கழகத் தலைவரும், முதலமைச்சருமான மு.க.ஸ்டாலின் அவர்களை நேற்று முன்தினம் (24.3.2026) சென்னை, அண்ணா அறிவாலயத்தில், மக்கள் நீதி மய்யத்தின் தலைவரும் நாடாளுமன்ற உறுப்பினருமான கமல்ஹாசன் அவர்கள் சந்தித்து, 2026 சட்டமன்றப் பொதுத்தேர்தலில் திராவிட முன்னேற்ற கழக கூட்டணிக்கு, மக்கள் நீதி மய்யத்தின் ஆதரவை தெரிவித்தார். இந்நிகழ்வின்போது, கழகப் பொதுச் செயலாளர், அமைச்சர் துரைமுருகன், கழகப் பொருளாளர், நாடாளுமன்ற உறுப்பினர் டி.ஆர்.பாலு, முதன்மைச் செயலாளர், அமைச்சர் கே.என்.நேரு, கழக துணை பொதுச் செயலாளர்கள், நாடாளுமன்ற உறுப்பினர்கள் திருச்சி சிவா, ஆ.ராசா, அமைச்சர் எ.வ. வேலு, அமைச்சர் எம்.ஆர்.கே. பன்னீர்செல்வம், அமைப்புச் செயலாளர் ஆர்.எஸ்.பாரதி, செய்தி தொடர்பு தலைவர் டி.கே.எஸ். இளங்கோவன், தமிழ்நாடு வீட்டுவசதி வாரியத் தலைவர் பூச்சி முருகன், மக்கள் நீதி மய்யத்தின் பொதுச் செயலாளர் அருணாசலம், துணைத் தலைவர் மௌரியா மற்றும் நிர்வாகிகள் உடனிருந்தனர்.