புதுடெல்லி மார்ச்.25–
புதுடெல்லியில் நடைபெற்ற இந்திய பாராளுமன்ற நிலைக்குழு கூட்டத்தில் தமிழ்நாட்டிற்கும் இலங்கைக்கும் உள்ள உறவையும், இலங்கை மக்களை தமிழ்நாட்டில் அகதிகளாய் பார்க்காமல் தமிழ்நாடு மக்களாகவே எங்கள் முதல்வர் அவர்கள் பேணி பாதுகாக்கிறார் என்று மாநிலங்களவை உறுப்பினர் சு.கல்யாணசுந்தரம் சிறப்புரை யாற்றினார்.
புதுடெல்லி பாராளுமன்ற வளாகத்தில் கலாச்சாரம், சுற்றுலா மற்றும் போக்குவரத்துத்துறை நிலைக் குழுக் கூட்டம் நடைபெற்றது. இக்கூட்டத்தில் சிறப்பு விருந்தினர்களாக இலங்கை நாடாளுமன்ற பிரதிநிதிகள் கலந்து கொண்டு இந்தியா மற்றும் இலங்கை காலாச்சாரம், சுற்றுலா மேம்பாடு மற்றும் போக்குவரத்து வசதிகள் பற்றிய தங்களுடைய கருத்துக்களை பரிமாறிக்
கொண்டனர்.
அப்போதுமாநிலங்களவை உறுப்பினரும், கலாச்சாரம், சுற்றுலா மற்றும் போக்குவரத்துத்துறை நிலைக்குழு உறுப்பினருமான சு.கல்யாணசுந்தரம் தமிழகத்தின் வரலாற்று தொன்மைகளை எடுத்துரைத்து, இலங்கைக்கும், தமிழ்நாட்டிற்கும் உள்ள நெருங்கிய தொடர்பினை நினைவு கூர்ந்தும், தமிழக அரசால் தற்போது இலங்கை அகதிகளுக்காக செயல்படுத்தப்பட்டு வரும் நலத்திட்டங்களை நினைவுபடுத்தியும் உரையாற்றினார். இலங்கைக்கு அருகில் தமிழ்நாடு உள்ளதால்அதிகளவிளான இலங்கை அகதிகள் நீண்ட காலமாக தமிழ்நாட்டில் வசித்து வருகின்றனர். நீண்ட காலமாக தமிழ்நாட்டில் இருக்கும் இலங்கை அகதிகளை தமிழ்நாடு மக்களாகவே பாவித்து அவர்களை அகதிகளாக நடத்தாமல் தமிழ்நாட்டின் குடி மக்களாக கருதிய எங்கள் தமிழ்நாட்டு முதலமைச்சர் முத்துவேல் கருணாநிதி ஸ்டாலின் அவர்கள் நீண்ட காலமாக அகதிகளாக இங்கு இருப்பவர்ளுக்கு வீடுகள் கட்டி கொடுத்தும், அவர்களுக்கு ஒட்டுரிமையும், ரேசன் பொருட்கள் வழங்கி அவர்களை காத்து வருவதாகவும் கூறினார். தமிழ்நாடும் – இலங்கையும் தொப்புள் கொடி உறவுகள் எனவே இலங்கையை சேர்ந்தவர்கள் தமிழ்நாடு வந்து ஆய்வு செய்து தமிழின் பெருமையைஉலகின் அனைத்து பகுதிக்கும் எடுத்துரைக்க வேண்டும் என்றும் கல் தோன்றி, மண் தோன்றிய காலத்துக்கு முன் தோன்றிய மூத்த மொழி தமிழ். அத்தமிழைப் போல் இயல், இசை, நாடகம் பிறந்ததும், சோழர் குலத்தை தழைத்தோங்க செய்த ராசராச சோழன் பிறந்ததும் தஞ்சை மாவட்டம் என்றும் அவர் இராஜஇராஜ சோழன் இலங்கை சென்றதையும் நினைவு கூர்ந்து உரையாற்றினார்.