ஒன்றியத்தில் ஆட்சி செய்யும் கட்சியை மாநிலத்திலும் தேர்வு செய்யாவிட்டால் மாநிலத்திற்கான நிதி கிடைப்ப தில் சிரமம் ஏற்படும் என என மக்களை மறைமுகமாக மிரட்டும் வகையில் உள்ளதாகவும் அவர் விமர்சித்துள்ளார். மாநில அரசுகள், ஒன்றிய ஆளும் கட்சியின் நன்மதிப்பையோ, தயவையோ நம்பி இருக்கும் நிலை இந்திய அரசியலமைப்பில் இல்லை என்றும் மாறாக, ஒன்றியமும் மாநிலங்களும் தங்களின் அதிகார வரம்புகளுக்குள் இணைந்து செயல்படும் ஒரு கூட்டாட்சி அமைப்பையே அரசியல் அமைப்பு உருவாக்கி உள்ளதாக அவர் சுட்டிக்காட்டி உள்ளார்.
டெல்லியில் ஆட்சி செய்யும் கட்சியால் ஆளப்படும் மாநிலங்களை மட்டுமின்றி ஒட்டுமொத்தக் குடியரசை யுமே ஒன்றிய அரசு பிரதிநிதித்துவப்படுத்து கிறது என்றும் அவர் தெரிவித்துள்ளார். தேசிய வரிவிதிப்பின் மூலம் திரட்டப்படும் நிதி ஒன்றிய ஆளும் கட்சிக்கானதல்ல, அது இந்திய ஒன்றிய அரசுக்கே சொந்தமானது, மக்கள் எப்படி வாக்களித்திருந்தாலும், எந்த மாநிலத்தைச் சேர்ந்தவர்களாக இருந்தாலும், குடியரசின் பெயராலேயே அவர்களிடம் வரிகள் வசூலிக்கப்படுகின்றன என்று சுட்டிக்
காட்டி உள்ளஎஸ்.ஒய்.குரேஷி, மாநிலங்களுக்கான நிதிப் பகிர்வு ஒரு மாநிலத்தை எந்தக் கட்சி ஆட்சி செய்கிறது என்பதன் அடிப்படையில் இருக்கக் கூடாது என்று வலியுறுத்தி உள்ளார்.
நிதி ஆணையம்
பரிசீலிக்க வேண்டும்!
மக்கள் தொகை அடிப்படையிலான நிதிப் பகிர்வு, மக்கள்தொகையை வெற்றிகரமாகக் கட்டுப்படுத்திய தென் மாநிலங்களுக்கு பாதகமாக அமையக்கூடும் என்பதால், இதுகுறித்து நிதி ஆணையம் பரிசீலனை செய்ய வேண்டும் என்றும் அவர் கேட்டுக்கொண்டுள்ளார். வளர்ச்சி என்பது அரசியல் சார்புடையதாக இருக்கக் கூடாது, மாறாக, அனைத்து மாநிலங்களையும் ஒவ்வொரு குடிமகனை யும் சமமான நியாயத்து டன் நடத்தும் விதிகளின் அடிப்படையிலேயே அது அமைந்திருக்க வேண்டும் என்றும் தெரிவித்துள்ள முன்னாள் தலைமைத்தேர்தல் ஆணையர் எஸ்.ஒய்.குரேஷி ஒரே ரயிலை எத்தனைஎன்ஜின்கள் இழுத்துச் செல்கின்றன என்பதைவிட இந்தியாவின் கூட்டாட்சி ஜனநாயகத்தை காப்பாற்றும் ஒற்றை என்ஜின்தான் மிகமுக்கியம் என்றும் வலியுறுத்தி உள்ளார்.