#Title

தேர்தல் ஆணையம் அறிவிப்பு!

சென்னை, மார்ச்.24--–

அனைத்து வாக்குச்சாவடிகளி லும் வாக்காளர்களுக்கு செய்து தரப்பட்டுள்ள வசதிகள் குறித்து கண்காணிக்கப்படும் என்று இந்திய தேர்தல் ஆணையம் அறிவித்துள்ளது.

வாக்காளர்களுக்கு வசதிகள் தமிழ்நாடு, கேரளா உள்பட 5 மாநிலங்களில் நடக்க உள்ள தேர்தல்களுக்கான அட்டவணையை இந்திய தேர்தல் ஆணையம் கடந்த 15ஆம் ந்தேதி அறிவித்தது.

இதில் உள்ள 2 லட்சத்து 18 ஆயிரத்து 807 வாக்குச்சாவடிகளுக்கு ஓட்டுபோட வரும் வாக்காளர்களுக்கான வசதிகள் மற்றும் ஓட்டுப்பதிவு அன்று வாக்காளர்க ளுக்கு தேவையான உதவிகளை செய்துதர மாநில தலைமை தேர்தல் அதிகாரிகளுக்குதேர்தல் ஆணையம் உத்தரவிட்டுள்ளது.

குடிநீர் வசதி!

குறிப்பாக குடிநீர், நிழலுடன் கூடிய காத்திருப்பு பகுதி, தண்ணீர் வசதியுடன் கூடிய கழிப்பறை, போதிய வெளிச்சம், மாற்றுத்திறனாளி வாக்காளர்களுக்ககான முறையான சாய்வுதளம். தரப்படுத்தப்பட்ட வாக்குப்பதிவு அறை மற்றும் முறையான வழி காட்டி பலகைகள் ஆகியவை அடங்கும். வாக்காளர்கள் தங்களது முறைக்காக காத்திருக்கும் போது அமருவதற்கு ஏதுவாக, வரிசையில் குறிப்பிட்ட இடை வெளிகளில் பெஞ்சுகள் அமைக்கவும் தலைமைத் தேர்தல் அதிகாரிகளிடம் கோரப்பட்டுள்ளது.

வாக்காளர் விழிப்புணர்வை வலுப்படுத்த, அனைத்து வாக்குச் சாவடிகளிலும் 4 சீரான மற்றும் தரப்படுத்தப்பட்ட வாக்காளர் வசதி சுவரொட்டிகள் முக்கியமாக காட்சிப்படுத்தப்படும். இந்த சுவரொட்டிகளில் வாக்குச்சாவடி விவரங்கள், வேட்பாளர் பட் டியல், செய்ய வேண்டியவை மற்றும் செய்யக்கூடாதவை, அங்கீகரிக்கப்பட்ட அடையாள ஆவணங்களின் பட்டியல் மற்றும் வாக்குப்பதிவு நடைமுறை ஆகியவை இடம்பெற்றிருக்கும்.

வாக்குச்சாவடியில் உதவி மையங்கள்!

வாக்காளர்கள் தங்களின் வாக்குச்சாவடி எண் மற்றும் அந்தந்த சாவடியின் வாக்காளர் பட்டியலில் உள்ள வரிசை எண்ணைக் கண்டறிய உதவுவதற்காக, ஒவ்வொரு வாக்குச்சாவடி அமைவிடத்திலும் வாக்குச்சாவடி நிலை அலுவலர்கள் (பி.எல்.ஒ.) அதிகாரிகள் குழுவுடன் கூடிய வாக்காளர் உதவி மையங்கள் அமைக்கப்படும். வாக்காளர்கள் வாக்குச்சாவடி வளாகத்தை நெருங்கும்போது எளிதில் தெரியும் வகையில் இந்த உதவி மையங்கள் முக்கிய வழிகாட்டி பலகைக ளைக் கொண்டிருக்கும். வாக்காளர்களின் வசதிக்காக தேர்தல் ஆணையம் எடுத்துள்ள பல முயற்சிகளில் ஒன்றாக, வாக்குச்சாவடி நுழைவாயிலுக்கு வெளியே வாக்காளர்களுக்கான செல்போன் வைப்பு அறை வசதி வழங்கப்படும். வாக்காளர்கள் வாக்குச்சாவடிக்குள் நுழைவதற்கு முன் தங்களது செல் போனை (அணைக்கப்பட்ட நிலையில்) நியமிக்கப்பட்ட தன்னார்வலரிடம் ஒப்படைத்து விட்டு, வாக்களித்த பிறகு அதனைப் பெற்றுக்கொள்ளலாம். அனைத்து வாக்குச்சாவடிகளிலும் இவை கண்டிப்பாகப் பின் பற்றப்படுகிறதா? என்பது கண்காணிக்கப்படும். மேற்கண்ட தகவல்களை இந்திய தேர்தல் ஆணையத்தின் துணை இயக்குனர் ப.பவன் தெரிவித்துள்ளார்.

ஜனநாயக கடமை!

இதற்கிடையே தமிழக தலைமைதேர்தல் அதிகாரி அர்ச்சனா பட்நாயக்வெளியிட்டுள்ள அறிக்கையில் கூறியிருப்பதாவது:-

சிறப்பு தீவிர திருத்தம் முடிவடைந்த பின்னர் வெளியிடப் பட்ட இறுதி வாக்காளர் பட்டியலில் வாக்காளர் பெயர் இடம் பெற்றிருந்தால் மட்டுமே நடக்க இருக்கும் சட்டசபை தேர்தலில் வாக்களிக்க முடியும். பெயர் விடுபட்டு இருந்தால் பெயர் சேர்க்க வருகிற 26-ந்தேதி வரை கால அவகாசம் அளிக்கப்பட்டுள்ளது. இதனை பயன்படுத்தி தகுதியானவர்கள் அனைவரும் வாக்காளர்களாக பதிவு செய்து, வாக்களிக்கும் ஜனநாயக கடமையை தவறாது நிறைவேற்ற வேண்டும். வாக்காளர்களுக்கு ஏற்படும் சந்தேகங்களை தீர்க்க voters.eci. gov.in மற்றும் www.elections.tn.gov. in என்ற இணையதள முகவரி அல்லது ECINet செயலியை பார் வையிடுவதன் மூலம் தகவல்களை அறிந்து கொள்ள முடியும். இதுதவிர 1950 என்ற கட்டண மில்லா வாக்காளர் உதவி எண்க ளையும் பயன்படுத்திக் கொள்ளலாம்

இவ்வாறு அதில் தெரிவிக்கப் பட்டுள்ளது.