புதுடெல்லி, மார்ச்.26–
மேற்காசியப் போர் பதற்றத்தால் இந்தியாவின் தொழில்துறையினர் மற்றும் ஏற்றுமதியாளர்கள் சந்தித்து வரும் கடுமையான பாதிப்புகள் குறித்து ஒன்றிய வர்த்தகத்துறையிடம் கேள்விகள் எழுப்பினேன். இதில், வர்த்தகத்திற்கு மாற்றுப்பாதைகள் முடிவு செய்யப்பட்டுள்ளதா, தொழில்துறை மற்றும்ஏற்றுமதியாளர்களைக் காக்க நடவடிக்கைகள் எடுக்கப்பட்டுள்ளதா போன்ற விவரங் களை ஈரோடு கே.இ.பிரகாஷ் கேள்வி எழுப்பியிருந்தார்.
இதற்கு கிடைத்துள்ள பதில்களில் இருந்து, ஒன்றிய அரசு தெளிவான திட்டங்கள் மற்றும் உறுதியான பாதுகாப்பு நடவடிக்கைகள் இன்றி மெத்தனமாக செயல்பட்டுக் கொண்டிருப்பது உறுதியாகியுள்ளது.
1. தமிழ்நாடு முதலமைச்ச ரின் கூற்றை உண்மையாக்கிய ஒன்றிய அரசு:
மேற்காசியப் போர் பதற்றத்தை முன்கூட்டியே உணர்ந்து நடவடிக்கை எடுக்காத ஒன்றிய அரசைப் பார்த்து,
“Preparedness cannot be outsourced to the people” என்று விமர்சித்தார் மாண்புமிகு தமிழ்நாடு முதலமைச்சர் அவர்கள்.
இந்த வார்த்தைகளை அப்படியே உண்மையாக்கிக் கொண்டிருக்கிறது ஒன்றிய அரசு.
நாட்டு மக்களை நோக்கி இந்தச் சூழலுக்கு தயாராகுங்கள் என்று சொல்லும் ஒன்றிய அரசு, இதனால் பாதிக்கப்பட்டுள்ள தொழில்துறை யினர் மற்றும் ஏற்றுமதியாளர்களை காக்க எந்த முன்னெச்சரிக்கை நடவடிக்கையும் எடுக்கவில்லை.
2. ஈரோடு உள்ளிட்ட தொழில் நகரங்களில் முடங்கிய ஏற்றுமதி:
சரக்குக் கப்பல் போக்குவரத்து கட்டணம் பலமடங்கு அதிகரிப்பு மற்றும், ‘போர் அபாயக் கூடுதல் கட்டணம்’ என்ற பெயரில் கூடுதல் பணம் வசூலிப்பு ஆகியவற்றால் ஈரோடு உள்ளிட்ட தொழில்நகரங்களில் ஏற்றுமதி பெருமளவு முடங்கி யுள்ளது.
கோடிக்கணக்கான ரூபாய் மதிப்புள்ள ஜவுளி, விவசாயம் மற்றும் பொறியியல் பொருட்கள் தேக்கம் அடைந்துள்ளன.
இதனால், நிறுவனங்களின்ஒட்டுமொத்த தொழில் மற்றும் பல்லாயிரக்கணக்கான தொழிலாளர்களின் வாழ்வாதாரம் பாதிக்கப்பட்டுள்ளது.
ஆனால், இவர்களைக் காப்பதற்கு ஒன்றிய அரசிடம் ஒரு தெளிவான திட்டமோ, உறுதியான நடவடிக்கையோ இல்லை.
3. பெயரளவு நிவாரணங்க ளால் எந்த பயனும் இல்லை:
ஒன்றிய அரசு அறிவித்துள்ள ‘RELIEF’ (Resilience & Logistics Intervention for Export Facilitation) திட்டம் வெறும் பெயரளவில் உள்ளதே தவிர,இதனால் ஏற்றுமதியாளர்களுக்கு நடைமுறையில் எந்த பயனும் இல்லை. இந்த திட்டத்தில், அவர்கள் சந்திக்கும் பிரச்சனைகள் குறித்து ஆராய்ந்து நடவடிக்கை எடுக்கப்படும் என்று தெரிவிக்கப்பட்டது. இதுவரை என்ன ஆய்வு செய்யப்பட்டது? என்ன நடவடிக்கைகள் எடுக்கப்பட்டன? தொழில்துறையினருக்கும், ஏற்றுமதியாளர்களுக்கும் தேவை அவர்களின் வர்த்தகம் தடையின்றி நடைபெறுவதற்கான சூழல். அது ஏற்படும் வரை: இழப்பீடுகள் மானியங்கள் வங்கிக்கடன்களில் தளர்வுகள் ஆகியவை வழங்கப்பட வேண்டும்.
இதை உறுதிப்படுத்தாமல், Rhyming திட்டங்களை குறிப்பிட்டு விளம்பரம் தேடிக் கொண்டிருக்கிறது ஒன்றிய அரசு.
முதலமைச்சர் அவர்கள் ஆரம்பம் முதலே வலியுறுத்தி வரும் படி, மேற்காசியப் போர் பதற்றத்தில் இருந்து சாமானிய மக்கள், தொழில்துறையினர், ஏற்றுமதியாளர்கள் உள்ளிட்ட அனைவரையும் காக்க ஒன்றிய அரசு உடனடி நடவடிக்கை எடுக்க வேண்டும்!
இவ்வாறு ஈரோடு கே.இ.பிரகாஷ் எம்.பி. தெரிவித்துள்ளார்.