#Title

எரிவாயு பற்றாக்குறையைப் போக்க ஒன்றிய பா.ஜ.க. அரசிடம் ஒரு தெளிவான திட்டம் இல்லை! விளாத்திகுளம் மாணவி கொலை வழக்கில் போலீசார் விரைந்து சென்று குற்றவாளியை கைது செய்துள்ளனர்! மாணவியின் குடும்பத்தினரைச் சந்தித்து ஆறுதல் கூறிய பின் – கனிமொழி கருணாநிதி எம்.பி. பேட்டி!

தூத்துக்குடி, மார்ச் 24 –

விளாத்திகுளம் அருகே படுகொலை செய்யப்பட்ட மாணவியின் குடும்பத்தினரை சந்தித்து கழக துணைப் பொதுச் செயலாளரும், கழக நாடாளுமன்றத் தலைவருமான கனிமொழி கருணாநிதி ஆறுதல் தெரிவித்தார். மாணவிக்கு நீதி கிடைக்கும் வகையில் குற்ற வாளிக்கு அதிகபட்ச தண்டனை பெற்றுத்தரப்படும் என்றும் அவர் உறுதி கூறினார்.

தூத்துக்குடி மாவட்டம் விளாத்திகுளம் அருகே உள்ள வேடநத்தம் கிராமத் தில், 12-ஆம் வகுப்பு மாணவி கொடூரமாக பாலியல் வன்முறை செய்யப்பட்டு கொலை செய்யப்பட்டார்.

இந்த வழக்கில்சாயல்குடியைச் சேர்ந்த தர்ம முனீஸ்வரன் என்ற நபரை காவல்துறையினர் கைது செய்து விசாரணை நடத்திவருகின்றனர். இந்நிலையில், மாணவியின் குடும்பத்தினரை கழக துணைப் பொதுச் செயலாளரும், நாடாளுமன்றதி.மு.க. குழுத் தலைவருமானகனிமொழி கருணாநிதி சந்தித்து ஆறுதல் தெரிவித்தார்.

மாணவிக்கு நீதி கிடைக்கும் வகையில் குற்றவாளிக்கு அதிகபட்ச தண்டனை பெற்றுத்தரப்படும் என்றும் அவர் உறுதி கூறினார்.

அமைச்சர் கீதா ஜீவன், சட்டமன்ற உறுப்பினர் ஜி.வி.மார்க்கண்டேயன் உள்ளிட்டவர்கள் உடனிருந்தனர்.

இதைத் தொடர்ந்து செய்தியாளர்களிடம் பேசிய கனிமொழி கருணாநிதி, எம்.பி, காவல்துறையினர் விரைந்து செயல்பட்டு குற்றவாளியை கைது செய்துள்ளதாகத் தெரிவித்தார்.

பின்னர் தூத்துக்குடிவிமான நிலையத்தில் செய்தியாளர்களை சந்தித்த கனிமொழி கருணாநிதி, எம்.பி., எரிவாயு பற்றாக்குறையை சமாளிக்க ஒன்றிய அரசிடம் ஒரு தெளிவான திட்டம் இல்லை என்றார். வளைகுடா போர் காரணமாக ஏற்பட்டுள்ள பிரச்சினைகளை சமாளிப்பதில் ஒன்றிய அரசு மெத்தனமாக செயல்படுவதாகவும் அவர் விமர்சித்தார். பா.ஜ.க.வின் B teamதான் அ.தி.மு.க. என தி.மு.க.தொடர்ந்து கூறி வருவதை டெல்லி பயணம் மூலம் பழனிசாமி நிரூபித்து விட்டதாகவும் கனிமொழி கருணாநிதி எம்.பி. தெரிவித்தார்.

தூத்துக்குடி மாவட்டம் - விளாத்திகுளம் அருகே வேடநத்தம் கிராமத்தில் +2 மாணவி படுகொலை செய்யப்பட்டு உயிரிழந்தார்.உயிரிழந்த மாணவியின் குடும்பத்தாரை தூத்துக்குடி நாடாளுமன்ற உறுப்பினர், கழகத் துணைப் பொதுச் செயலாளர் கனிமொழி கருணாநிதி அவர்கள் நேரில் சந்தித்து ஆறுதல் கூறினார். அப்போது அமைச்சர் பெ.கீதாஜீவன், சட்டமன்ற உறுப்பினர் ஜீ.வி.மார்க்கண்டேயன் மற்றும் ஒன்றியச் செயலாளர் காசி விஸ்வநாதன், கிழக்கு ஒன்றிய தேர்தல் பார்வையாளர் சோலையப்பன், இளைஞரணி துணை அமைப்பாளர் ராதாகிருஷ்ணன், எப்போதும் வென்றான் சோலைசாமி திருக்கோவில் அறங்காவலர் குழுத் தலைவர் முத்துக்குமார் மற்றும் கழக நிர்வாகிகள் உடன் இருந்தனர்.