த
மிழக வாக்காளர்களே... புரிகிறதா சூட்சமம்? 2026 தேர்தல் கழகத்துக்கும் டெல்லிக்குமானதே... என அன்றே அடித்துச் சொன்னவர் நமது முதல்வர். முரட்டு அடிமை இதை மூர்க்கத்தனமாக எதிர்த்து பேசினார். மக்கள் குழம்பி போனார்கள். ஆனால் நேற்று முரட்டு அடிமை டெல்லிக்கு போய்... பல மணி நேரம் காத்திருந்து.... தங்களின் அமித்ஷா முன்னேற்றக் கழகத்தின் தலைவரை சந்தித்து பல கட்டளைகளை பெற்று வந்துள்ளார்.
இவரைத் தொடர்ந்து கூட்டணித் தலைவர்களும் அங்கே போய் சனாதனத் தலைவரின் விஸ்வரூப தரிசனம் கண்டு.... தங்களுக்கான கட்டளைகளை பெற்று வந்துள்ளனர்.
தமிழர்களே... சூட்சமம்? குறுக்கு வழியிலே.. முரட்டு அடிமை கூட்டணி மூலம் வாக்குகளைப் பெற்று ஆட்சியைப் பிடித்து.... தமிழ் நாட்டில் அமித்ஷா முன்னேற்றக் கழகம் ஆள நினைக்கிறது. தமிழக மக்கள் என்ன முட்டாள்களா? கண்ணை மூடிய பூனைகளா? அப்படி இருந்திருந்தால் கடந்து போன அத்தனை தேர்தல்களிலும் முத்துவேல் கருணாநிதி ஸ்டாலினுக்கு தொடர் வெற்றிகளை
பரிசளித்திருப்பார்களா?.......
அண்ணாவின் தம்பிகள் தெளிவானவர்கள்... கலைஞரின் உடன்பிறப்புகள் உண்மையானவர்கள்.... புரட்சி நடிகரின் ரத்தத்தின் ரத்தங்கள் விசுவாசமானவர்கள். ஸ்டாலினின் தொண்டர்கள் பகுத்தறிவுவாதிகள். எந்த ரூபத்தில் எதிரி நுழைந்தாலும் எல்லையிலேயே தடுத்து நிறுத்தி... திருப்பி விரட்டி விடும் வல்லமை படைத்தவர்கள். வேண்டுமென்றால் வந்து பார்... அப்போது தான் தெரியும் நீ யார் – நான் யார் என்று? பதவிக்காக உழைப்பவன் நீ! தமிழக மக்களுக்காக உழைப்பவர் நான்! மதநீதி சொல்பவன் நீ! சமநீதி காண்பவன் நான்!! முதல் மரியாதை கேட்பவன் நீ! அனைவருக்கும் சுயமரியாதை கேட்பவன் நான்! கொள்ளையடித்து... கொள்கை அற்று... ஜாதி வளர்க்கும் கூட்டத்தோடு நீ! அண்ணா சொன்ன வழியிலே கடமை கண்ணியம் கட்டுப்பாட்டோடு நான்!..
. உரிமைகளைப் பறித்து ஒரே நாடு காண நினைப்பவன் நீ! உறவுக்கு கை கொடுத்து உரிமைக்கு குரல் கொடுத்து மாநிலத்தில் சுயாட்சி மத்தியில் கூட்டாட்சி காண நினைப்பவன் நான்! ஒற்றை மதத்தில் உன் ஆட்சி! சர்வ மதங்களோடும் சமதர்மவாதிகளுடன் என் ஆட்சி! தேர்தல் மூலம் நீ கேட்பது சர்வாதிகாரம்! நான் கேட்பது ஜனநாயகம் காக்கும் உரிமை! கார்ப்பரேட்டுகளின் கணக்கில் வராத கோடிகளுக்கு காவலர் நீ! உழைத்துக் களைத்து ஊதியம் பெற முடியாத ஏழைகளின் உரிமை காப்பவன் நான்! வந்தேறிகளை வாழவைத்துக் கொண்டிருப்பவன் நீ! சொந்த நாட்டுக்காரன் குடிசைகளுக்கு இதுவரை வராத சுதந்திர வெளிச்சத்தை கொண்டு சேர்க்க போராடுகிறவன் நான்!....... உளுத்துப்போன மூங்கில் பந்தலுக்கு உதவாது பாடைக்கும் உதவாது! அதே நிலை தான் உன் சனாதன சன்மார்க்க அரசியல்! என் திராவிட மாடல்.. ஏழைக்கானது... இல்லாதவனுக்கானது.. உழைப்பவனுக்கானது.... சமநீதிக்கானது... பெண் உரிமைக்கானது.. இந்திய மக்களுக்கானது! இன்னும் சிந்திப்போம்...