி நிர்வாக துறை அமைச்சருமான கே.என்.நேரு, அவர்கள் வருகின்ற சட்டமன்றத் தேர்தலில் திருச்சி மேற்கு தொகுதியில் கழக வேட்பாளராக போட்டியிட அமைப்புச் செயலாளர் ஆர்.எஸ்.பாரதியிடம் விருப்ப மனு அளித்தார். அதேபோன்று அமைச்சர்கள் கே.ஆர். பெரியகருப்பன், அன்பில் மகேஸ் பொய்யாமொழி ஆகியோர் விருப்பமனு அளித்தனர். உடன் கழக இணை அமைப்புச் செயலாளர் அன்பகம் கலை, தலைமை நிலைய செயலாளர் பூச்சி முருகன், அண்ணா அறிவாலய மேலாளர் ஆர்.பத்மநாபன், கழக தொழிலாளர் அணி செயலாளர் பிடிசி ஜி.செல்வராஜ், கழக இலக்கிய அணி இணைச் செயலாளர் ஈரோடு இறைவன், பெரம்பலூர் நாடாளுமன்ற எம்.பி. அருண், மத்திய மாவட்டச் செயலாளர் வைரமணி, வடக்கு மாவட்டச் செயலாளர் காடுவெட்டி தியாகராஜன், மண்ணச்சநல்லூர் எம்.எல்.ஏ. கதிரவன், மாநகராட்சி மேயர் அன்பழகன், பொருளாளர் துரைராஜ் மற்றும் கழக நிர்வாகிகள் மாத்தூர் கருப்பையா, காஜாமலை விஜய், டோல்கேட் சுப்பிரமணி உட்பட பலர் உள்ளனர்.