புது­டெல்லி, மார்ச். 24–

தென் சென்னை மக்­க­ளவை தொகுதி உறுப்­பி­னர் தமி­ழச்சி தங்­க­பாண்­டி­யன் மக்­க­ள­வை­யில் கலாச்­சார அமைச்­ச­கத்­தி­டம் பண்­பாட்டு பரி­மாற்ற ஒப்­பந்­தங்­கள் மற்­றும் வெளி­நா­டு­க­ளில் மேற்­கொள்­ளப்­ப­டும் தொல்­பொ­ருள் ஆய்வு நட­வ­டிக்­கை­கள் குறித்து கேள்வி எழுப்­பி­னார்.

அதா­வது, கிரீஸ், இத்­தாலி, ஜெர்­மனி, பிரான்ஸ் உள்­ளிட்ட ஐரோப்­பிய நாடு­கள், மத்­திய கிழக்கு மற்­றும் தென்­கி­ழக்­கா­சிய நாடு­க­ளு­டன் பாரம்­ப­ரி­யம் மற்­றும் கலாச்­சா­ரத்தை மேம்­ப­டுத்­தும் வகை­யில் பண்­பாட்டு பரி­மாற்ற ஒப்­பந்­தங்­கள் மேற்­கொள்­ளப்­பட்­டுள்­ள­னவா? அப்­ப­டி­யா­னால், அதன் விவ­ரங்­கள் என்ன?

மேலும், கடந்த 10 ஆண்­டு­க­ளில் இந்­திய தொல்­பொ­ருள் ஆய்­வா­ளர்­கள் மற்­றும் கலை வர­லாற்­றா­ளர்­கள் வெளி­நா­டு­க­ளில் மேற்­கொண்ட ஆய்வு முயற்­சி ­க­ளின் விவ­ரங்­கள் என்ன? இத்­த­கைய ஆய்­வு­க­ளுக்­காக போது­மான நிதி ஒதுக்­கீடு செய்­யப்­பட்­டுள்­ளதா? என்ற கேள்­வி­களை முன்­வைத்­தார்.

இதற்கு ஒன்­றய கலாச்­சா­ரம் மற்­றும் சுற்­றுலா அமைச்­சர் கஜேந்­திர சிங் சேகா­வத் பதில் அளித்­தார்.

அந்த பதி­லில்:

இந்­திய கலாச்­சார அமைச்­ச­கம் கிரீஸ், இத்­தாலி, ஜெர்­மனி, பிரான்ஸ் உள்­ளிட்ட ஐரோப்­பிய நாடு­கள், மத்­திய கிழக்கு மற்­றும் தென்­கி­ழக்­கா­சிய நாடு­கள் உள்­ளிட்ட மொத்­தம் 115 நாடு­க­ளு­டன் பண்­பாட்டு ஒப்­பந்­தங்­களை மேற்­கொண்­டுள்­ளது. இவ்­வொப்­பந்­தங்­க­ளின் மூலம் பண்­பாட்டு பரி­மாற்ற திட்­டங்­கள் (Cultural Exchange Programmes – CEPs) செயல்­ப­டுத்­தப்­பட்டு, பாரம்­ப­ரி­யம் மற்­றும் கலாச்­சா­ரம் மேம்­ப­டுத்­தப்­பட்டு வரு­கி­றது.

மேலும், வர­லாற்று சின்­னங்­க­ளின் பாது­காப்பு மற்­றும் புதுப்­பிப்பு பணி­க­ளுக்­காக, இந்­திய தொல்­பொ­ருள் ஆய்வு துறை ஒதுக்­கப்­பட்ட பட்­ஜெட்­டின் கீழ் ஆய்வு குழுக்­களை பல்­வேறு நாடு­க­ளுக்கு அனுப்பி வரு­கி­றது.

ஆனால், இந்­திய தொல்­பொ­ருள் ஆய்­வா­ளர்­கள் மற்­றும் கலை வர­லாற்­றா­ளர்­கள் வெளி­நா­டு­க­ளில் மேற்­கொள்­ளும் ஆய்வு முயற்­சி­ க­ளுக்­காக தனி­யாக தனித்த நிதி ஒதுக்­கீடு இல்லை.

இவ்­வாறு பதில் தெரி­விக்­கப்­பட்­டுள்­ளது.

தூத்துக்குடி மாவட்டம் - விளாத்திகுளம் அருகே வேடநத்தம் கிராமத்தில் +2 மாணவி படுகொலை செய்யப்பட்டு உயிரிழந்தார்.உயிரிழந்த மாணவியின் குடும்பத்தாரை தூத்துக்குடி நாடாளுமன்ற உறுப்பினர், கழகத் துணைப் பொதுச் செயலாளர் கனிமொழி கருணாநிதி அவர்கள் நேரில் சந்தித்து ஆறுதல் கூறினார். அப்போது அமைச்சர் பெ.கீதாஜீவன், சட்டமன்ற உறுப்பினர் ஜீ.வி.மார்க்கண்டேயன் மற்றும் ஒன்றியச் செயலாளர் காசி விஸ்வநாதன், கிழக்கு ஒன்றிய தேர்தல் பார்வையாளர் சோலையப்பன், இளைஞரணி துணை அமைப்பாளர் ராதாகிருஷ்ணன், எப்போதும் வென்றான் சோலைசாமி திருக்கோவில் அறங்காவலர் குழுத் தலைவர் முத்துக்குமார் மற்றும் கழக நிர்வாகிகள் உடன் இருந்தனர்.