சென்னை, மார்ச். 3 –

சட்­ட­ப் பேரவைத் தேர்­த­லில் தி.மு.க. சார்­பில்போட்­டி­யி­டு­ப­வர்­க­ளுக்­கான விருப்ப மனு விநி­யோ­கம் சென்னை அண்ணா அறி­வா­ல­யத்­தில் 20.2.2026 அன்று தொடங்­கி­யது.

11 வது நாளாக நேற்று (2.3.2026) கழக நிர்­வா­கி­கள், தொண்­டர்­கள் என ஏரா­ள­மா­னோர் ஆர்­வ­மு­டன் விருப்ப மனுக்­களைப் பெற்­ற­னர்.

தமிழ்­நாடு சட்­டப்­பே­ரவை தேர்­தல் ஏப்­ரல் மாதத்­தில் நடை­பெற உள்­ளது. இந்த தேர்­த­லில் தி.மு.க. தலை­மை­யில் மெகா கூட்­டணி அமைக்­கப்­பட்­டுள்­ளது. இந்த கூட்­ட­ணி­யில் புதி­தாக தே.மு.தி.க. இடம் பெற்­றுள்­ளது. தொடர்ந்து கூட்­டணி கட்­சி­க­ளு­டன் தி.மு.க. தொகு­திப் பங்­கீடுகுறித்து அதி­கா­ரப்­பூர்வ பேச்­சு­வார்த்­தையைதொடங்கி உள்­ளது.

இந்த நிலை­யில் தி.மு.க. சார்­பில் போட்­டி­யிட விரும்­பு­கி­ற­வர்­க­ளி­டம் இருந்து விருப்ப மனுக்­கள் விநி­யோ­கம் சென்னை அண்ணா அறி­வா­ல­யத்­தில் கடந்த 20ஆம் தேதி அன்று தொடங்­கி­யது.

11வது நாளான நேற்று (02.03.2026) அண்ணா அறி­வா­ல­யத்­தில் விருப்ப மனுக்­களை கழக அமைப்பு செயலாளர் ஆர்.எஸ்.பாரதி, இணை அமைப்புச் செயலாளர் அன்பகம் கலை, தலைமை நிலையச் செயலாளர்கள் துறைமுகம் காஜா, பூச்சி முருகன், அண்ணா அறிவாலய மேலாளர் ஆர். பத்மநாபன். கழக தொழிலாளர் அணிச் செயலாளர் பிடிசி ஜி.செல்வராஜ், கழக இலக்கிய அணி இணைச் செயலாளர் ஈரோடு இறைவன் ஆகி­யோர் பெற்­ற­னர். அப்­போது கழ­கத்­தி­னர் ஏரா­ள­மானோர் விருப்ப மனுக்­களை அளித்­த­னர்.

தற்­போது விருப்ப மனுக்­க­ளைப்பொறுத்­த­ வ­ரை­யில் 234 தொகுதி­களுக்­கும்பெறப் ப­டு­கிறது.

இதே போன்று, தமிழ்­நாடு முழு­வதும் பல்­வேறு பகு­தி­க­ளில் இருந்­தும் ஏரா­ள­மான தி.மு.க. நிர்­வா­கி­கள், தொண்­டர்­கள் திர­ளாக திரண்டு வந்து விருப்ப மனுக்­களை வாங்­கிச் செல்­கின்­ற­னர். ஏரா­ள­மா­னோர் பூர்த்தி செய்த விருப்ப மனுக்­க­ளை­யும் தாக்­கல் செய்­த­னர். விருப்ப மனு விநி­யோ­கம் வரு­கிற மார்ச் 6ஆம் தேதி வரை நடை­­­பெ­று­கி­றது.