புதுடெல்லி, மார்ச்.26–
தமிழ்நாட்டில் உணவு பதப்படுத்தல் துறையில் செயல்படுத்தப்பட்டுள்ள திட்டங்கள் குறித்து தென் சென்னை மக்களவை தொகுதி உறுப்பினர் தமிழச்சி தங்கபாண்டியன் மக்களவையில் கேள்வி எழுப்பினார்.
அதாவது, பிரதான் மந்திரி கிசான் சம்படா யோஜனா (PMKSY), உற்பத்தி இணைப்பு ஊக்கத் திட்டம் (PLI) மற்றும் பிரதான் மந்திரி மைக்ரோ உணவு பதப்படுத்தல் நிறுவனங்கள் திட்டம் PMFME ஆகியவற்றின் கீழ் தமிழ்நாட்டில் ஒப்புதல் அளிக்கப்பட்ட மற்றும் செயல்பாட்டில் உள்ள திட்டங்கள் எத்தனை? அவற்றிற்கான நிதி ஒதுக்கீடு மற்றும் பயன்பாடு விவரங்கள் என்ன?
மேலும், உணவு பூங்கா க்கள், cold ஸ்டோரேஜ் கட்டமைப்புகள்மற்றும் மதிப்பு கூட்டல் அலகுகள் அமைப்பதற்கான முன்மொழிவுகள்நிலுவையில் உள்ளனவா? மைக்ரோ உணவு பதப்படுத்தல் நிறுவனங்களுக்கு நிதி உதவிகளை விரைவு படுத்த அரசு எடுத்துள்ள நடவடிக்கைகள் என்ன? என்ற கேள்விகளை எழுப்பினார்.
இதற்குமத்திய உணவு பதப்படுத்தல் தொழில்துறை இணை அமைச்சர் ரவ்நீத் சிங் எழுத்துப்பூர்வமாக பதில் அளித்தார்.
அந்த பதிலில் :
தமிழ்நாட்டில் PMKSY திட்டத்தின் கீழ் மொத்தம் 104 உணவு பதப்படுத்தல் திட்டங்கள் ஒப்புதல் அளிக்கப்பட்டுள்ளன. இதில் 72 திட்டங்கள் தற்போது செயல்பாட்டில் உள்ளன.
PMFME திட்டத்தின் கீழ் 17,869 மைக்ரோ உணவு பதப்படுத்தல் நிறுவனங்க ளுக்கு கடன்கள் ஒப்புதல் அளிக்கப்பட்டுள்ளன. இதில் 16,149 கடன்கள் வழங்கப்பட்டுள்ளன.
PLI திட்டத்தின் கீழ் தமிழ்நாட்டில் 19 இடங்களில் உணவு பதப்படுத்தல் திட்டங்கள் ஒப்புதல் அளிக்கப்பட்டு, அவை அனைத்தும் செயல்பாட்டில் உள்ளன.
PMFME திட்டத்தின் கீழ் மத்திய அரசின் பங்காக ரூ.532.41 கோடி தமிழ்நாட்டிற்கு விடுவிக்கப்பட்டுள் ளது. இருப்பினும், இந்தத் திட்டங்களின் கீழ் மாவட்டவாரியாக நிதி ஒதுக்கீடு செய்யப்படவில்லை என்றுதெரிவிக்கப்பட்டுள்ளது.
மேலும், PMKSY மற்றும் PMFME திட்டங்கள் தேவைக்கேற்ப செயல்படுத்தப்படும் திட்டங்களாக இருப்பதால், விண்ணப்பங் கள் ஆன்லைன் முறையில் பெறப்பட்டு விரைவாக ஒப்புதல் அளிக்கப்படுகிறது.
மைக்ரோ உணவு பதப்படுத்தல் நிறுவனங்களுக்கு நிதி உதவிகளை விரைவு படுத்த மாநில அரசுகள் மற்றும் வங்கிகளுடன் மத்திய அரசு முறையான ஆய்வுக் கூட்டங்களை நடத்தி வருவதாகவும், அவை தொடர்பான சிக்கல்கள் மாநில அளவிலான வங்கிகள் குழு மற்றும் நிதி சேவைத் துறையில் தீர்த்து வைக்கப்படுகின்றன.
இவ்வாறு பதில் தெரிவிக்கப்பட்டுள்ளது.