கோவை வெள்ளலூர் பகுதியைச் சேர்ந்த அகரம் கிட்ஸ் மாண்டிசரி பிரி பள்ளியின் யு.கே.ஜி. குழந்தைகள் 1,376 கணக்குகளை 20 நிமிடத்தில் செய்து சாதனை படைத்த நிகழ்வு சோழன் புக் ஆப் ரெக்கார்டில் இடம்பெற்றது. சாதனை படைத்த பள்ளி குழந்தைகள் கழக மேற்கு மண்டல பொறுப்பாளர், முன்னாள் அமைச்சர் வி.செந்தில் பாலாஜியை நேரில் சந்தித்து வாழ்த்துப் பெற்றனர். இதில் கோவை மாநகர் மாவட்டக் கழக பொறுப்பாளர் துரை.செந்தமிழ்ச் செல்வன், தெற்கு மாவட்டக் கழகச் செயலாளர் தளபதி முருகேசன், வடக்கு மாவட்ட கழக செயலாளர் தொண்டாமுத்தூர் அ.ரவி, பள்ளி தாளாளர் செல்வராஜ், நிர்வாக இயக்குனர் பொற்கொடி செல்வராஜ், செயலாளர் அகர முதல்வன், தலைமை நிர்வாகி கல்பனா ஸ்ரீகாந்த் உள்ளிட்ட பலர் உடனிருந்தனர்.