திண்டுக்கல், மார்ச் 25-–
தேவேந்திரகுல வேளாளர் கூட்டமைப்பைச் சேர்ந்த நிர்வாகிகள், மாநில இளைஞரணி தலைவர் ஈஸ்வரபாண்டியன் தலைமையில் 50 பேர் அமைச்சர் ஐ.பெரியசாமி அவர்களுக்கு சால்வை அணிவித்து கழகத்தில் இணைந்தனர்
திண்டுக்கல் மாவட்டம், ஆத்தூர் சட்டமன்றத் தொகுதிக்குட்பட்ட அணைப்பட்டி, பூதிபுரம், அழகுசமுத்திரபட்டி, தாமரைப்பாடி, காமாட்சிபுரம், செம்பட்டி பாளையங்கோட்டை, வேடபட்டி, கதிரையன் குளம், மாங்கரையைச் சேர்ந்த பசுபதிபாண்டியனின் தேவேந்திரகுல வேளாளர் கூட்ட மைப்பைச் சேர்ந்த நிர்வாகிகள் மாநில இளைஞரணி தலைவர் ஈஸ்வரபாண்டியன் தலைமையில் 50-க்கும் மேற்பட்டோர் தி.மு.க. மாநில துணைப் பொதுச்செயலாளரும்,
ஊரக வளர்ச்சித்துறை அமைச்சருமான ஐ.பெரியசாமி அவர்களின் முன்னிலையில் தி.மு.க.வில் இணைந்தனர். தி.மு.க.வில் இணைந்த ஈஸ்வர பாண்டியன் உட்பட மற்றும் அவருடன் வந்த அனைவருக்கும் தி.மு.க. சின்னம் பொறித்த ஆடை அணிவித்து வாழ்த்துத் தெரிவித்து பேசிய ஊரக வளர்ச்சித்துறை அமைச்சர் ஐ.பெரியசாமி அவர்கள், மறைந்த பசுபதிபாண்டியன் கட்சித் தொண்டர்கள் மீதும், நிர்வாகிகள் மீதும் எவ்வளவு பாசம் வைத்திருக்கிறார் என்பது எனக்கு தெரியும், அதே அன்பும், பாசமும் இங்கு உங்களுக்கு கிடைக்கும். தொடர்ந்து கழக பணியாற்றுங்கள், நல்ல எதிர்காலம் உள்ளது.
நீங்கள் எப்போது வேண்டுமானாலும் என்னை சந்தித்து உங்களது குறைகளை தெரிவிக்கலாம் என்றார். நிகழ்ச்சியில் மாவட்ட அவைத் தலைவர் வழக்கறிஞர் காமாட்சி,மாவட்ட துணைச் செயலாளர் நாகராஜன், தலைமைச் செயற்குழு உறுப்பினர் ஆத்தூர் நடராஜன், தண்டபாணி, பிள்ளையார்நத்தம் முருகேசன், மாவட்ட வர்த்தகர் அணிஅமைப்பாளார் பொன்முருகன்,மாவட்ட தொண்டரணி துணை அமைப்பாளர்கள் விவேகானந்தன், பஞ்ச ம்பட்டி மணி, அகரம் பேரூராட்சி மன்ற தலைவர் நந்தகோபால் (எ) மணி, திண்டுக்கல் மாமன்ற உறுப்பினர் நெல்லை சுபாஸ்உட்பட தி.மு.க.வினர் பலர் உடனிருந்தனர்.
தேனி தெற்கு மாவட்டம் சின்னமனூர் நகரம் சின்னமனூர் தனியார் மண்டபத்தில் ஸ்டாலின் தொடரட்டும் தமிழ்நாடு வெல்லட்டும் தமிழ்நாடு தலை குனியாது தெற்கு மாவட்ட செயலாளர் கம்பம் ராமகிருஷ்ணன்
எம்.எல்.ஏ. தலைமையில் ஆலோசனை கூட்டம் நடைபெற்றது. மகாராஜன் சிறப்பு அழைப்பாளராக கலந்து கொண்டார். முத்துக்குமார் வரவேற்புரை ஆற்றினார். முன்னாள் முதல்வர் ஓ.பன்னீர்செல்வம் சிறப்புரை ஆற்றினார். கம்பம் செல்வேந்திரன், ஜெயக்குமார், பாண்டியன், சூர்யா ப.தங்கராஜ், மனோகரன் மற்றும் ஒன்றிய செயலாளர்கள் நகர செயலாளர்கள் பேரூர் செயலாளர்கள் கழக நிர்வாகிகள் மூத்த முன்னோடிகள் கலந்து கொண்டனர்.