புதுடெல்லி, மார்ச் 24–
தமிழ்நாட்டில்குறிப்பாக தருமபுரிமாவட்டத்தில் ஸ்டேன்ட்அப் இந்தியா திட்டம் பெண்களை யும்,எஸ்.சி/எஸ்.டி பிரிவு தொழில்முனைவோரையும் முழுமையாக சென்றடைய ஒன்றிய அரசு ஏதேனும் நடவடிக்கை எடுத்துள்ளதா? இருப்பின் அது குறித்த விவரங்கள் என்ன என மக்கள வையில் ஆ.மணி கேள்வி எழுப்பினார்.
கடந்த 3 ஆண்டுகளில் தருமபுரி மாவட்டத்தில் இருந்து இந்த திட்டத்தில் பெறப்பட்டுள்ள விண்ணப்பங்கள்,வழங்கப்பட்டுள்ள கடனுதவி,சராசரி செயலாக்க நேரம்,துறை வாரியான நிறுவன உருவாக்கம் குறித்து ஏதேனும் தரவுகள் உள்ளதா?இருப்பின் அதன் விவரங்கள் என்ன?
தருமபுரி மாவட்டத்தில் இத்திட்டத்தை பரவலாக செயல்படுத்த மாவட்ட தொழில்மையம் மற்றும் பொது சேவை மையங்கள் மூலம் மேம்படுத்தப்பட்ட விழிப்புணர்வு பிரச்சா ரங்கள், கட்டமைக்கப்பட்ட கையடக்க வசதி,தொழில் முனைவோர் பயிற்சி மற்றும் மேம்படுத்தப்பட்ட வங்கி ஒருங்கிணைப்பு நடத்தப்பட்டுள்ளதா?
தமிழ்நாட்டில் தருமபுரி போன்ற பின்தங்கிய மாவட்டங்களில் ஸ்டேன்ட்அப் இந்தியா திட்டத்தினை விரிவாக்கபடுத்த ஏதேனும் சிறப்பு திட்டங்களோஅல்லது மாவட்ட வாரியாக இலக்குகளோ ஒன்றிய அரசால் பரிசீலிக்கப்பட்டுள்ளதா?இருப்பின் அதன் விவரங்கள் என்ன?
தருமபுரி மாவட்டத்தில் இத்திட்டத்தினை சிறப்பாக செயல்படுத்த,நிறுவன நிலைதன்மை,வேலை வாய்ப்பு உருவாக்கம்,கடன் அணுகல் ஆகியவற்றின் அடிப்படையில் ஒன்றிய அரசு கண்காணித்து வருகிறதா? இருப்பின் அதன் விவரங்கள் என்ன? என்று ஒன்றிய நிதி அமைச்சர் நிர்மலா சீதாராமனிடம் தருமபுரி எம்.பி.ஆ.மணி கேள்வி எழுப்பி உள்ளார்.