செஞ்சி, மார்ச் 26 –
ஒன்றிய பா.ஜ.க. மோடியுடன் கூட்டணி வைத்துள்ள அ.தி.மு.க. எடப்பாடிக்கு ஓட்டு போடக்கூடாது என மக்கள் முடிவு செய்துள்ளதாகவும் முதலமைச்சரின் நிர்வாகத் திறமையாலும் அவரது சொல் செயல் திட்டங்களால் தி.மு.க.விற்கு ஓட்டு போட அ.தி.மு.க. தொண்டர்கள் தயாராக உள்ளதாக விழுப்புரம் வடக்கு மாவட்டபொறுப்பாளர் செஞ்சி மஸ்தான் எம்.எல்.ஏ. தெரிவித்தார்.
விழுப்புரம் வடக்கு மாவட்டம் செஞ்சி சட்டமன்றத் தொகுதி மேல்மலையனூர் கிழக்கு, மேற்கு, மத்திய ஒன்றிய தி.மு.க. சார்பில் கிளை கழக செயலாளர்கள் மற்றும் வாக்குச்சாவடி முகவர்களுக்கான ஆலோசனை கூட்டம் மேல்மலையனூரில் நடைபெற்றது.
மேல்மலையனூர் கிழக்கு ஒன்றிய செயலாளர் நெடுஞ்செழியன் தலைமை தாங்கினார். மேல்மலையனூர் மேற்கு ஒன்றிய செயலாளர்சாந்தி சுப்ரமணியன், மேல்மலையனூர் மத்திய ஒன்றிய செயலாளர் நாராயண மூர்த்தி ஆகியோர் முன்னிலை வகித்தனர்.
கூட்டத்தில்விழுப்புரம் வடக்கு மாவட்டப் பொறுப்பாளர் – முன்னாள் அமைச்சர் செஞ்சி மஸ்தான் எம்.எல்.ஏ. கலந்துகொண்டு சிறப்புரை ஆற்றினார்.
கூட்டத்தில் முன்னாள் அமைச்சர் செஞ்சி மஸ்தான் எம்.எல்.ஏ. பேசுகையில்:
தமிழ்நாடு முதலமைச்ச ரின் திட்டங்கள் ஒவ்வொரு இல்லத்திலும் ஒவ்வொரு உள்ளத்திலும் சென்றடைந்துள்ளது அந்த வகையில் நடைபெற உள்ள சட்டமன்றத் தேர்தலில் ஒவ்வொரு பெண்கள் வாக்குச்சாவடிகளில் 75% இருந்து 80% ஆகவும்,ஆண்கள் வாக்குச்சாவடியில் 60% இருந்து 65% ஆகவும் தி.மு.க. கூட்டணிக்கு வாக்குகள் பதிவாகும் என கருத்துக்கணிப்பு உள்ளது.
ஒவ்வொரு வாக்காளர்களையும் ஐந்து முறை சந்தித்து முதலமைச்சரின் திட்டத்தை கூறி வாக்கு சேகரிக்க வேண்டும்.
இந்த தேர்தலில் தி.மு.க.வின் சாதுத்தியமாக பணியை மேற்கொள்ள வேண்டும். வாக்காளர்களை வணங்கி முதலமைச்சர் செய்த சாதனைகளையும் மீண்டும் செய்ய உள்ள திட்டங்களையும் எடுத்துக் கூறி ஓட்டு கேட்க வேண்டும்.
80 வயதுக்கு மேற்பட்ட வயதானவர்கள் மாற்றுத்திறனாளிகள் அவர்களுடைய இல்லத்தில் இருந்து வாக்களிப்பதற்கு இந்திய தேர்தல் ஆணையம் வழிவகை செய்துள்ளது. தற்போது தேர்தல் ஆணையம் சார்பில் வயதானவர்கள் மாற்றுத்திறனாளிகள் ஆகியோர் வாக்களிப்பதற்கு ஒப்புதல் படிவம் 2.வழங்கப்பட்டு வருகிறது.கிளைக் கழக செயலாளர்கள் மற்றும் வாக்குச்சாவடி முகவர்கள் படிவம் 2 முறையாக அவர்களுக்கு சென்றுள்ளதா என கண்டறிந்து அவர்களுக்கு படிவம் சென்று சேரும் வகையில் மேற்பார்வையிட்டு உதவி செய்ய வேண்டும்.
ஒன்றிய பா.ஜ.க. மோடியுடன் கூட்டணி வைத்துள்ள அ.தி.மு.க. எடப்பாடிக்கு ஓட்டு போடக் கூடாது என மக்கள் முடிவு செய்துள்ளனர்.முதலமைச்சரின் நிர்வாகத் திறமையாலும் அவரது சொல் செயல் திட்டங்களால் தி.மு.க. விற்கு ஓட்டு போட
அ.தி.மு.க. தொண்டர்கள் தயாராக உள்ளதாக விழுப்புரம் வடக்கு மாவட்டச் செயலாளர் முன்னாள் அமைச்சர் செஞ்சி மஸ்தான்
எம்.எல்.ஏ. தெரிவித்தார்.
கூட்டத்தில்மாவட்ட கவுன்சிலர் செல்வி ராம சரவணன், ஒன்றிய அவைத் தலைவர்கள் மன்ன ஏழுமலை, உதயகுமார், ஆறுமுகம், ஒன்றிய துணைச் செயலாளர்கள் பெருமாள், சிவசக்தி, ரகுராமன், தாஹிரா அப்துல் வகாப் அரிதாஸ், காந்திமதி ஏழுமலை, மாவட்ட பிரதிநிதி கள் செந்தில்குமரன், ஜெய்சங்கர், ஜி பிஎஸ் முருகன், அர்ஷத், வேணு, குபேந்திரன், ரவிச்சந்திரன், ராஜா ஒன்றிய பொருளாளர் சரவணன், கோபாலகிருஷ்ணன் உள்ளிட்ட அனைத்து தி.மு.க. நிர்வாகிகள் கலந்து கொண்டனர்.