சென்னை, மார்ச் 25–
தி.மு.க தலைவர் மு.க.ஸ்டாலின் அவர்கள் தேர்தலில் போட்டியிட தி.மு.க சார்பில் கேட்பு மனு அளித்தவர்களிடம் நேர் காணல் நிகழ்ச்சி நடத்தினார். பெண்களும் இளைஞர்களும் அதிக அளவில் பங்கேற்றனர். ஐந்து நாள்கள் நடைபெற்ற இந்த நேர்காணலில் தமிழ்நாடு, புதுச்சேரி ஆகிய மாநிலங்களைச் சேர்ந்த 16,500 பேர் கேட்பு மனு அளித்திருந்தனர்!
திராவிட முன்னேற்றக் கழகத்தின் தலைவர் திராவிட நாயகர் அவர்கள் தமிழ்நாட்டில் படைத்து வரும் புதுமைகள் அனைத்தும் என்றும் வரலாற்றில் இடம் பெறக்கூடியவை. திராவிட மாடல் ஆட்சியையும், கட்சியையும் அவர் இயக்கி வரும் திறன்களைக் கண்டு தமிழ்நாடு மட்டும் அல்ல இந்தியாவின் பிற மாநிலங்களும் கண்டு வியக்கின்றன. பல வழிகளில் திராவிட நாயகர் அவர்களின் அறிவாற்றலை, செயல் திறன்களை, அணுகுமுறைகளை நேரடியாகவும் மறைமுகமாகவும் தத்தம் மாநிலங்களில் கடைப்பிடிக்கிறார்கள்.
அந்த அளவுக்கு திராவிட நாயகரின் திறன்களும் அணுகுமுறைகளும் வித்தியாசமாக வும் விநோதமாகவும் அமைந்துள்ளன. நடைபெறவுள்ள சட்டமன்றத்தேர்தலில் போட்டியிட கேட்பு மனு அளித்தவர்களிடம் அவர் நடத்திய நேர்காணல் நிகழ்ச்சியும் அனைவர் கவனத்தையும் ஈர்த்துள்ளது என்பது குறிப்பிடத்தக்கது.
திராவிட நாயகர் அவர்கள் அரசின் அதிகாரிகள் அலுவலர்கள் அனைவரையும் அரவணைப்பது போலவே, கட்சியின் நிர்வாகி களையும், தொண்டர்களையும் கனிவுட னும் கண்டிப்புடனும் வழி நடத்திவருகிறார்கள். கட்சி நிர்வாகிகளிடமும் தொண்டர்களிடமும் அவர் கொண்டுள்ள நேசம் நிகரில்லா தது.தொண்டர்களிடம் அவர் காட்டும் கனிவு, தொண்டர்களுக்கு அவர் செலுத்தும் மரியாதை இவைகளெல்லாம் ஒவ்வொருவரையும்நினைந்து நினைந்து மகிழவைக்கின்றன.
தலைவரைக் காண வேண்டும்
அவருடன் பேச வேண்டும் அவருடன் புகைப்படம் எடுத்துக்கொள்ள வேண்டும் என்பதில் நிர்வாகிகளும் தொண்டர்களும் கொண்டுள்ள ஆர்வத்தை தி.மு.க.வை தவிர வேறு எந்த கட்சியிலும் காண முடியாது.
சில நாள்களில் தமிழ்நாடு சட்டமன்றத்திற்கு தேர்தல் வர இருக்கிறது. இந்தத் தேர்தலில் போட்டியிட விரும்பும் நிர்வாகிகள் தொண்டர்களுக்கு தலைமைக் கழகத்தில் நேரில் வந்து கேட்பு மனு அளித்திட வேண்டும் என தலைமைக் கழகம் மூலம் அறிவிப்பு வெளியிடப்பட்டது.
எந்த தொகுதியில் யார் போட்டியிடுவது என்பதை முடிவு செய்திட வேண்டும். இதற்காகப் போட்டியிட கேட்பு மனு அளித்தவர்களிடம் மாவட்ட வாரியாக சட்டப்பேரவை தொகுதி வாரியாக நேர்காணல் நடத்தி அவர்களில் தகுதியானவர்களைத் தேர்வு செய்திட வேண்டும். எனவே திராவிட நாயகர் அவர்கள் விண்ணப்பித்தவர்களுக்கான நேர்காணல் தேதியை மாவட்டம் வாரியாக தொகுதி வாரியாக அறிவித்தார்கள். அந்த அறிவிப்பின்படி வேட்பாளர்களாகப் போட்டியிட விரும்பி கேட்பு மனு அளித்த கழகத் தோழர்கள் தங்களுக்கு உரிய நாளில், காலையிலோ மாலையிலோ உரிய நேரத்தில் அறிவாலயம் வந்து கூடினர்.
கழகத் தலைவர், திராவிட நாயகர் அவர்கள் மார்ச் 17 செவ்வாய் முதல் மார்ச் 23 திங்கள் வரை ஆறு நாள்கள் சென்னை அறிவாலயம் கலைஞர் அரங்கில் நேர்காணல் நடத்தினார்கள். நேர்காணலில் முதல் நாளான 17.3.2026 அன்று புதுச்சேரி மாநிலத்திற்கும், 18.3.2026 முதல் மற்ற நாட்களில் தமிழ்நாட்டிற்குமான கேட்பு மனு கொடுத்தவர்களிடம் நேர்காணல் நடை
பெற்றது. நேர்காணல் நடைபெறும் நாளில் காலை 9.00 மணிக்கே திராவிட நாயகர் அவர்கள் அறிவாலயம் வருகை தந்தார்கள். காலை 9.30 மணி தொடங்கி பகல் 2.00 மணி வரையிலும், பிற்பகலில் 4.00 மணி முதல் இரவு 10.00 மணி வரையிலும் என ஒவ்வொரு நாளும் ஏறத்தாழ 10 மணி நேரம் போட்டியிட கேட்பு மனு அளித்த
ஒவ்வொருவரிடமும் நேர்காணலை நடத்தினார்கள்.
கழகத் தலைவர் திராவிட நாயகர் அவர்கள் போட்டியிட விரும்பி கேட்பு மனு அளித்தவர்களின் பட்டியல் இருந்தது. அந்தப் பட்டியல்படி பெயர்சொல்லி ஒவ்வொருவராக அழைத்தார்கள். அதன்படி நேர்காணலில் பங்கேற்றவர் வந்தவுடன் அவரை இருக்கையில் அமரச் செய்தார்கள். அவரிடம் உங்கள் பெயர் என்ன, உங்கள் ஊர் எது, உங்கள் தொகுதி எது, உங்கள் மாவட்டம் எது மாவட்டச் செயலாளர் யார் என்ற விவரங்களையெல்லாம் ஒன்றன் பின் ஒன்றாக கேட்டார்கள்.
அதன் பின்னர், திராவிட மாடல் அரசின் திட்டங்களைப் பற்றிக் கேட்டார்கள். இந்த திட்டங்கள் மீது உங்கள் பகுதி மக்கள் கொண்டுள்ள எண்ணம் உங்களுக்குத் தெரியுமா அதைப் பற்றிச் சொல்லுங்கள் என கேட்டு மக்களை எப்படி அணுகுவீர்கள், எப்படி மக்களிடம் வாக்குகள் கேட்பீர்கள், உங்களால் எத்தனை வாக்குகள் பெற முடியும், உங்கள் தொகுதியில் எதிர்க்கட்சி சார்பில் யார் நின்றாலும் தயக்கமின்றி, அஞ்சாமல் அவரை எதிர்த்து நின்று வெற்றிபெற என்ன திட்டங்கள் வைத்திருக்கிறீர்கள் என்பது போன்ற கேள்விகளைக் கேட்டு வேட்பாளர் ஆகும் தகுதியை ஆய்வு செய்தார்கள்.
அப்படி ஆய்வு செய்யும்போது அவர்கள் அனைவரும் திராவிட மாடல் அரசின் திட்டங்கள் எல்லாம் சிறப்பான முறையில் பயன் அளிக்கின்றன அவற்றின் மூலம் மக்கள் இந்த அரசின் மீது மிகுந்த மரியாதை கொண்டுள்ளார்கள் என்பது போன்ற செய்திகளை கூறினார்கள். அவற்றைக் கேட்ட கழகத் தலைவர் அவர்கள் மிகுந்த மகிழ்ச்சி அடைந்தார்கள்.
இப்படி, ஐந்து நாள்களிலும் தமிழ்நாட்டின் 234 சட்டப்பேரவை தொகுதிகளுக்கும் புதுவை மாநிலத்தின் 30 தொகுதிகளுக்கும் போட்டியிட விரும்பி கேட்பு மனு அளித்திருந்த நிர்வாகிகளிடம் கேள்விகளைத் தொடுத்து தொகுதி நிலவரங்களை தெளிவாக அறிந்து கொண்டார்கள்.
நேர்காணலில், தமிழ்நாடு, புதுச்சேரி மாநிலங்களைச் சேர்ந்த 16,500 பேர் கேட்பு மனு அளித்துள்ளார்கள். மற்றவர்களுக்காக விண்ணப்பித்தவர்களிடமும் நேரடியாக பங்கேற்றவர்களிடமும் தொகுதி பற்றிய விவரங்களை கேட்டறிந்தார். இந்த நேர்காணலில் கேட்பு மனு அளித்தவர்களில் பெண்களும் இளைஞர்களும் அதிகமாக இருந்ததும், அவர்கள் ஆர்வத்துடன் நேர்காணலில் பங்கேற்றதும் எல்லோருக்கும் மகிழ்ச்சியை ஏற்படுத்தியது. நேர்காணல் நடைபெற்ற இந்த நாள்களில் அறிவாலயம் கழக நிர்வாகிகளாலும் தொண்டர்களாலும் நிரம்பி
வழிந்தது. நேர்காணலில் பங்குபெற்ற ஒவ்வொருவரும் தலைவரைப் பற்றி நினைந்து தம்மைப் பற்றி தலைவர் அவர்கள் கேட்டு அறிந்தது எங்களுக்கு மகிழ்ச்சியாக இருந்தது; அத்துடன் எங்களைப் பற்றிய தகவல்களை முன்கூட்டியே தெரிந்து வைத்திருந்து எங்களைப் பற்றி அவர் கேட்டது மேலும் எங்களுக்குப் பெருமிதத்தைத் தந்தது என்று அவர்கள் மகிழ்ச்சியை அங்கு கூடி இருந்தவர்களிடம் எல்லாம் பகிர்ந்து கொண்டார்கள்.
இப்படி ஒரு தலைவர் தொண்டர்களைப் பற்றி முழுமையாக நேருக்கு நேர் சந்தித்து அறிந்து கொள்வதும். தலைவரின் சிறப்புகளை நேரில் கண்டு மகிழ்வதும் வேறு எந்த அரசியல் கட்சியிலும் காண்பது என்பது மிகவும் அரிதாகும்.
திராவிட நாயகர் அவர்களைப் பொருத்தவரையில் எந்த ஒரு பணியையும் சிறப்பாக செய்வது எல்லோரும் ஏற்கக் கூடிய வகையில் நேர்த்தியாகச் செய்து முடிப்பது என்பது அவரிடம் அமைந்துள்ள ஒரு பெருமைக்குரிய சிறந்த குணமாகும். இந்த நேர்காணல் பணியிலும் திராவிட நாயகர் அவர்களின் முத்திரை அனைவராலும் பாராட்டப்படுகிறது.
கழகப் பொதுச்செயலாளர் துரைமுருகன், கழகப் பொருளாளர் நாடாளுமன்ற உறுப்பினர் டி.ஆர்.பாலு, முதன்மைச் செயலாளர் கே.என்.நேரு, அமைப்புச் செயலாளர் ஆர்.எஸ்.பாரதி ஆகியோர் கழக தலைவருடன் இந்த நேர்காணலில் உடனிருந்தனர். இணை அமைப்புச் செயலாளர் அன்பகம் கலை, துணை அமைப்புச் செயலாளர்கள் எஸ்.ஆஸ்டின், தாயகம் கவி, தலைமை நிலையச் செயலாளர்கள் துறைமுகம் காஜா, பூச்சிமுருகன் ஆகியோர் நேர்காணலில் பங்கேற்றவர்களை நேர்த்தியாக வரிசையில் கலந்து கொள்ள உதவி செய்தார்கள்.