மாதவரம், மார்ச் 26–
சென்னை வடகிழக்கு மாவட்டம்,மாதவரம் வடக்கு பகுதி 17வது வட்ட நிர்வாகிகள் மற்றும் பாக முகவர்கள் கூட்டம் வட பெரும்பாக்கம் சின்ன தோப்பு பேரறிஞர் அண்ணா சிலை அருகே நடைபெற்றது.
வட்டச் செயலாளர் கே. கருணாகரன் அவர்களின் தலைமையில் நடைபெற்ற கூட்டத்தில் மாதவரம் வடக்கு பகுதிச் செயலாளர் புழல் எம். நாராயணன் கலந்து கொண்டு ஆலோசனைகளை வழங்கி, மீண்டும் திராவிட மாடல் 2.0 அரசு மலர்ந்து தமிழ்நாட்டின் முதலமைச்சராக கழகத் தலைவர் அண்ணன் தளபதி அவர்களை அரியணை ஏற்ற அல்லும் பகலும் அயராது பாடுபடுவது என உறுதி மேற்கொண்டார். எல்லோருக்கும் எல்லாம் ஆட்சி தொடர ஓய்வறியாமல் உழைப்போம் என்றும் தீர்மானம் நிறை
வேற்றப்பட்டது.
தமிழ்நாட்டு மகளிருக்கு எண்ணிலடங்காத சாதனைகளை நிகழ்த்திய தமிழ்நாடு முதலமைச்சர் அவர்களுக்கு நன்றி தெரிவித்து தீர்மானம் நிறைவேற்றப்பட்டது.
வெல்லும் தமிழ் பெண்கள் முன்னறிப்பில் நூறு சதவீதம் நிறைவேற்றிக்கொடுத்த 19-வது வட்டத்திற்குட்பட்ட பாக முகவர்கள் பாக உறுப்பினர்கள் பாக தகவல் தொழில்நுட்ப அணி நிர்வாகிகள் பாக இளைஞர்கள் அனைவருக்கும் இக்கூட்டத்தில் நன்றி தெரிவித்து தீர்மானம் நிறைவேற்றப்பட்டது.
ஓரணியில் தமிழ்நாடு மற்றும் வெல்லும் தமிழ் பெண்கள் மூலம் தினந்தோறும் பாடுபட்டு வரும் கழகத்தினருக்கும் கழக மகளிர் அணி அனைவருக்கும் நன்றி தெரிவித்து
தீர்மானம் நிறைவேற்றப்
பட்டது.
சென்னை, மார்ச் 26–
40 ஆண்டுகளுக்கும் மேலாக முரசொலியில் ஆசிரியர் பகுதி, லே அவுட் மற்றும் நூலகப் பிரிவில் பணியாற்றிய என். முத்து அவர்கள் (வயது 70) உடல் நலக்குறைவால் இராயப்பேட்டை மருத்துவமனையில் கடந்த 11 நாட்களாக சிகிச்சை பெற்று வந்த
நிலையில் சிகிச்சை பலனின்றி நேற்று முன்தினம் (24.3.2026 - செவ்வாய்) மாலை 4 மணியளவில் இயற்கை எய்தினார் என்பதை, அறிவிக்க பெரிதும் வருந்துகிறோம்.
அன்னாரது மறைவுச்செய்தி அறிந்து கழகத்தினர் மற்றும் முரசொலிஅலுவலக ஊழியர்கள்இராயப்பேட்டை மருத்துவமனையில் வைக்கப்பட்டிருந்த அன்னாரது உடலுக்கு அஞ்சலி செலுத்தினர்.
மறைந்த என்.முத்து அவர்களுக்கு அருணாச்சலம் என்ற சகோதரரும், மீனா, சாந்தி ஆகிய இரு சகோதரிகளும் உள்ளனர்.
அன்னாரது உடல் திருவொற்றியூரில் உள்ள நாட்டுக்கோட்டை செட்டியார் நகர விடுதியில் வைக்கப்பட்டு நேற்று(25.3.2026) பிற்பகல் 2.00 மணியளவில்இறுதிச் சடங்குகள் நடைபெற்றன.