#Title

“5G சேவை சிக்கலால் அழைப்புகள் துண்டிப்பு, நெட்வொர்க் நெரிசல் ஏன் தொடர்கிறது? கிராமங்களில் இன்னும் நெட்வொர்க் கிடைக்காத நிலை ஏன்? மாநிலங்களவையில் கே.ஆர்.என்.இராஜேஸ்குமார் கேள்வி!

புதுடெல்லி, மார்ச் 26 –

5G சேவைக்கு மாற்றம் செய்யப்பட்டபின் அழைப்புகள் துண்டிப்பு அதிகரித்ததற்கானதுல்லியமான தரவுகளை ஒன்றிய அரசு வெளியிடுமா? கிராமப்புறங்களில் BTS கோபுரங்கள் அமைப்பதில் உள்ள தடைகள் என்ன? அவற்றை நீக்க அரசு என்ன நடவடிக்கை எடுத்துள்ளது? என நாமக்கல் கிழக்கு மாவட்ட கழகச் செயலாளரும், மாநிலங்களவை உறுப்பினரும், நாமக்கல் மாவட்டமத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் ஒன்றிய அமைச்சருக்குஎன கேள்வி எழுப்பி உள்ளார்.

மேலும், நாடு முழுவதும்5G சேவைகளுக்கு மாற்றம் செய்யப்பட்டதையடுத்து, பயனாளர்கள் தெரிவித்துள்ள அழைப்புகள் துண்டிப்பு மற்றும் நெட்வொர்க் நெரிசல் அதிகரிப்பு குறித்து அரசு ஆய்வு மேற்கொண்டதா என்று கேள்வி எழுப்பினார்.

மேலும், சேவை தரநிலைகள் (QoS) குறித்து TRAI சமீபத்தில் திருத்தி யுள்ள கடுமையான அளவுகோல்கள் என்ன? அவற்றை பின்பற்றத் தவறிய தொலைத்தொடர்பு சேவை வழங்குநர்களுக்கு நடப்பு ஆண்டின் கடந்த இரண்டு காலாண்டுகளில் விதிக்கப்பட்ட அபராத விவரங்கள் என்ன? என்றும் கேட்டார்.

அதேபோல், மொபைல்சேவை கிடைக்காத கிராமங்களுக்கு சேவை வழங்கும் 4G Saturation திட்டத்தின் தற்போதைய நிலை மற்றும் தற்போது 5G சேவை கிடைக்காத 0.1 சதவீத மாவட்டங்களுக்கு சேவை வழங்கும் காலக்கெடு என்ன என்றும் கேள்வி எழுப்பினார்.

இதற்கு பதிலளித்து பேசிய தொடர்பு மற்றும் கிராமப்புற மேம்பாட்டு ஒன்றிய இணை அமைச்சர் டாக்டர் பெம்மசானி சந்திரசேகர், இந்திய தொலைத்தொடர்பு ஒழுங்குமுறை ஆணையம் (TRAI), தொலைத்தொடர்பு சேவை வழங்குநர்கள் (TSPs) சமர்ப்பிக்கும் செயல்திறன் கண்காணிப்பு அறிக்கைகள் (PMR) அடிப்படையில் 5G உட்பட அனைத்து மொபைல் நெட்வொர்க் சேவைகளின் தரத்தை மதிப்பீடு செய்ய சுயாதீன மற்றும் ஆபரேட்டர் உதவியுடன் டிரைவ் டெஸ்ட்களை நடத்தி வருவதாக தெரிவித்தார்.

இத்தேர்வுகளின் முடிவுகள் குறைபாடுகளை சரிசெய்ய சம்பந்தப்பட்ட நிறுவனங்களுடன் பகிரப்படுகின்றன என்றும் கூறினார்.

02.08.2024 அன்று வெளியிடப்பட்ட TRAI விதிமுறைகளின் அடிப்படையில் QoS அளவு கோல்கள் நிர்ணயிக்கப் பட்டுள்ளன என்றும், அவற்றை பின்பற்றாத நிறுவனங்களுக்கு நிதி அபராதங்கள் விதிக்கப் பட்டுள்ளன என்றும் தெரிவித்தார்.

பார்தி ஏர்டெல், பி.எஸ்.என்.எல்., எம்.டி.என்.எல், ரிலையன்ஸ் ஜியோ, வோடாபோன் ஐடியா ஆகிய நிறுவனங் களுக்கு ஜூலை- 25, ஆகஸ்ட்- 25, மாதங்களில் அபராதங்கள் விதிக்கப் பட்டதுடன், செப்டம்பர்- 25, முதல் நவம்பர் -25, வரை காரணம் காட்ட நோட்டீஸ் வழங்கப்பட்டதாகவும், டிசம்பர்- 25 செயல்திறன் அறிக்கை பரிசீலனையில் இருப்பதாகவும் கூறினார்.

மேலும், மொபைல் சேவை இல்லாத கிராமங்களுக்கு அரசு மற்றும் தொலைத்தொடர்பு நிறுவனங்கள் கட்டம் கட்டமாக சேவை வழங்கி வருவதாகவும், 28.02.2026 நிலவரப்படி டிஜிட்டல் பாரத் நிதி 4G Saturation திட்டத்தின் கீழ் 21,328கிராமங்களுக்கு 4G சேவைவழங்கப்பட்டுள்ளதாகவும், இதற்காக 14,301 கோபுரங்கள் செயல்பாட்டில் கொண்டு வரப்பட்டுள்ளதாகவும் தெரிவித்தார். புதிய அடிப்படை ஒளிபரப்பு- பெறுநர் நிலையங்கள் (BTS) அமைப்பது தொழில்நுட்ப மற்றும் வர்த்தக சாத்தியக்கூறுகளைப் பொறுத்தது என்றும் ஒன்றிய அமைச்சர் டாக்டர் பெம்மசானி சந்திரசேகர் விளக்க மளித்தார்.