#Title

மீண்டும் ‘திராவிட மாடல்’ ஆட்சியே அமையும்! ‘தி வீக்’ ஆங்கில வார இதழ் நிகழ்ச்சியில் முதல்வர் மு.க.ஸ்டாலின் உறுதி!

சென்னை, மார்ச் 3 –

‘‘ஆட்சிக்கு ஆதரவான அலை வீசுகிறது; மீண்டும் ‘திராவிட மாடல்’ ஆட்சியே அமையும்’’ என்று முதல்வர் மு.க.ஸ்டாலின் அவர்கள் ‘தி வீக்’ ஆங்கில வார இதழ் நடத்திய நிகழ்ச்சியில் உரையாற்றும் போது உறுதிபடக் கூறினார்.

முதலமைச்சர் மு. க. ஸ்டாலின் அவர்கள் நேற்று (2.3.2026) சென்னையில் THE WEEK ஆங்கில வார இதழ் சார்பில் நடைபெற்ற “TAMIL NADU LEADERSHIP SUMMIT” நிகழ்ச்சியில்கலந்து கொண்டு, ஆற்றிய உரை வருமாறு :–

‘தி வீக்’ இதழின் “தமிழ்நாடு லீடர்–ஷிப் உச்சி மாநாடு” நிகழ்ச்சியில் கலந்துகொண்டு சிறப்பித்துக் கொண்டிருக்கக்கூடிய உங்கள் அனைவருக்கும் என்னுடைய அன்பான காலை வணக்கம்.

தென்னிந்தியாவின் முன்னணி இதழாக விளங்கிக் கொண்டிருக்கக்கூடிய ‘THE WEEK’ நடத்தும், “TAMIL NADU LEADERSHIP SUMMIT 2026” நிகழ்ச்சியில் கலந்துகொண்டு தொடக்கவுரை ஆற்று வதில் நான் மிகுந்த மகிழ்ச்சியடைகிறேன். திராவிட குடும்பத்தைச் சேர்ந்த, நம் சகோதர மாநிலமான கேரளத்தின் முன்னணி ஊடக குழுமமான மனோரமா குழுமத்தை தமிழ்நாட்டிற்கு நான் மனதார வரவேற்கிறேன்.

தமிழ்நாட்டில் நம்முடைய ‘திராவிட மாடல்’ அரசு செய்திருக்கும் சாதனை களையும், நிறைவேற்றியிருக்கும் திட்டங்களையும், இந்திய அளவில் எல்லோருக்கும் கொண்டுசென்று சேர்ப்பதற்கான ஒரு மேடையை அமைத்து தந்ததற்காக முதலில் என்னுடைய நன்றியைத் தெரிவித்துக் கொள்ள விரும்புகிறேன்.

எல்லா துறைகளிலும்

‘ஆல்ரவுண்டர்’

தமிழ்நாட்டிற்கான என்னுடைய கனவு என்பது, தனிப்பட்ட ஸ்டாலினின் கனவு மட்டுமல்ல; ஒட்டுமொத்த தமிழினத்தின் எதிர்பார்ப்புகளை உள்ளடக் கியதுதான் என்னுடைய கனவு! நூற்றாண்டுக்கு முன்பு திராவிட இயக்கம் தொடங்கப்பட்டதிலிருந்து, தமிழர்கள் காணத் தொடங்கிய கனவு! அதை நோக்கிய எங்களின் பயணத்தில் கடந்த 5 ஆண்டுகள் என்பது பெரும் பாய்ச்சலை கண்டிருக்கிறது. எல்லா துறைகளிலும் ‘ஆல்–ரவுண்டராக’ உயர்ந்து இருக்கிறோம். எல்லா பகுதிகளிலும் பரவலான, சமச்சீரான எல்லோருக்குமான வளர்ச்சியை எங்கள் திராவிடமாடல் ஆட்சியில் சாதித்து காட்டியிருக்கிறோம்!

தமிழ்நாட்டில் உள்ள ஒவ்வொரு வரும் தங்களின் பகுதியில், தங்களின் வீட்டில் எந்த அளவிற்கு முன்னேற்றம் வந்திருக்கிறது என்று கண்கூடாக பார்க்கிறார்கள். அதனால்தான், ஆட்சிக்கு ஆதரவான அலை வீசுகிறது.

முதலமைச்சர் மு.க. ஸ்டாலின் அவர்கள் நேற்று (2.3.2026) சென்னையில் THE WEEK ஆங்கில வார இதழ் சார்பில் நடைபெற்ற ‘‘TAMIL NADU LEADERSHIP SUMMIT’’” நிகழ்ச்சியில் கலந்து கொண்டு உரையாற்றினார். இந்த நிகழ்ச்சியில், அமைச்சர் தா.மோ. அன்பரசன், முன்னாள் ஒன்றிய அமைச்சர் நாடாளுமன்ற உறுப்பினர் ப. சிதம்பரம், நாடாளுமன்ற உறுப்பினர் திருமதி தமிழச்சி தங்கபாண்டியன், சட்டமன்ற உறுப்பினர் இ. பரந்தாமன், ‘தி வீக்’ இதழின் இயக்குநர் ரியாத் மேத்யூ, தலைமை நிலைய ஆசிரியர் ஹர்சா மேத்யூ, முதன்மை செய்தி ஆசிரியர் ஸ்டான்லி தாமஸ், தலைமை நிலைய செய்தியாளர் திருமதி லட்சுமி சுப்ரமணியன், பொருளாதார ஆலோசனைக் குழு உறுப்பினர் அரவிந்த் சுப்பிரமணியன், பல்வேறு தொழில் நிறுவனங்களின் நிர்வாகிகள், பொருளாதார வல்லுநர்கள் மற்றும் பத்திரிகைத் துறையைச் சார்ந்த பிரமுகர்கள் கலந்து கொண்டனர்.