கோவை மேற்கு மண்டல கழக அலுவலகத்தில் முன்னாள் முதலமைச்சர் ஓ.பி.எஸ். அணியைச் சேர்ந்த மாவட்டச் செயலாளர்கள் மோகன்ராஜ், குணாளன், அ.தி.மு.க. ஜெ பேரவை செயலாளர் முருகேசன், 27வது வட்டசெயலாளர் எஸ்.பி.எல்.ராஜேந்திரன், மாநில மகளிரணி துணைச்செயலாளர் ரஜினாபேகம், ஓ.பி.எஸ். அணி மாநகர் மாவட்ட பொருளாளர் விஸ்வநாதன், மாநில பொதுக்குழு உறுப்பினர் பூச்சியூர் செல்வராஜ் உள்பட 300-க்கும் மேற்பட்டோர் கழக மேற்கு மண்டலப் பொறுப்பாளர், முன்னாள் அமைச்சர் வி.செந்தில் பாலாஜி முன்னிலையில் கழகத்தில் இணைந்தனர். இதில் கோவை மாநகர் மாவட்ட கழக பொறுப்பாளர் துரை.செந்தமிழ்ச்செல்வன், தெற்கு மாவட்டக் கழகச் செயலாளர் தளபதி முருகேசன், வடக்கு மாவட்டக் கழகச் செயலாளர் தொண்டாமுத்தூர் அ.ரவி ஒன்றிய, நகர, பகுதி, வட்டக் கழக செயலாளர்கள், பொறுப்பாளர்கள், கழக நிர்வாகிகள் பலர் கலந்து கொண்டனர்.