புதுடெல்லி,மார்ச். 24–
திராவிட முன்னேற்றக் கழக, மேலவை உறுப்பினர், எஸ். ஆர். சிவலிங்கம் 18 மார்ச் 2026 அன்று மாநிலங்களவையில், செயற்கை நுண்ணறிவு தொழில்நுட்பத்தை பயன் படுத்துவதன் மூலம், திறன் மேம்பாடு பயிற்சிகளை தொழிலாளர்களுக்கு அளிக்கும் வகையில் ஒன்றிய அரசின் திறன் மேம்பாட்டு துறையில் ஏதேனும் திட்டங்கள் உள்ளனவா? என்றும் அதனால் மற்ற துறைகளிலும் பயன்பாடு கிடைத்
துள்ளதா? என்றும் தொழில் முனைவோர் உரிய பயன்பாட்டை அடைந்துள்ளனரா? என்றும், அதன் விவரங்களை உறுப்பினர்களுக்கு தெரிவிக்க இயலுமா? என்றும், ஒன்றிய அரசின் மாண்புமிகு திறன் மேம்பாட்டுத் துறை இணையமைச்சர் ஜெயந்த் சௌத்ரி அவர்களிடம் விரிவான கேள்வியை எழுப்பினார்.
ஒன்றிய அரசின் திறன் மேம்பாட்டுத் துறை இணையமைச்சர் அவர்கள் அளித்த பதில் பின்வரு மாறு:–
திறன் மேம்பாட்டுத் துறையின் வழிகாட்டுதலின்படி 36 தயாரிப்பு துறைகளில் பயிற்சி வகுப்புகள் நடத்தப்பட்டு வருவதால் தொழிலாளர்களின் மேம்பாடு உறுதி செய்யப்படுகிறது என்றும், பிரதம மந்திரி கௌசல் விகாஸ் திட்டம், ஜன சிக்சான் திட்டம், தேசிய பழகுநர் மேம்பாட்டு திட்டம், கைவினைஞர்கள் பயிற்சி திட்டம் ஆகியன தொழிற் பயிற்சி நிலையங்கள் இணைந்து நடத்தப்படுவதால் திறன்மிக்க தொழிலாளர்கள் தொடர்ந்து அனைத்து தயாரிப்புதொழிற்சாலைகளுக்கும் கிடைப்பது உறுதி செய்யப்படுகிறது என்றும், 2,595 கல்வித் தகுதிகள் இதுவரை அங்கீகரிக்கப்பட்டு உள்ளது என்றும், இணையமைச்சர் மாநிலங்களவையில் தெரிவித்தார்.
மேலும், தொழிலாளர் துறையின் தலைமை பயிற்சி இயக்குநர் செயற்கை நுண்ணறிவு, 5ஜி தொழில் நுட்பம், ஆளில்லா விமானங்கள், சைபர் பாதுகாப்பு போன்ற புதிய துறைகளும் பயிற்சி வகுப்புகள் நடத்த திட்டமிட்டுள்ளார் என்றும், 36 தயாரிப்பு துறை குழுக்கள் அமைக்கப்பட்டுள்ளனர் என்றும், பிரதம மந்திரி கௌசல் விகாஸ் திட்டத்தின்படி 45 சதவீத தொழிலாளர்களுக்கு திறன் மேம்பாட்டு அடைந்துள்ளது என்றும், 50 சதவீத தொழிலாளர்களுக்கு வருமானத்தில் உயர்வு அதிகரித்துள்ளது என்றும், ஜன் சிக்சான் திட்டத்தின் கீழ் 32 இலட்சம் தொழிலாளர்கள் பயனடைந்து உள்ளனர் என்றும், தேசிய பழகுநர் மேம்பாட்டு திட்டத்தின் கீழ் 35 இலட்சம் தொழில் பழகுநர்கள் பயன் அடைந்துள்ளனர் என்றும் ஒன்றிய அரசின் திறன் மேம்பாட்டுத் துறை இணையமைச்சர் ஜெயந்த் சௌத்ரி மாநிலங்களவையில் தி.மு.க. மேலவை உறுப்பினர் எஸ்.ஆர்.சிவலிங்கம் எழுப்பிய கேள்விக்கு விரிவான பதிலை அளித்துள்ளார்.
மயிலாடுதுறை மாவட்டம் மயிலாடுதுறை சட்டமன்றத் தொகுதிக்கு உட்பட்ட மயிலாடுதுறை மத்திய, வடக்கு ஒன்றியங்கள் மற்றும் மணல்மேடு பேரூர் ஆகியவற்றின் கழக செயல்வீரர்கள் மற்றும்வாக்குச்சாவடி முகவர்கள் (பி.எல்.ஏ. 2) கூட்டம் பல்லவராயன்பேட்டையில் நடைபெற்றது. கூட்டத்தில் மயிலாடுதுறை மாவட்டக் கழக செயலாளர் நிவேதா எம்.முருகன் எம்.எல்.ஏ. பேசினார். உடன் கழக கொள்கை பரப்பு துணை செயலாளர் குத்தாலம் க. அன்பழகன், மாநில விவசாய அணி இணைச் செயலாளர் ஆர். அருள்செல்வம், மாநில விவசாய தொழிலாளர் அணி இணைச் செயலாளர் ஜெக.வீரபாண்டியன்,மாநில இலக்கிய அணி துணை செயலாளர் வை. சௌமியன், மாவட்டக் கழக துணை செயலாளர் எஸ்.செல்வமணி, சட்டமன்ற முன்னாள் உறுப்பினர் கி சத்தியசீலன் ஒன்றிய கழக செயலாளர்கள் என் இனிய பெருமாள், ஞான இமய நாதன், மணல்மேடு பேரூர் செயலாளர் என்.அண்ணாதுரை, பொதுக்குழு உறுப்பினர் காலி ஆ.காந்தி மற்றும் பலர் உள்ளனர்.